ഫാക്ട് ടൗൺഷിപ് സ്കൂൾ തുടർന്ന് പ്രവർത്തിപ്പിക്കാൻ ധാരണ

കളമശ്ശേരി: അടച്ചുപൂട്ടൽ ഭീഷണി നിലനിന്ന യായി. സ്കൂൾ നടത്തിപ്പുമായി ബന്ധപ്പെട്ട് ഫാക്ട് മാനേജ്മെന്‍റിന് നൽകാനുള്ള 16.5 ലക്ഷം രൂപ രണ്ടുഘട്ടമായി അടക്കാമെന്ന ധാരണയിലാണ് സ്കൂൾ പ്രവർത്തനം തടസ്സം കൂടാതെ മുന്നോട്ട് കൊണ്ടുപോകാൻ തീരുമാനിച്ചത്​. ഇതിൽ അഞ്ചു ലക്ഷം രൂപ അടച്ചുകഴിഞ്ഞു. ബാക്കി തുകയിൽ അഞ്ചു ലക്ഷം ഡിസംബർ 31ന് മുമ്പായും ബാക്കി 2023 ഡിസംബർ 31ന്​ മുമ്പായും അടക്കും. ഇതോടെ കഴിഞ്ഞ ഒരുമാസമായി വിദ്യാർഥികളിലും അധ്യാപകരിലും രക്ഷിതാക്കളിലും നിലനിന്ന ആശങ്ക ഒഴിഞ്ഞിരിക്കുകയാണ്. സ്കൂൾ കെട്ടിടവും ഭൂമിയും ഒഴിയണമെന്ന് കാണിച്ച് കഴിഞ്ഞ മാർച്ചിൽ ഫാക്ട് മാനേജ്മെന്‍റ്​ സ്കൂളിനു സമീപത്തും പരിസരത്തുമായി ബോർഡുകൾ സ്ഥാപിച്ചിരുന്നു. ഇതെല്ലാം നീക്കം ചെയ്തു. ആശങ്ക നിലനിന്നിരുന്നെങ്കിലും പത്താം ക്ലാസ് പഠനം ഒമ്പതാം തീയതി മുതൽ തുടങ്ങിയിരുന്നതായി പ്രധാനാധ്യാപിക ജയശ്രീ പറഞ്ഞു. ഡി.ഇ.ഒയുടെ നിർദേശത്തിലാണ് ക്ലാസ് ആരംഭിച്ചത്. പുതിയ ബാച്ചുകളിലേക്കുള്ള അഡ്മിഷൻ ആരംഭിച്ചതായും അധ്യാപിക പറഞ്ഞു.