വഴിയോര കച്ചവടം അപകടങ്ങൾക്കിടയാക്കുന്നു

വൈപ്പിൻ: എളങ്കുന്നപ്പുഴ നട ബസ് സ്റ്റോപ്പിനു വടക്കുഭാഗത്ത് നടപ്പാത കൈയടക്കി തെരുവോര കച്ചവടം കാൽനടക്കാരെ അപകടത്തിലാക്കുന്നു. തൊട്ടടുത്തുള്ള പെട്രോൾ പമ്പിലേക്ക് തെക്കുനിന്നുള്ള ബൈക്കുകൾ നിരന്തരം ചീറിപ്പാഞ്ഞു വരുന്നത് തെറ്റായ ദിശയിലൂടെയാണ്. പ്രദേശവാസികൾ ആവശ്യപ്പെട്ടിട്ടും ഇവിടം ഒഴിഞ്ഞുപോകാൻ കച്ചവടക്കാർ തയാറല്ല. നിലവിൽ വാഹനം പാർക്ക്​ ചെയ്യാനോ കാൽനടക്കാർക്ക്​ നടന്നുപോകാനോ കഴിയാത്ത അവസ്ഥയാണ്. കിഴക്കുനിന്ന് എത്തി ഇടതു തിരിയാൻ ശ്രമിക്കുന്ന ഡ്രൈവർമാരുടെ കാഴ്ച മറയ്ക്കുന്ന വിധം ആൾക്കൂട്ടം ഇടക്കിടെ ഇവിടെ ഉണ്ടാവുന്നു. അധികൃതർ മൗനം വെടിയണമെന്ന് പ്രദേശവാസികൾ ആവശ്യപ്പെടുന്നു.