മുഖ്യമന്ത്രിയെ അവഹേളിച്ചിട്ടില്ലെന്ന്​ കെ. സുധാകരൻ

കൊച്ചി: മുഖ്യമന്ത്രിയെ അവഹേളിച്ചിട്ടില്ലെന്നും മലബാറിലെ സാധാരണ പ്രയോഗമാണ്​ നടത്തിയതെന്നും കെ.പി.സി.സി പ്രസിഡന്‍റ്​ കെ. സുധാകരൻ. തന്‍റെ പരാമർശം തെറ്റിദ്ധരിക്കപ്പെട്ടെങ്കിൽ പിൻവലിക്കുന്നു. മുഖ്യമന്ത്രിക്ക്​ എതിരെ മോശം പരാമർശം നടത്തിയിട്ടില്ലെന്നും അദ്ദേഹം പറഞ്ഞു. ഉപതെരഞ്ഞെടുപ്പ്​ പ്രചാരണം സംബന്ധിച്ച്​ ഒരു ഓൺലൈൻ മാധ്യമത്തോട്​ നടത്തിയ പ്രതികരണം വിവാദമായതിനെ തുടർന്നാണ്​ വിശദീകരണം.