വേ​മ്പ​നാ​ട്ട്​​ കാ​യ​ലി​ൽ മ​ത്സ്യ​ബ​ന്ധ​ന വ​ള്ള​ങ്ങ​ൾ മു​ങ്ങി

മു​ഹ​മ്മ: വേ​മ്പ​നാ​ട്ട്​ കാ​യ​ലി​ൽ പാ​തി​രാ​മ​ണ​ൽ ദ്വീ​പി​ന് സ​മീ​പം കാ​റ്റി​ലും കോ​ളി​ലും ര​ണ്ട്​ മ​ത്സ്യ​ബ​ന്ധ​ന വ​ള്ള​ങ്ങ​ൾ മു​ങ്ങി. ആ​റ് മ​ത്സ്യ​ത്തൊ​ഴി​ലാ​ളി​ക​ളെ ജ​ല​ഗ​താ​ഗ​ത വ​കു​പ്പി​​െൻറ യാ​ത്രാ​ബോ​ട്ടി​ലെ ജീ​വ​ന​ക്കാ​ർ ര​ക്ഷ​പ്പെ​ടു​ത്തി. മു​ഹ​മ്മ സ്വ​ദേ​ശി​ക​ളാ​യ രാ​ജു (58), പ്ര​കാ​ശ​ൻ (58), ര​ജി​മോ​ൻ (46), വി​നീ​ഷ് (43), മ​നോ​ജ് (40), അ​നി​മോ​ൻ (42) എ​ന്നി​വ​രെ​യാ​ണ് ര​ക്ഷ​പ്പെ​ടു​ത്തി​യ​ത്. വ്യാ​ഴാ​ഴ്ച രാ​വി​ലെ 11ഓ​ടെ​യാ​യി​രു​ന്നു സം​ഭ​വം.

ഒ​രു വ​ള്ളം ത​ല​കീ​ഴാ​യി മ​റി​ഞ്ഞു. മ​റ്റൊ​രു വ​ള്ളം തു​ഴ​യാ​നാ​കാ​ത്ത സ്ഥി​തി​യി​ലു​മാ​യി​രു​ന്നു. കു​മ​ര​ക​ത്തു​നി​ന്ന് മു​ഹ​മ്മ​യി​ലേ​ക്ക്​ വ​രു​ക​യാ​യി​രു​ന്ന എ​സ് 52 എ​ന്ന ബോ​ട്ടാ​ണ് ര​ക്ഷാ​പ്ര​വ​ർ​ത്ത​നം ന​ട​ത്തി​യ​ത്.

കാ​യ​ലി​ൽ വ​ള്ള​ത്തി​ലും മ​ര​ക്കു​റ്റി​യി​ലും പി​ടി​ച്ചു​കി​ട​ന്ന മ​ത്സ്യ​ത്തൊ​ഴി​ലാ​ളി​ക​ളെ ജീ​വ​ന​ക്കാ​ർ ബോ​ട്ടി​ൽ ക​യ​റ്റി ക​ര​ക്കെ​ത്തി​ച്ചു. ഇ​തി​നി​ടെ, അ​ടു​ത്ത വ​ള്ള​വും മു​ങ്ങി​യി​രു​ന്നു. ബോ​ട്ട് ജീ​വ​ന​ക്കാ​രാ​യ സി.​എ​ൻ. ഓ​മ​ന​ക്കു​ട്ട​ൻ, ബി.​റൂ​ബി, എ​സ്.​സി​ന്ധു, പി.​എ​സ്. റോ​യി, സു​രേ​ഷ് പൊ​ന്ന​പ്പ​ൻ എ​ന്നി​വ​ർ ചേ​ർ​ന്നാ​ണ് ര​ക്ഷാ​പ്ര​വ​ർ​ത്ത​നം ന​ട​ത്തി​യ​ത്.

തു​ട​ർ​ച്ച​യാ​യ ര​ണ്ടാം​ദി​വ​സ​മാ​ണ് വേ​മ്പ​നാ​ട്ട്​ കാ​യ​ലി​ൽ വ​ള്ളം മു​ങ്ങു​ന്ന​ത്. ബു​ധ​നാ​ഴ്ച കു​മ​ര​കം കൊ​ഞ്ചു​മ​ട ഭാ​ഗ​ത്തും മ​ത്സ്യ ബ​ന്ധ​ന വ​ള്ളം മു​ങ്ങി​യി​രു​ന്നു. ആ​റ് മ​ത്സ്യ​ത്തൊ​ഴി​ലാ​ളി​ക​ളെ യാ​ത്രാ​ബോ​ട്ടി​ലെ ജീ​വ​ന​ക്കാ​രാ​ണ് ര​ക്ഷ​പ്പെ​ടു​ത്തി​യ​ത്.