തെരഞ്ഞെടുപ്പ്​ പര്യടനം: എ.എൻ. രാധാകൃഷ്ണൻ

പടമുകൾ മുതൽ കാക്കനാട്ട്​ വരെ എ.എൻ. രാധാകൃഷ്ണൻ കൊച്ചി: പടമുകൾ ഇന്ദിര ജങ്​ഷനിൽനിന്നാണ്​ ബുധനാഴ്ച എൻ.ഡി.എ സ്ഥാനാർഥി എ.എൻ. രാധാകൃഷ്ണന്റെ തുറന്ന വാഹനത്തിലെ പര്യടനം തുടങ്ങിയത്​. ബി.ജെ.പി ദേശീയ ഉപാധ്യക്ഷൻ എ.പി. അബ്ദുല്ലക്കുട്ടിയാണ്​ ഉദ്​ഘാടനം ചെയ്തത്​. പി.സി. ജോർജിനെ അറസ്റ്റ് ചെയ്തതിനെ തുടർന്നുണ്ടായ പ്രതിഷേധത്തെ തുടർന്ന് ഏറെ വൈകി വൈകീട്ട്​ അഞ്ചോടെയാണ് ബുധനാഴ്ച പര്യടനം ആരംഭിച്ചത്. ക്രിസ്ത്യൻ പുരോഹിതരെയും ഫ്ലാറ്റ് നിവാസികളെയും എ.എൻ. രാധാകൃഷ്ണൻ ഉച്ചവരെ സന്ദർശിച്ച് വോട്ട് അഭ്യർഥിച്ചു. അമ്പലപ്പാറ റോഡ്, പാലച്ചുവട്, രാമകൃഷ്ണ നഗർ, കുന്നത്തുചിറ കോളനി, ആനമുക്ക് ജങ്​ഷൻ, തുതിയൂർ ജങ്​ഷൻ, ചാത്തനാംചിറ ജങ്​ഷൻ, ചിറ്റേത്തുകര ഇൻഫോപാർക്ക്, മാപ്രാണം, നിലംപതിഞ്ഞി മുകൾ, കുസുമഗിരി പള്ളിമുകൾ ജങ്​ഷൻ, ഇടച്ചിറ, മനക്കടവ്, നവോദയ, അത്താണി, കൊല്ലം കുടിമുകൾ, മാവേലിപുരം തുടങ്ങിയ കേന്ദ്രങ്ങളിലെ സ്വീകരണം ഏറ്റുവാങ്ങി കാക്കനാട്ടാണ് പര്യടനം പൂർത്തിയാക്കിയത്. EC nda -എൻ.ഡി.എ സ്ഥാനാർഥി എ.എൻ. രാധാകൃഷ്ണന്​ പാലച്ചുവട് രാമകൃഷ്ണ നഗറിൽ നൽകിയ സ്വീകരണം