മാർഗദർശി ശിൽപശാല കമ്മിറ്റി രൂപവത്​കരണം

നായരമ്പലം: ഭിന്നശേഷിക്കാരായ യുവജനങ്ങളെ സംരംഭക പ്രവർത്തനങ്ങളിലൂടെ സ്വാശ്രയത്വത്തിലേക്ക് നയിക്കാൻ എറണാകുളം-അങ്കമാലി അതിരൂപത സാമൂഹികപ്രവർത്തന വിഭാഗമായ സഹൃദയ, എനേബിൾ ഇന്ത്യ, ഗ്രാമീണ സ്വയംതൊഴിൽ കേന്ദ്രം എന്നിവയുമായി സഹകരിച്ച് നടപ്പാക്കുന്ന പദ്ധതിയുടെ ഭാഗമായി നടത്തി. 18നും 40നും ഇടയിൽ പ്രായമുള്ള ഭിന്നശേഷിക്കാരുടെ കൂട്ടായ്മകൾ രൂപവത്​കരിച്ച് വിവിധ സ്വയം തൊഴിലുകളിലും സംരംഭക പ്രവർത്തനങ്ങളിലും പരിശീലനവും സാങ്കേതിക പിന്തുണയും നൽകി സ്വയംപര്യാപ്തതയിലേക്ക് നയിക്കുക എന്നതാണ് പദ്ധതിയുടെ ലക്ഷ്യം. വൈപ്പിൻ ബ്ലോക്ക് പഞ്ചായത്ത് അംഗങ്ങളായ ഇ.പി. ഷിബു, അഗസ്റ്റിൻ മണ്ടോത്ത്‌, സ്ഥിരംസമിതി ചെയർപേഴ്‌സൻ ജിജി വിൻസെന്‍റ്​, എനേബിൾ ഇന്ത്യ എക്സിക്യൂട്ടിവ് ഡയറക്ടർ ആർ. മുരളീകുമാർ, സീനിയർ മാനേജർ ഷിജോ ജോസഫ് തുടങ്ങിയവർ പങ്കെടുത്തു.