ഗവര്‍ണര്‍ ആരിഫ് മുഹമ്മദ് ഖാന്‍ ഇന്ന് കൊച്ചിയില്‍

കൊച്ചി: ഗവര്‍ണര്‍ ആരിഫ് മുഹമ്മദ് ഖാന്‍ വ്യാഴാഴ്ച വൈകീട്ട് അഞ്ചിന് വൈറ്റില ഏഷ്യന്‍ സ്‌കൂള്‍ ഓഫ് ആര്‍ക്കിടെക്ചര്‍ ആന്‍ഡ് ഡിസൈന്‍ ഇന്നൊവേഷന്‍സില്‍ (ആസാദി കോളജില്‍) ബിരുദദാനത്തിൽ പ​ങ്കെടുക്കും. വൈറ്റില സില്‍വര്‍സാന്റ് ഐലൻഡിലെ കോളജ് കാമ്പസില്‍ സംഘടിപ്പിക്കുന്ന ചടങ്ങില്‍ നാലാം ബാച്ചിലെ കുട്ടികളുടെ ബി.ആര്‍ക്ക് ബിരുദദാനം ഗവര്‍ണര്‍ നിര്‍വഹിക്കും. കെ.എം.ആര്‍.എല്‍ മാനേജിങ്​ ഡയറക്ടര്‍ ലോക്‌നാഥ് ബെഹ്‌റ അധ്യക്ഷത വഹിക്കും.