ചൂർണിക്കരയിൽ തെരുവുനായ്​ ശല്യം രൂക്ഷം; വളർത്തു മൃഗങ്ങൾക്കും കോഴികൾക്കും ഭീഷണി

ചൂർണിക്കര: പഞ്ചായത്തിൽ തെരുവുനായ്​ ശല്യം രൂക്ഷമായി. കാൽനടക്കാരെയും ഇരുചക്രവാഹന യാത്രക്കാരെയുമാണ്​ ആക്രമിക്കുന്നത്​. വളർത്തുമൃഗങ്ങളെയും കോഴികളെയും ഇവ വേട്ടയാടുന്നുണ്ട്. കഴിഞ്ഞ ദിവസം രാത്രി കുന്നത്തേരിയിൽ ഒരു വീടി‍ൻെറ മതിൽ ചാടിക്കടന്ന് അഞ്ചു മുയലുകളെയും രണ്ടു കോഴികളെയും കൊന്നു. തൊട്ടടുത്ത ദിവസം ഉച്ചക്ക് വീണ്ടും ഏഴു കോഴികളെ വീട്ടിലുള്ളവർ നോക്കി നിൽക്കെ ആക്രമിച്ചു. മാലിന്യം കൂടിക്കിടക്കുന്നതാണ്​ തെരുവുനായ്​ക്കൾ വർധിക്കുന്നതിന് പ്രധാന കാരണമായത്. അലക്ഷ്യമായി പല ഭാഗത്തും ഭക്ഷണാവശിഷ്ടങ്ങൾ ഉൾപ്പെടെയുള്ളവ വലിച്ചെറിയുന്നത് വർധിച്ചിട്ടുണ്ട്. ക്യാപ്‌ഷൻ കുന്നത്തേരി ഭാഗത്ത് തെരുവ് നായ്​ക്കൾ കൊന്ന കോഴികൾ