ചലഞ്ചേഴ്സ് ഫുട്ബാൾ: യങ്​ സ്റ്റാർ കൊടുങ്ങല്ലൂർ സെമിയിൽ

മട്ടാഞ്ചേരി: കൊച്ചിൻ ചലഞ്ചേഴ്സിന്‍റെ ആഭിമുഖ്യത്തിൽ തോപ്പുംപടി രാജീവ് ഗാന്ധി സ്റ്റേഡിയത്തിൽ നടക്കുന്ന ഫുട്ബാൾ മത്സരത്തിൽ യങ്​ സ്റ്റാർ കൊടുങ്ങല്ലൂർ സെമിയിൽ കടന്നു. ഒന്നിനെതിരെ നാല് ഗോളുകൾക്ക് ചലഞ്ചേഴ്സ് വല്ലാർപാടത്തെയാണ് യങ്​ സ്റ്റാർ പരാജയപ്പെടുത്തിയത്. വ്യാഴാഴ്ച നടക്കുന്ന ആദ്യ സെമിഫൈനലിൽ കൊച്ചിൻ ചലഞ്ചേഴ്സ് പള്ളുരുത്തി ഇൻ ആൻഡ് ഔട്ട് ഫോർട്ട് കൊച്ചിയെ നേരിടും.