Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightAlappuzhachevron_rightകെ.ടി.ഡി.സി...

കെ.ടി.ഡി.സി ഹോട്ടലുകളിലെ ശൗചാലയങ്ങൾ വഴിയാത്രികർക്ക് സൗജന്യം

text_fields
bookmark_border
ktdc
cancel

ആലപ്പുഴ: ​േകരള ടൂറിസം ഡെവലപ്​​മെൻറ്​ കോർപറേഷ​െൻറ (കെ.ടി.ഡി.സി) വഴിയോരങ്ങളിലെ ഹോട്ടലുകളിലെ ശൗചാലയങ്ങൾ വഴിയാത്രക്കാർക്ക്​ 24 മണിക്കൂറും സൗജന്യമായി ഉപയോഗിക്കാം. ആലപ്പുഴയിലെ റിപ്പിൾലാൻഡ്​​ ഹോട്ടലിൽ വെള്ളിയാഴ്​ച ആരംഭിക്കുന്ന രാമശ്ശേരി ഇഡ്​ഢലി ഫെസ്​റ്റിനെക്കുറിച്ച്​ വിശദീകരിക്കാൻ നടത്തിയ വാർത്തസമ്മേളനത്തിൽ ഡയറക്​ടർ കെ.പി. കൃഷ്​ണകുമാറാണ്​ ഇക്കാര്യം അറിയിച്ചത്​.

ശൗചാലയംഉപയോഗിക്കാൻ ഭക്ഷണം കഴിക്കണമെന്നില്ല. വൃത്തിയായ ശൗചാലയങ്ങളാണ്​ കാലഘട്ടത്തി​െൻറ ആവശ്യം. ഇതി​െൻറ അപര്യാപ്​തത സ്​ത്രീകളെ സംബന്ധിച്ചിടത്തോളം വളരെയേറെ ബുദ്ധിമുട്ടുണ്ടാക്കുന്നുണ്ട്​. ശുചിത്വം ഉറപ്പുവരുത്താൻ അവസാനമായി ശൗചാലയം വൃത്തിയാക്കിയ സമയം കൃത്യമായി രേഖപ്പെടുത്താൻ സംവിധാനം ഉണ്ടാകും. രാജ്യത്തെ പൊതുമേഖലയിലെ ഏറ്റവും വലിയ ഹോട്ടൽ ശൃംഖലയായ കെ.ടി.ഡി.സി കോവിഡ്​കാലത്ത്​ മിതമായ നിരക്കിൽ ക്വാറൻറീൻ സൗകര്യമൊരുക്കി.

താമരിൻഡ്​ ഹോട്ടലുകളുടെ റീബ്രാൻഡിങ്​ വലിയ മാറ്റമാണ്​ സൃഷ്​ടിച്ചത്​. മൂന്നാർ, തേക്കടി തുടങ്ങിയിടങ്ങളി​െല പ്രീമിയം ഹോട്ടലുകള​ടക്കം കോർപറേഷ​െൻറ 72 ഹോട്ടലുകൾ സ്ഥിതി ചെയ്യുന്ന സ്ഥലത്തി​െൻറ പ്രത്യേകതയും മികച്ച സർവിസുമാണ്​ ഉപ​േഭാക്താക്കളെ ആകർഷിക്കുന്നത്​. ആലപ്പുഴ ബൈപാസ്​ തുറക്കുന്നതോടെ യാത്രക്കാരുടെ സൗകര്യം മുൻനിർത്തി ഏതെങ്കിലും ഒരുഭാഗത്ത്​ പുതിയ റസ്​റ്റാറൻറ്​ ആരംഭിക്കും. വാർത്തസമ്മേളനത്തിൽ തിരുവനന്തപുരം ചൈത്രം ഹോട്ടൽ മാനേജർ പി. അജിത്​കുമാറും ആലപ്പുഴ റിപ്പിൾ ലാൻഡ്​​ മാനേജർ പി.എസ്​. അനിൽകുമാറും പ​ങ്കെടുത്തു.

Show Full Article
TAGS:KTDC Hotel Alappuzha 
Next Story