'അപ്പോൾ ​കൊണ്ടുപോയില്ലെങ്കിൽ ആ രോഗിയുടെ ജീവൻ പൊലിഞ്ഞേനേ...'

ആലപ്പുഴ: ''ഓടിചെന്നപ്പോള്‍ ശ്വാസമെടുക്കാൻ പറ്റാത്ത അവസ്ഥയിലായിരുന്നു രോഗി. ഉടന്‍ ഡി.സി.സി സെന്‍ററിലെ സന്നദ്ധ പ്രവര്‍ത്തകര്‍ ആംബുലന്‍സ് വിളിച്ചെങ്കിലും എത്താന്‍ പത്തുമിനുട്ട് എടുക്കുമെന്നറിഞ്ഞു. അത്രനേരം കാത്തുനിന്നാല്‍ അദ്ദേഹത്തിന്‍റെ ജീവൻ നഷ്​ടമാകുമായിരുന്നു. അതാണ് സാഹസത്തിനു മുതിര്‍ന്നത്. മൂന്നാമത്തെ നിലയിലായിരുന്നു അദ്ദേഹം. കോണി വഴി ഇറക്കാൻ കൂടെയുള്ള കോവിഡ് പോസിറ്റീവായ ചെറുപ്പക്കാരോട് സഹായം ചോദിച്ചെങ്കിലും അവരാരും മുന്നോട്ടു വന്നില്ല. വീഡിയോ എടുക്കുന്ന തിരക്കിലായിരുന്നു അവർ. ഒടുവിൽ, തൊട്ടടുത്ത മുറിയിലുള്ള വയസ്സായ ആളുടെ സഹായത്തോടെയാണ്​ ഞങ്ങള്‍ താഴെ എത്തിച്ചത്​്​" - ആലപ്പുഴയിൽ അത്യാസന്ന നിലയിലായ കോവിഡ്​ രോഗിയെ ബൈക്കിൽ ഇരുത്തി ആ​ശുപത്രിയിലേക്ക്​ കൊണ്ടുപോവാൻ നേതൃത്വം കൊടുത്ത രേഖയുടേതാണ്​ വാക്കുകൾ.

കോവിഡ് രോഗികൾക്കുള്ള ഡോമിസിലറി കോവിഡ് സെന്‍ററായ (ഡി.സി.സി) പുന്നപ്ര പഞ്ചായത്തിലെ ആലപ്പുഴ എന്‍ജിനിയറിങ് കോളജ്​ വുമണ്‍സ് ഹോസ്റ്റലിലാണ്​ സംഭവം. ഡിവൈഎഫ്‌ഐ ആലപ്പുഴ ഭഗവതിക്കല്‍ യൂണിറ്റ് അംഗങ്ങളും കോവിഡ്​ സന്നദ്ധ പ്രവർത്തകരുമായ രേഖ പി മോളും അശ്വിൻ കുഞ്ഞുമോനുമാണ്​ രോഗിയെ ആശുപത്രിയിലെത്തിച്ചത്.

ഇന്ന്​ രാവിലെ ഒമ്പതിന്​ കോവിഡ് രോഗികള്‍ക്ക് ഭക്ഷണമെത്തിക്കാന്‍ എത്തിയതായിരുന്നു ഇരുവരും. അപ്പോഴാണ്​ ഇവിടെ ചികിത്സയിൽ കഴിയുന്ന അ​മ്പ​ല​പ്പു​ഴ ക​രൂ​ർ സ്വ​ദേ​ശി സു​ബി​ൻ​​ (36) നെ​ഞ്ചു​വേ​ദ​ന ഉ​ണ്ടാ​യി ശ്വാസം കിട്ടാതെ അവശനായ വിവരം അറിയുന്നത്​. 97 രോ​ഗി​ക​ളു​ള്ള സെൻറ​റി​ൽ പി.​പി.​ഇ കി​റ്റ് ധ​രി​ച്ച ഇ​രു​വ​രും ചേ​ർ​ന്ന് താ​ഴ​ത്തെ നി​ല​യി​ൽ രോ​ഗി​ക​ൾ​ക്ക് പ്ര​ഭാ​ത​ഭ​ക്ഷ​ണം വി​ള​മ്പു​ന്ന​തി​നി​ടെ​യാ​ണ്​ മൂ​ന്നാം നി​ല​യി​ൽ ക​ഴി​യു​ന്ന യു​വാ​വ് അ​വ​ശ​നി​ല​യി​ലാ​െ​ണ​ന്ന് അ​റി​യി​യു​ന്ന​ത്. ഉ​ട​ൻ ഇ​രു​വ​രും ചേ​ർ​ന്ന്​ രോ​ഗി​യെ താ​ങ്ങി​യെ​ടു​ത്ത് താ​ഴെ എ​ത്തി​ച്ച് മേ​ശ​യി​ൽ കി​ട​ത്തി.

ഉടന്‍ ആംബുലന്‍സിന്​ വിളിച്ചെങ്കിലും എത്താന്‍ 10-15 മിനുട്ട് താമസിക്കും എന്നറിഞ്ഞു. ഇതോടെ സമയം കളയാതെ ബൈക്കിൽ നടുവിലിരുത്തി, അശ്വിൻ ബൈക്കോടിച്ച്​ സമീപം തന്നെയുള്ള ആശുപത്രിയിൽ എത്തിക്കുകയായിരുന്നു. അവിടെയെത്തിച്ച ശേഷം ഓക്‌സിജന്‍ ലെവല്‍ ശരിയായി. പിന്നീട് ആംബുലന്‍സെത്തി ജില്ലാ ആശുപത്രിയിലേക്ക് മാറ്റിയതായും ഇരുവരും മാധ്യമങ്ങളോട്​ പറഞ്ഞു.

ഇ​തി​നി​ടെ, ബൈ​ക്കി​ൽ രോ​ഗി​യെ കൊ​ണ്ടു​പോ​കു​ന്ന​തി​െൻറ വി​ഡി​യോ സ​മൂ​ഹ മാ​ധ്യ​മ​ങ്ങ​ളി​ൽ വൈ​റ​ലാ​യി. ആം​ബു​ല​ൻ​സ്​ സൗ​ക​ര്യം ല​ഭി​ക്കാ​ത്ത​തി​നാ​ലാ​ണ്​ ഇ​ങ്ങ​നെ ചെ​യ്യേ​​ണ്ടി​വ​ന്ന​തെ​ന്നാ​യി​രു​ന്നു അ​തി​ലെ വി​വ​രം. രോ​ഗി​ക്ക് അ​സ്വ​സ്ഥ​ത​യു​ണ്ടാ​യ​പ്പോ​ൾ പ​ഞ്ചാ​യ​ത്ത് അ​ധി​കൃ​ത​രെ വി​ളി​െ​ച്ച​ന്നും ആം​ബു​ല​ൻ​സ് എ​ത്തു​ന്ന​തി​ന് തൊ​ട്ടു​മു​മ്പ് രോ​ഗി​യെ ബൈ​ക്കി​ൽ സ​ന്ന​ദ്ധ​പ്ര​വ​ർ​ത്ത​ക​ർ മാ​റ്റു​ക​യാ​യി​രു​െ​ന്ന​ന്നും ക​ല​ക്ട​ർ വി​ശ​ദീ​ക​രി​ച്ചു.