ആസാദി കോ​ളജിൽ ബിരുദദാനം ഗവർണർ നിർവഹിക്കും

കൊച്ചി: വൈറ്റിലയിലെ ഏഷ്യൻ സ്കൂൾ ഓഫ്​ ആർക്കിടെക്​ചർ ആൻഡ്​ ഡിസൈൻ ഇന്നൊവേഷൻസിൽ (ആസാദി കോളജ്​) നാലാമത്​ ബിരുദ ബാച്ചിന്‍റെ ബിരുദദാനം ഗവർണർ ആരിഫ്​ മുഹമ്മദ്​ ഖാൻ നിർവഹിക്കുമെന്ന്​ ഭാരവാഹികൾ വാർത്തസ​മ്മേളനത്തിൽ അറിയിച്ചു. 19ന്​ വൈകീട്ട്​ അഞ്ചിനാണ്​​ പരിപാടി. ചടങ്ങിൽ ലോക്​നാഥ്​ ബെഹ്​റ അധ്യക്ഷത വഹിക്കും. വാർത്തസമ്മേളനത്തിൽ കോളജ്​ ചെയർമാൻ പ്രഫ. ആർക്കിടെക്ട്​ ബി.ആർ. അജിത്ത്​, പ്രിൻസിപ്പൽ ആർക്കിടെക്ട് പ്രത്യൂഷ്​ പ്രസൻ, എക്​സിക്യൂട്ടിവ്​ ഡയറക്ടർ ഡോ. ആർക്കിടെക്ട് പ്രതീക്​ സുധാകരൻ എന്നിവർ പ​ങ്കെടുത്തു.