കാപ്സ്യൂൾ കാലം

സാധാരണ മരുന്ന്​ കുറിപ്പടി നൽകുന്നത്​ ഡോക്ടർമാരാണ്. ചിലപ്പോൾ കാപ്സ്യൂൾ ഒക്കെയുണ്ടാകും. ചെറുതാണ്,​ കഴിക്കുമ്പോൾ ​ ഗുളികയെപ്പോലെ കയ്പ്​ അറിയില്ല എന്നതൊക്കെയാണ്​ ഇതി‍ൻെറ മെച്ചം. കാലം മാറിയപ്പോൾ എല്ലാം മാറി. പ​ണ്ടൊക്കെ പാർട്ടിക്കാർ മൈക്ക്​ കെട്ടി കവല പ്രസംഗം നടത്തിയാണ്​ രാഷ്ട്രീയ എതിരാളികൾക്ക്​ മറുപടി കൊടുത്തിരുന്നത്​. ​രാഷ്ട്രീയ വിശദീകരണ ​േയാഗം എന്നൊക്കെ പറയും. അതുകേൾക്കാൻ നാട്ടിൻപുറങ്ങളിലൊക്കെ ആളുകൾ കൂടും. ഇപ്പോൾ പോരാട്ടം മുഴുവൻ സൈബർലോകത്താണ്​. എതിരാളികളെ പഞ്ഞിക്കിടുന്നതും ആക്രമിക്കുന്നതും പ്രതിരോധിക്കുന്നതുമെല്ലാം സമൂഹ മാധ്യമങ്ങളിലാണ്​. ഫേസ്​ബുക്കും ഇൻസ്റ്റഗ്രാമും വാട്ട്​സ്​ ആപ്പും ഒക്കെയാണ്​ പുതിയ പോരിടങ്ങൾ. കനലൊരു തരി മതി എന്ന സിദ്ധാന്തമൊന്നും ഇവിടെ നടപ്പില്ല. ഒരു തരിയല്ല ഒരായിരം ലൈക്കുവേണം. ലൈക്കുകൾ കമന്‍റുകൾ ​െഷയറുകൾ എത്രകൂടുന്നുവോ അത്രയും ശക്തമാണ്​ പാർട്ടി എന്നർഥം. എല്ലാ പാർട്ടിക്കുമുണ്ട്​ സൈബർ ഗുണ്ടകൾ. എതിരാളി എന്തെങ്കിലും പറഞ്ഞാൽ കടന്നൽ കൂടിളകി വരും​പോലെ കൂട്ടമായെത്തും. പിന്നെ അറഞ്ചം പുറഞ്ചം കുത്താണ്​. എതിരാളി പോസ്റ്റ്​ മുക്കി ഓടണം. ഐസിട്ട പഴങ്കഞ്ഞി പോലത്തെ സ്റ്റഡി ക്ലാസുകൾ കേൾക്കാനൊന്നും പണ്ടത്തെപോല ആർക്കും​ നേരവുമില്ല ക്ഷമയുമില്ല. അങ്ങനെയാണ്​ പാർട്ടിക്കാർ ന്യായീകരണ 'കാപ്സ്യൂൾ' നിർമാണം തുടങ്ങുന്നത്​. ഫേസ്​ ബുക്കിൽ ഇടേണ്ട കമന്‍റുകള്‍ ക്യാപ്സൂള്‍ രൂപത്തിൽ പാര്‍ട്ടി തയാറാക്കി നല്‍കുമെന്നും ഒരുലോക്കൽ കമ്മിറ്റി 300 ഉം 400ഉം കമന്‍റുകൾ ഇടണമെന്നും 'പ്രകാശം പരത്തുന്ന' നേതാവ്​ പറഞ്ഞത്​ നാട്ടിൽ പാട്ടായത്​ കുറച്ച്​ കാലം മുമ്പാണ്​. ന്യായീകരണ ക്യാപ്സൂൾ, ആക്രമണ ക്യാപ്സൂൾ, കുത്തിപ്പൊക്ക്​, വെടക്കാക്കി തനിക്കാക്കൽ അങ്ങനെ പല വിധമുണ്ട്​. പാർട്ടി കുറിച്ചു തരും അതു പറഞ്ഞപോലെ പോസ്റ്റ്​ ചെയ്യുക വേ​റെ ഒന്നും ആലോചിക്കേണ്ട. തെരഞ്ഞെടുപ്പാണ്​ ക്യാപ്​സൂളുകളുടെ സുവർണകാലം. ഒന്നു വീതം ആറുനേരം വരെ​ കിട്ടും. സ്​റ്റാറ്റസാക്കാനുള്ളത്​ ​​പ്രത്യേകം കുപ്പിയിലാക്കിത്തരും. സ്ഥാനാർഥിയെ നിശ്​ചയിച്ചാൽ പിന്നെ വാഴ്ത്തു പാട്ടുകളുമായി സൈബർ സംഘങ്ങൾ സജീവമാകും. സ്ഥാനാർഥിയെ നിശ്ചയിക്കുക എന്നതും ഒരു കടമ്പയാണ്​. പലരീതിയിൽ സ്​ഥാനാർഥികളെത്തും. ​ മരുമക്കത്തായമൊക്കെ കുറ്റിയറ്റുപോയതുകൊണ്ട്​ മക്കത്തായമാണ്​ നടപ്പുരീതി. ഭർത്താവു മരിച്ചാൽ ഭാര്യ അല്ലെങ്കിൽ മകൻ അതാണ്​ മറ്റൊരു ആചാരം. ചിലർ മാനത്തുനിന്ന്​ പൊട്ടി വീഴും. ജാതി, മതം, സഭ ഒക്കെ ഗണിച്ചുനോക്കി വേണം സഥാനാർഥിയെ തീരുമാനിക്കാൻ. എല്ലാം നോക്കി വരുമ്പോൾ അടിയുറച്ച പാർട്ടിക്കാരനെ കിട്ടിയെന്നുംവരില്ല. ഒരു സുപ്രഭാതത്തിൽ സ്ഥാനാർഥിയായ ആൾക്ക്​ പാർട്ടിക്കാരെ ​പോലെ പ്രസംഗിക്കാനൊന്നും അറിയണമെന്നില്ലല്ലോ. അതിനുള്ള പരിഹാരം കൂടിയാണ്​ ക്യാപ്സൂൾ. എറണാകുളത്ത്​ അതിജീവിതക്ക്​ ഐക്യദാർഢ്യം പ്രഖ്യാപിച്ച്​ ഒരു പരിപാടി നടന്നു. സ്ഥാനാർഥി ചടങ്ങിലെത്തി വൈകാരികമായ പ്രസംഗവും നടത്തി. അപ്പോൾ തന്നെ എതിർപാർട്ടി അവരുടെ സ്ഥാനാർഥിയെ വിളിപ്പിച്ചു. സ്ഥാനാർഥിക്കാണേൽ ആകെ അങ്കലാപ്പ്​. എന്താ പറയേണ്ടത്​​? നിഷ്കളങ്ക ഹൃദയത്തോടെ സ്​ഥാനാർഥി ചോദിച്ചു. പാർട്ടിക്കാരൻ ഉടൻ പൊതി അഴിച്ച്​ ഒരു കാപ്സ്യൂൾ കൊടുത്തു. സ്ഥാനാർഥി സ്​റ്റേജിൽ കയറി പറഞ്ഞു 'ഞാൻ അതിജീവിതക്കൊപ്പമാണ്​ ഒപ്പമാണ്​ ഒപ്പമാണ്' ​ ശുഭം. പ്രസംഗം കഴിഞ്ഞു. സ്ഥാനാർഥി സ്റ്റാൻഡുവിട്ടു. സ്ഥാനാർഥിയുടെ വാക്കുകൾക്ക്​ കാതോർത്തിരുന്നവർ അന്തംവിട്ടു. എന്താ കാപ്സ്യൂളി‍ൻെറ ഒരു പവറ്​. ഹൈക്കു