കേന്ദ്ര അർധ സർക്കാർ സ്ഥാപനത്തിൽ നിയമനം

കൊച്ചി: ജില്ലയിലെ കേന്ദ്ര അർധ സർക്കാർ സ്ഥാപനത്തിൽ വിവിധ തസ്തികകളിലേക്ക് സ്ഥിരം ഒഴിവുകളിൽ നിയമനം നടത്തുന്നു. പ്രായപരിധി: 2022 ജൂൺ ആറിന് 18-35 വയസ്സ്​. നിയമാനുസൃത വയസ്സിളവ് ബാധകം. മൂന്ന് വർഷത്തെ എൻജിനീയറിങ്​ ഡിപ്ലോമയോ ഏതെങ്കിലും വിഷയത്തിൽ ഡിഗ്രിയോ വിവിധ ട്രേഡുകളിലുള്ള ഐ.ടി.ഐ/ (എൻ.ടി.സി)/ എൻ.എ.സിയും നിശ്ചിത യോഗ്യത നേടിയതിന് ശേഷം കപ്പൽ നിർമാണശാലയിൽനിന്നോ എൻജിനീയറിങ് കമ്പനികളിൽനിന്നോ സർക്കാർ, അർധ സർക്കാർ സ്ഥാപനങ്ങളിൽനിന്നോ നേടിയ പ്രവൃത്തി പരിചയവും ഉണ്ടായിരിക്കണം. എല്ലാ അസ്സൽ സർട്ടിഫിക്കറ്റുകളും സഹിതം ജൂൺ എട്ടിന് മുമ്പ് അതത് എംപ്ലോയ്​മെന്‍റ് എക്സ്ചേഞ്ചിൽ രജിസ്റ്റർ ചെയ്യണമെന്ന് ജില്ല ഓഫിസർ അറിയിച്ചു.