ദേവ പ്രതിഷ്ഠയുടെ മുന്നൂറാം വാർഷികത്തിനൊരുങ്ങി തിരുമല ദേവസ്വം

മട്ടാഞ്ചേരി: ക്ഷേത്ര മൂലമൂർത്തിയുടെ ദ്വിതീയ പ്രതിഷ്ഠയുടെ 300 ാമത് വാർഷികാഘോഷത്തിന് കൊച്ചി തിരുമല ക്ഷേത്രത്തിൽ തുടക്കം. ആഘോഷഭാഗമായി ധർമ ഗുരു സംയമീന്ദ്ര തീർഥ സ്വാമികൾ 21ന് ക്ഷേത്രത്തിലെത്തും. 2020ൽ നടക്കേണ്ട ആഘോഷം കോവിഡ്​ നിയന്ത്രണങ്ങളെ തുടർന്ന് നീട്ടിവെക്കുകയായിരുന്നു. ക്ഷേത്ര നവീകരണത്തെ തുടർന്ന് 1719 ൽ കാശി മഠാധിപതി ദേ​വേന്ദ്രതീർഥ സ്വാമി , ശിഷ്യൻ മാധവേന്ദ്ര തീർഥ സ്വാമികളുമൊത്ത് നടന്ന പ്രതിഷ്ഠയുടെ 300- ാമത് വാർഷികാഘോഷമാണ് നടക്കുന്നത്.