തഴുപ്പിൽ വോൾട്ടേജില്ല; കാറ്റടിച്ചാൽ കറന്‍റ്​ പോകും

തു​റ​വൂ​ർ: വോ​ട്ടേ​ജി​ല്ലാ​ത്ത ത​ഴു​പ്പി​ൽ കാ​റ്റ​ടി​ച്ചാ​ൽ വൈ​ദ്യു​തി പോ​കും. തീ​രെ വോ​ൾ​ട്ടേ​ജി​ല്ലാ​തെ, മ​ങ്ങി​യ വെ​ളി​ച്ച​മാ​ണ്​ റെ​യി​ൽ​വേ ട്രാ​ക്കി​ന് പ​ടി​ഞ്ഞാ​റു​വ​ശം താ​മ​സി​ക്കു​ന്ന​വ​ർ​ക്ക്​ കി​ട്ടു​ന്ന​ത്. കു​ത്തി​യ​തോ​ട് ഇ​ല​ക്ട്രി​സി​റ്റി ഓ​ഫി​സി​ലും മ​ന്ത്രി​മാ​ർ​ക്കു​മൊ​ക്കെ​യാ​യി വ​ർ​ഷ​ങ്ങ​ളാ​യി പ​രാ​തി ന​ൽ​കി​യി​ട്ടും പ്ര​ശ്നം പ​രി​ഹ​രി​ച്ചി​ട്ടി​ല്ല.

1988ൽ ​റെ​യി​ൽ​വേ​യു​ടെ വ​ര​വോ​ടെ ട്രാ​ക്കി​ന് അ​ടി​യി​ലൂ​ടെ കേ​ബി​ൾ ക്രോ​സ് ചെ​യ്ത് സ്ഥാ​പി​ച്ചാ​ണ് വൈ​ദ്യു​തി നി​ല​നി​ർ​ത്തി​യി​രു​ന്ന​ത്. കാ​ല​പ്പ​ഴ​ക്ക​ത്താ​ൽ ഒ​രു കേ​ബി​ൾ ഒ​ഴി​ച്ച് ബാ​ക്കി​യെ​ല്ലാം ദ്ര​വി​ച്ചു​പോ​യി. ഇ​പ്പോ​ൾ ഒ​രു കേ​ബി​ളി​ൽ​കൂ​ടി മാ​ത്ര​മാ​ണ് 200ഓ​ളം വീ​ട്ടു​കാ​ർ​ക്ക് ക​റ​ന്റ്‌ ല​ഭി​ക്കു​ന്ന​ത്. ഓ​വ​ർ​ലോ​ഡ് താ​ങ്ങാ​നാ​വാ​തെ ഈ ​കേ​ബി​ൾ ത​ക​രാ​റാ​യാ​ൽ പ്ര​ദേ​ശം ദി​വ​സ​ങ്ങ​ളോ​ളം ഇ​രു​ട്ടി​ലാ​കു​ന്ന സ്ഥി​തി​യാ​ണ്.

കെ.​പി. റോ​ഡി​ൽ​നി​ന്ന്​ ത​ഴു​പ്പ് പ​ടി​ഞ്ഞാ​റെ റോ​ഡി​ൽ കൂ​ടി​യു​ള്ള ത്രീ ​ഫേ​സ് ലൈ​നു​മാ​യി ബ​ന്ധി​പ്പി​ച്ചോ പു​ല്ലു​വേ​ലി തോ​ടി​ന് വ​ട​ക്കു​വ​ശ​മു​ള്ള ലൈ​നു​മാ​യി ബ​ന്ധി​പ്പി​ച്ചോ പ്ര​ശ്നം പ​രി​ഹ​രി​ക്ക​ണ​മെ​ന്ന് പ​ല​പ്രാ​വ​ശ്യ​വും നി​വേ​ദ​ന​ങ്ങ​ളി​ലൂ​ടെ വൈ​ദ്യു​തി വ​കു​പ്പി​നെ ബോ​ധ്യ​പ്പെ​ടു​ത്തി​യി​ട്ടു​ള്ള​താ​ണ്. എ​ന്നാ​ൽ, ഇ​തു​വ​രെ ന​ട​പ​ടി​യാ​യി​ട്ടി​ല്ല. പ്ര​ശ്നം അ​ടി​യ​ന്ത​ര​മാ​യി പ​രി​ഹ​രി​ച്ചി​ല്ലെ​ങ്കി​ൽ പ്ര​ദേ​ശ​വാ​സി​ക​ളെ സം​ഘ​ടി​പ്പി​ച്ച സ​മ​രം ന​ട​ത്തു​മെ​ന്ന് പ​ഞ്ചാ​യ​ത്ത്‌ അം​ഗം പ​ന​ച്ചി​ക്ക​ൽ അ​ശോ​ക​ൻ പ​റ​ഞ്ഞു.