നവവൈദികർക്ക് സ്വീകരണം നൽകി

പള്ളുരുത്തി: ഇടക്കൊച്ചി സെന്‍റ്​ മേരീസ് ഇടവകയിൽനിന്ന്​ വൈദികപ്പട്ടം സ്വീകരിച്ച ഫാ. ഫെബിൻ റിബല്ലോ, ഇടക്കൊച്ചി ലോറൻസ് ഇടവകയിൽനിന്ന്​ വൈദികനായ ഫാ. റൊണാൾഡ് മെന്‍റസ് എന്നിവർക്ക് ആംഗ്ലോ ഇന്ത്യൻ അസോസിയേഷൻ ഇടക്കൊച്ചി യൂനിറ്റിന്‍റെ നേതൃത്വത്തിൽ സ്വീകരണം നൽകി. മുൻ എം.പി. ചാൾസ് ഡയസ് അനുമോദന സമ്മേളനം ഉദ്ഘാടനം ചെയ്തു. യൂനിറ്റ് പ്രസിഡൻറ് ജോൺ റിബല്ലോ അധ്യക്ഷത വഹിച്ചു. യൂനിയൻ ഓഫ് ആംഗ്ലോ-ഇന്ത്യൻ അസോസിയേഷൻ സംസ്ഥാന ജനറൽ സെക്രട്ടറി മാർഷൽ ഡിക്കൂഞ്ഞ, കൗൺസിലർമാരായ അഭിലാഷ് തോപ്പിൽ, ജിജാ ടെൻസൻ, ഇടക്കൊച്ചി പി.വി.എം.എം ആംഗ്ലോ-ഇന്ത്യൻ യു.പി സ്കൂൾ പ്രധാനാധ്യാപിക സ്വപ്ന മരിയ ഫെർട്ടൽ, ജൂലാ റിബല്ലോ, റിഡ്ജൻ റിബല്ലോ എന്നിവർ സംസാരിച്ചു.