പണവും രേഖകളും ഉടമസ്ഥന് തിരിച്ചുനൽകി

കൂത്താട്ടുകുളം: ക്ഷേത്രദർശനത്തിനെത്തിയ ഭക്തക്ക് റോഡിൽനിന്ന്​ ലഭിച്ച പണവും രേഖകളുമടങ്ങിയ പഴ്സ് ഉടമസ്ഥനെ കണ്ടെത്തി തിരിച്ചുനൽകി. കൂത്താട്ടുകുളം സുപ്രിയയിൽ സുമ നാരായണൻ ഓണംകുന്ന് ക്ഷേത്രത്തിൽ ദർശനം നടത്തി മടങ്ങുന്നതിനിടയാണ് കൂത്താട്ടുകുളം ചാരംചിറ കയറ്റത്തിൽ റോഡിൽനിന്ന്​ പഴ്സ് ലഭിച്ചത്. ഓണംകുന്ന് ക്ഷേത്രഭാരവാഹികളെ വിവരമറിയിച്ചതിനെ തുടർന്ന് പൊലീസിനെ അറിയിക്കുകയായിരുന്നു. വല്ലാർപാടം ട്രാൻസ്​പോർട്ടിങ് കമ്പനിയിൽ കണ്ടെയ്നർ ലോറി ഡ്രൈവറായ ഉഴവൂർ മുപ്രാപ്പിള്ളിൽ ഷിബു ജോസഫിന്റേതാണ് പണവും രേഖകളുമടങ്ങിയ പഴ്സ് എന്ന് കണ്ടെത്തി. ക്ഷേത്രത്തിൽ എത്തിയ ഷിബു വനിത സമാജം കമ്മിറ്റി അംഗം കൂടിയായ സുമ നാരായണനിൽനിന്ന് പഴ്​സ്​ ഏറ്റുവാങ്ങി.