മിന്നലിൽ ചാരുംമൂട് മേഖലയിൽ വ്യാപക നഷ്ടം; യുവതിക്ക്​ മിന്നലേറ്റു, വീട്ടമ്മ അത്ഭുതകരമായി രക്ഷപ്പെട്ടു

ചാ​രും​മൂ​ട്: താ​മ​ര​ക്കു​ളം ഗ്രാ​മ​പ​ഞ്ചാ​യ​ത്തി​ലെ ച​ത്തി​യ​റ​യി​ലും കൊ​ട്ട​യ്ക്കാ​ട്ടു​ശ്ശേ​രി​യി​ലും മി​ന്ന​ലി​ൽ വ്യാ​പ​ക നാ​ശ​ന​ഷ്ടം. മി​ന്ന​ലേ​റ്റ യു​വ​തി ആ​ശു​പ​ത്രി​യി​ൽ. വീ​ട്ട​മ്മ അ​ത്‌​ഭു​ത​ക​ര​മാ​യി ര​ക്ഷ​പ്പെ​ട്ടു. നി​ര​വ​ധി വീ​ടു​ക​ളി​ലെ വൈ​ദ്യു​ത ഉ​പ​ക​ര​ണ​ങ്ങ​ൾ ക​ത്തി​ന​ശി​ച്ചു. ക​ഴി​ഞ്ഞ ദി​വ​സം രാ​ത്രി​യാ​യി​രു​ന്നു ശ​ക്ത​മാ​യ മി​ന്ന​ൽ.

കൊ​ട്ട​ക്കാ​ട്ടു​ശ്ശേ​രി വ​ലി​യ വി​ള​യി​ൽ വാ​സു​ദേ​വ​ന്റെ വീ​ടി​ന്റെ മീ​റ്റ​ർ ബോ​ക്സും വൈ​ദ്യു​ത ഉ​പ​ക​ര​ണ​ങ്ങ​ളും ക​ത്തി. വാ​സു​ദേ​വ​ന്റെ മ​രു​മ​ക​ൾ വീ​ണ (32) അ​ടു​ക്ക​ള​യി​ൽ നി​ന്നും ദൂ​രേ​ക്ക് തെ​റി​ച്ചു വീ​ണു പ​രി​ക്കേ​റ്റു. ഇ​വ​രെ നൂ​റ​നാ​ട്ടെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. സ​മീ​പ​ത്തെ ചി​ല വീ​ടു​ക​ളി​ലും വൈ​ദ്യു​ത ഉ​പ​ക​ര​ണ​ങ്ങ​ൾ ന​ശി​ച്ച​താ​യി പ​ഞ്ചാ​യ​ത്ത് അം​ഗം ദീ​പ​ക് പ​റ​ഞ്ഞു.

14-ാം വാ​ർ​ഡി​ലെ ച​ത്തി​യ​റ മ​ഠ​ത്തി​ൽ കു​റ്റി​യി​ൽ രാ​മ​ച​ന്ദ്ര​ൻ പി​ള്ള​യു​ടെ ഭാ​ര്യ ക​മ​ല​മ്മ​യ​മ്മ അ​ത്ഭു​ത​ക​ര​മാ​യി ര​ക്ഷ​​പ്പെ​ട്ടു. മി​ന്ന​ലു​ണ്ടാ​യ സ​മ​യം ക​മ​ല​മ്മ​യ​മ്മ കു​ളി​മു​റി​യി​ലാ​യി​രു​ന്നു. കു​ളി​മു​റി​യു​ടെ ഭി​ത്തി​ക​ളി​ൽ മി​ന്ന​ൽ പ​തി​ച്ച​തോ​ടെ ബ​ൾ​ബ് പൊ​ട്ടി​ത്തെ​റി​ച്ചു. ഇ​വ​ർ പു​റ​ത്തേ​ക്ക് ഓ​ടി ര​ക്ഷ​പ്പെ​ട്ടു. ഇ​വ​രു​ടെ വീ​ട്ടി​ലെ ടി.​വി​യും സ്വി​ച്ച് ബോ​ർ​ഡു​ക​ളും ബ​ൾ​ബു​ക​ളും പൊ​ട്ടി​ത്തെ​റി​ക്കു​ക​യും വ​യ​റി​ങ് പൂ​ർ​ണ​മാ​യും ക​ത്തി​പ്പോ​വു​ക​യും ചെ​യ്തു. ഫ്രി​ഡ്ജി​നും ത​ക​രാ​റു​ണ്ടാ​യി. വീ​ടി​ന്റെ​യും കു​ളി​മു​റി​യു​ടെ​യും ഭി​ത്തി​ക​ൾ​ക്ക് വി​ള്ള​ലു​ണ്ടാ​യി. തൊ​ട്ട​ടു​ത്തു​ള്ള പു​ത്ത​ൻ​വീ​ട്ടി​ൽ റി​ട്ട. അ​ധ്യാ​പ​ക​ൻ ശ​ശി​ധ​ര​ൻ നാ​യ​രു​ടെ ഇ​രു​നി​ല വീ​ട്ടി​ലും നാ​ശ ന​ഷ്ട​മു​ണ്ടാ​യി. സം​ഭ​വ സ​മ​യം ശ​ശി​ധ​ര​ൻ നാ​യ​രും ഭാ​ര്യ​യും മ​ക​നും വീ​ട്ടി​ലി​ല്ലാ​യി​രു​ന്നു. വീ​ടി​നു തൊ​ട്ട​ടു​ത്തു​ള്ള ഷെ​ഡി​ന്റെ അ​ടി​ത്ത​റ മി​ന്ന​ലി​ൽ ഇ​ള​കി​ത്തെ​റി​ക്കു​ക​യും കു​ഴി​ക​ൾ രൂ​പ​പ്പെ​ടു​ക​യും ചെ​യ്തു.

വീ​ടി​ന്റെ എ​ല്ലാ മു​റി​ക​ളി​ലെ​യും സ്വി​ച്ച് ബോ​ർ​ഡു​ക​ൾ പൊ​ട്ടി​ത​ക​ർ​ന്ന നി​ല​യി​ലാ​ണ്. കി​ട​പ്പു​മു​റി​യി​ൽ ത​റ ഭാ​ഗ​ത്തെ ടൈ​ലു​ക​ളും പൊ​ട്ടി​ത്തെ​റി​ച്ചു. ഒ​രു മു​റി​യു​ടെ ജ​ന​ൽ ചി​ല്ലു​ക​ളും പൊ​ട്ടി​ത്ത​ക​ർ​ന്നു. ഇ​ൻ​വെ​ർ​ട്ട​ർ, ഫാ​ൻ, സി.​സി.​ടി.​വി ക്യാ​മ​റ​ക​ൾ തു​ട​ങ്ങി​യ​വ​യും ന​ശി​ച്ചി​ട്ടു​ണ്ട്.

വീ​ടി​ന്റെ മു​ൻ​വ​ശ​ത്ത് അ​ടി​ത്ത​റ ഭാ​ഗ​ത്തും വി​ള്ള​ലു​ണ്ടാ​യ​താ​യി ശ​ശി​ധ​ര​ൻ നാ​യ​ർ പ​റ​ഞ്ഞു. സ​മീ​പ​മു​ള്ള മു​ര​ളീ​ഭ​വ​നം മു​ര​ളീ​ധ​ര​ൻ​പി​ള്ള​യു​ടെ വീ​ട്ടി​ലും ബ​ൾ​ബു​ക​ൾ പൊ​ട്ടി​ത്തെ​റി​ക്കു​ക​യും വ​യ​റി​ങ് ക​ത്തി​ന​ശി​ക്കു​ക​യും ചെ​യ്തു. ച​ത്തി​യ​റ​യി​ൽ കു​ഴി​വേ​ലി​തെ​ക്ക് പ്ര​സ​ന്ന​ൻ , ഓം​കാ​ര​ത്തി​ൽ ര​തീ​ഷ്​ കു​മാ​ർ , സാ​യൂ​ജ്യ​ത്തി​ൽ ബി​നി​ൽ​കു​മാ​ർ തു​ട​ങ്ങി​യ​വ​രു​ടെ വീ​ടു​ക​ളി​ലും നാ​ശ​ന​ഷ്ട​മു​ണ്ടാ​യി​ട്ടു​ണ്ട്.