യുവതി വീട്ടിൽ മരിച്ചനിലയിൽ

കാഞ്ഞിരപ്പള്ളി: യുവതിയെ വീട്ടിൽ മരിച്ചനിലയിൽ കണ്ടെത്തി. കൊല്ലം മൂലമുക്ക് കുളക്കട സംഗീതഭവനിൽ സജിനിയാണ്​ (46) മരിച്ചത്. കാഞ്ഞിരപ്പള്ളി കുറുവാമൂഴിയിലെ വാടകവീട്ടിൽ ചൊവ്വാഴ്ച രാവിലെയാണ്​ മരിച്ചനിലയിൽ കണ്ടത്​. മരണത്തിൽ ദുരൂഹത സംശയിക്കുന്നുണ്ട്​. പോസ്റ്റ് മോർട്ടത്തിനുശേഷമേ മരണകാരണം വ്യക്തമാകൂവെന്ന്​ പൊലീസ്​ പറഞ്ഞു. ഇവർക്കൊപ്പം താമസിച്ചിരുന്നയാളാണ്​ മരണവിവരം പൊലീസിനെ അറിയിച്ചത്​. വിവാഹിതരല്ലെങ്കിലും കുറേനാളായി ഇരുവരും ഒരുമിച്ച് താമസിക്കുകയായിരുന്നു. മൃതദേഹം കാഞ്ഞിരപ്പള്ളി പൊലീസ് എത്തി ജനറൽ ആശുപത്രി മോർച്ചറിയിലേക്ക് മാറ്റി. കോവിഡ് പരിശോധനഫലം വന്നശേഷം കോട്ടയം മെഡിക്കൽ കോളജ് ആശുപത്രിയിൽ ബുധനാഴ്ച പോസ്റ്റ് മോർട്ടം നടത്തും.