തൃക്കാരിയൂർ യു.പി സ്കൂളിൽ കരനെൽ കൃഷിക്ക് തുടക്കം

കോതമംഗലം: പിണ്ടിമന കൃഷിഭവന്‍റെയും ആയക്കാട് എൻ.എസ്.എസ് കരയോഗത്തിന്‍റെയും ആഭിമുഖ്യത്തിൽ തൃക്കാരിയൂർ എൻ.എസ്.എസ് യു.പി സ്കൂളിൽ കരനെൽ കൃഷിയാരംഭിച്ചു. വിത്തിടൽ പിണ്ടിമന പഞ്ചായത്ത് പ്രസിഡന്‍റ്​ ജെസി സാജു ഉദ്ഘാടനം ചെയ്തു. കരയോഗം പ്രസിഡന്‍റ്​ സി.ആർ. ജയൻ അധ്യക്ഷത വഹിച്ചു. വൈസ് പ്രസിഡന്‍റ്​ ജെയ്സൺ ദാനിയേൽ, എൻ.എസ്.എസ് യൂനിയൻ താലൂക്ക് പ്രസിഡന്‍റ്​ നരേന്ദ്രൻനായർ, വാർഡ് മെംബർ ടി.കെ. കുമാരി, സ്കൂൾ ഹെഡ്മിസ്​ട്രസ് ജമ ടീച്ചർ തുടങ്ങിയവർ പങ്കെടുത്തു. കൃഷി ഓഫിസർ ഇ.എം. അനീഫ സ്വാഗതവും കൃഷി അസിസ്റ്റന്‍റ്​ വി.കെ. ജിൻസ് നന്ദിയും പറഞ്ഞു. EM KMGM 2 kara Nell തൃക്കാരിയൂർ യു.പി സ്കൂളിലെ കരനെൽ കൃഷി പിണ്ടിമന പഞ്ചായത്ത് പ്രസിഡന്‍റ്​ ജെസി സാജു ഉദ്ഘാടനം ചെയ്യുന്നു