അഖില കേരള ഫുട്ബാൾ ടൂർണമെന്‍റ്​ : കൊടകര സി.എഫ്.എ ജേതാക്കൾ

ഫോർട്ട്​കൊച്ചി: വെളി ലയൺസ് ഫുട്ബാൾ അക്കാദമി സംഘടിപ്പിച്ച അഖില കേരള സബ് ജൂനിയർ, ജൂനിയർ ഫുട്ബാൾ ടൂർണമൻെറ് സമാപിച്ചു. ഇരു വിഭാഗങ്ങളിലും കൊടകര സി. എഫ്. എ ജേതാക്കളായി. കലാശക്കളികളിൽ സബ് ജൂനിയർ വിഭാഗത്തിൽ ഏകപക്ഷീയമായ 2 ഗോളുകൾക്ക് എറണാകുളം യുനൈറ്റഡ് എഫ്.സിയെയും, ജൂനിയർ വിഭാഗത്തിൽ 2-1 ന് മലപ്പുറം ഡൈനാമോസിനെയുമാണ് ഇവർ പരാജയപ്പെടുത്തിയത്. ഫുട്ബാൾ പരിശീലകൻ റൂഫസ് ഡിസൂസയും, ഗുസ്തി പരിശീലകൻ ടി.ജെ.ജോർജും ചേർന്ന് സമ്മാനദാനം നിർവഹിച്ചു. ക്ലബ്​ പ്രസിഡന്‍റ്​ വി.ജെ. ആൻസി അധ്യക്ഷത വഹിച്ചു. സെക്രട്ടറി പി.സി. സേവ്യർ നന്ദി രേഖപ്പെടുത്തി. ചിത്രം: ഫുട്ബാൾ ടൂർണമൻെറ് വിജയികൾക്ക് പരിശീലകരായ റൂഫസ് ഡിസൂസയും, ടി.ജെ. ജോർജും ചേർന്ന് ട്രോഫി സമ്മാനിക്കുന്നു