ഫ്ലാറ്റിലെ സ്യൂട്ടിൽനിന്ന്​ എം.ഡി.എം.എയുമായി വിദ്യാർഥികൾ പിടിയിൽ

കളമ​ശ്ശേരി: സ്വകാര്യ ഫ്ലാറ്റിലെ സ്യൂട്ടിൽ നിന്ന്​ ലഹരിമരുന്നുമായി പെൺകുട്ടി അടക്കം ആറ് വിദ്യാർഥികൾ പിടിയിൽ. ഇടപ്പള്ളി ടോൾ വി.പി. മരയ്ക്കാർ റോഡിൽ ഹരിത ഫ്ലാറ്റിലാണ്​ സംഭവം. എട്ട് ഗ്രാമോളം എം.ഡി.എം.എ ഇവരിൽനിന്ന്​ കണ്ടെടുത്തതായാണ് പൊലീസ് നൽകുന്ന സൂചന. ആലപ്പുഴയിൽനിന്നുള്ള രണ്ട്​ വിദ്യാർഥികളാണ് ഇവിടെ മുറികളെടുത്തിട്ടുള്ളത്. പരീക്ഷ എഴുതാൻ വന്നവരാണെന്നാണ് കെയർടേക്കർമാർ പറയുന്നത്. പരിശോധന രാത്രി വൈകിയും നടക്കുകയാണ്. ജില്ലയിലെ എൻജിനീയറിങ്​ വിദ്യാർഥികളാണെന്നും പറയുന്നു. ഇതിനുമുമ്പും ഇവിടെനിന്ന്​ ലഹരി ഉൽപന്നം പിടികൂടിയിരുന്നതായി പ്രദേശവാസികൾ പറയുന്നു