സൈബർ സുരക്ഷ ബോധവത്​കരണ ക്ലാസ്

പള്ളുരുത്തി: എസ്.ഡി.പി.വൈ ഗേൾസ് വൊക്കേഷനൽ ഹയർ സെക്കൻഡറി സ്കൂളിലെ ലിറ്റിൽ കൈറ്റ്സ് വിദ്യാർഥിനികൾ രക്ഷിതാക്കൾക്കായി സൈബർ സുരക്ഷ-സൈബർ പാരന്‍റിങ്​ ബോധവത്​കരണ പരിപാടി സംഘടിപ്പിച്ചു. ശ്രീധർമ പരിപാലന യോഗം പ്രസിഡന്‍റ്​ സി.ജി. പ്രതാപൻ ഉദ്ഘാടനം ചെയ്തു. പ്രധാന അധ്യാപിക സീമ അധ്യക്ഷതവഹിച്ചു. സ്കൂളിലെ ലിറ്റിൽ കൈറ്റ്സ് വിദ്യാർഥിനികളായ ആഷ്ന മരിയ, അശ്വതി, ദേവിന ഗിരീഷ്, സൈനബ, ശ്രേയ ലിജു എന്നിവരാണ് ക്ലാസ് നയിച്ചത്. കൈറ്റ് അധ്യാപകരായ വിജയശ്രീ, മിനി എന്നിവർ നേതൃത്വം നൽകി.