ഹജ്ജ് സങ്കേതിക പഠനക്ലാസ്

പെരുമ്പാവൂര്‍: എറണാകുളം ജില്ലയില്‍നിന്ന് ഈ വര്‍ഷം ഹജ്ജിന് അവസരം ലഭിച്ചവര്‍ക്കുവേണ്ടി സംസ്ഥാന ഹജ്ജ് കമ്മിറ്റി നടത്തിയ സാങ്കേതിക പഠനക്ലാസ് വട്ടക്കാട്ടുപടി മുസ്​ലിം ജമാഅത്ത് ഓഡിറ്റോറിയത്തില്‍ നടന്നു. സിയാല്‍ എയര്‍പോര്‍ട്ട് ഡയറക്ടര്‍ എ.സി.കെ. നായരും എക്‌സിക്യൂട്ടിവ് ഡയറക്ടര്‍ എ.എം. ഷെബീറും മുഖ്യാതിഥികളായിരുന്നു. സംസ്ഥാന ഹജ്ജ്​ കമ്മിറ്റി മുന്‍ അംഗങ്ങളായ എച്ച്. മുസമ്മില്‍ ഹാജി, എം.എസ്. അനസ് ഹാജി, സംസ്ഥാന ഹജ്ജ് കമ്മിറ്റി മാസ്റ്റര്‍ ട്രെയിനര്‍മാരായ ടി.കെ. സലിം, കെ.ഇ. കുഞ്ഞുമുഹമ്മദ്, ഇമാം ഇസ്മായില്‍ ഫൈസി, കെ.എം.എസ്. മുഹമ്മദ് ഹാജി, സൈന കരീം ഹാജി, എം.എസ്.ആര്‍. അഷ്‌റഫ്, അബ്ദുല്‍ അസീസ് സഖാഫി, എ.എച്ച്. നൂര്‍ മുഹമ്മദ്, അമീര്‍ മുഹമ്മദ്, കെ.എം. ജമാലുദ്ദീന്‍, എന്‍.എം. കമാല്‍, സി.എം. നവാസ്. സഫീര്‍ കെ. മുഹമ്മദ്, ഇബ്രാഹിം എടയപ്പുറം, പി.എ. യൂനസ് തുടങ്ങിയവര്‍ സംസാരിച്ചു. ക്ലാസിന് കേരള സംസ്ഥാന ഹജ്ജ്​ കമ്മിറ്റിയുടെ മാസ്റ്റര്‍ ട്രെയിനര്‍ എന്‍.പി. ഷാജഹാനും ജില്ല ട്രെയിനര്‍ സി.എം. അസ്‌ക്കറും നേതൃത്വം നല്‍കി.