സൈബർ സുരക്ഷ ക്ലാസ് സംഘടിപ്പിച്ചു

പറവൂർ: കൈതാരം ഗവ. വൊക്കേഷനൽ ഹയർ സെക്കൻഡറി സ്കൂളിൽ അമ്മമാർക്ക് സൈബർ സുരക്ഷ ബോധവത്കരണ ക്ലാസ് നടത്തി. പ്രത്യേക പരിശീലനം ലഭിച്ച ലിറ്റിൽ കൈറ്റ്സ് വിദ്യാർഥികളാണ് ക്ലാസ് നയിച്ചത്. അഞ്ച് ബാച്ചുകളിലായി 150 അമ്മമാർക്കാണ് പരിശീലനം നൽകുന്നത്. ആദ്യ ബാച്ച് പി.ടി.എ പ്രസിഡന്‍റ്​ അനിൽകുമാർ ഉദ്ഘാടനം ചെയ്തു. ഹെഡ്മിസ്ട്രസ് വി.സി. റൂബി അധ്യക്ഷത വഹിച്ചു. അധ്യാപക പ്രതിനിധി ആർ. സ്മിത, വിദ്യാർഥികളായ നിഖിൽ പി. ദിനേശ്, ദേവനന്ദ എന്നിവർ നേതൃത്വം നൽകി. പടം EA PVR sibar class 6 കൈതാരം ഗവ. വൊക്കേഷനൽ ഹയർ സെക്കൻഡറി സ്കൂളിൽ നടന്ന സൈബർ സുരക്ഷ ബോധവത്കരണ ക്ലാസ്