മത്സ്യക്കുഞ്ഞ്​ വിതരണം

കോതമംഗലം: യു.എൻ.ഡി.പി-ഹരിത കേരളം മിഷൻ ഐ.എച്ച്.ആർ.എം.എൽ പദ്ധതിയുടെ ഭാഗമായി കേരള യൂനിവേഴ്സിറ്റി ഓഫ് ഫിഷറീസ് ആൻഡ് ഓഷ്യൻ സ്റ്റഡീസ് (കുഫോസ്) മുഖേന കുട്ടമ്പുഴ ഗ്രാമ പഞ്ചായത്തിന്‍റെ നേതൃത്വത്തിൽ മത്സ്യക്കുഞ്ഞുങ്ങളുടെയും പടുത കുളത്തിലെ മത്സ്യകൃഷിക്കുള്ള സാമഗ്രികളുടെയും വിതരണം കുട്ടമ്പുഴ ട്രൈബൽ ഷെൽട്ടറിൽ നടന്നു. മത്സ്യവിത്ത് വിതരണ ഉദ്ഘാടനം കുഫോസ് ഗവേഷണ വിഭാഗം ഡയറക്ടർ പ്രഫ.ഡോ. ദേവിക പിള്ള നിർവഹിച്ചു. പടുത കുള മത്സ്യകൃഷി സാമഗ്രി വിതരണ ഉദ്ഘാടനം ഗ്രാമപഞ്ചായത്ത് പ്രസിഡൻറ് കാന്തി വെള്ളകയ്യൻ നിർവഹിച്ചു. വികസനകാര്യ സ്റ്റാൻഡിങ് കമ്മിറ്റി ചെയർമാൻ കെ.എ. സിബി അധ്യക്ഷത വഹിച്ചു. കുട്ടമ്പുഴ ഗ്രാമപഞ്ചായത്ത് മെംബർമാർ ഡെയ്സി ജോയി, മേരി കുര്യാക്കോസ്, സൽമ പരീത്, ശ്രീജ ബിജു എന്നിവർ സംസാരിച്ചു. കോഓഡിനേറ്റർ പി.ശിൽപ സ്വാഗതവും കുഫോസ്- പ്രോജക്ട്​ പ്രിൻസിപ്പൽ ഇൻവെസ്റ്റിഗേറ്റർ ഡോ.പി.എച്ച്. അൻവർ അലി നന്ദിയും പറഞ്ഞു.