തുറവൂർ-അരൂർ ഉയരപ്പാത നിർമാണം; ഉദ്യോഗസ്ഥസംഘം എത്തി

തു​റ​വൂ​ർ: തു​റ​വൂ​ർ-​അ​രൂ​ർ ഉ​യ​ര​പ്പാ​ത നി​ർ​മാ​ണ​വു​മാ​യി ബ​ന്ധ​പ്പെ​ട്ടു​ണ്ടാ​യ ഗ​താ​ഗ​ത​ക്കു​രു​ക്കും പ​രി​ഹാ​ര​മാ​ർ​ഗ​ങ്ങ​ളും പ​രി​ശോ​ധി​ക്കു​ന്ന​തി​ന് ഉ​ന്ന​ത ഉ​ദ്യോ​ഗ​സ്ഥ​സം​ഘം ദേ​ശീ​യ​പാ​ത​യി​ൽ നി​രീ​ക്ഷ​ണം ന​ട​ത്തി.

മോ​ട്ടോ​ർ വാ​ഹ​ന വ​കു​പ്പും പൊ​ലീ​സും ദേ​ശീ​യ​പാ​ത​യി​ൽ നേ​രി​ടാ​വു​ന്ന പ്രാ​യോ​ഗി​ക ബു​ദ്ധി​മു​ട്ടു​ക​ൾ, പ​രി​ഹാ​ര​ങ്ങ​ൾ എ​ന്നി​വ​യി​ൽ ചി​ല​ത് നി​ർ​ദേ​ശി​ച്ചി​രു​ന്നു. അ​തി​ന്‍റെ അ​ടി​സ്ഥാ​ന​ത്തി​ൽ ആ​ല​പ്പു​ഴ അ​ഡീ​ഷ​ന​ൽ ഡി​സ്ട്രി​ക്ട് മ​ജി​സ്ട്രേ​റ്റ് സ​ന്തോ​ഷ്, ഡെ​പ്യൂ​ട്ടി ക​ല​ക്ട​ർ പ്രേം​ജി എ​ന്നി​വ​രു​ടെ നേ​തൃ​ത്വ​ത്തി​ൽ, മോ​ട്ടോ​ർ വാ​ഹ​ന വ​കു​പ്പ് പൊ​ലീ​സ് ഇ​ല​ക്ട്രി​സി​റ്റി ബോ​ർ​ഡ്, പി.​ഡ​ബ്ല്യു.​ഡി, റ​വ​ന്യൂ എ​ന്നീ വ​കു​പ്പു​ക​ളു​ടെ ഉ​ദ്യോ​ഗ​സ്ഥ​ർ അ​ട​ങ്ങു​ന്ന സം​യു​ക്ത​സം​ഘ​മാ​ണ് എ​ത്തി​യ​ത്.

തു​റ​വൂ​ർ - അ​രൂ​ർ ഉ​യ​ര​പാ​ത നി​ർ​മാ​ണ​ത്തി​ന്റെ പ്രാ​ഥ​മി​ക ഘ​ട്ടം മാ​ത്ര​മാ​ണ് ന​ട​ക്കു​ന്ന​ത്. തൂ​ണു​ക​ളു​ടെ നി​ർ​മാ​ണ​മാ​ണ് തു​ട​ങ്ങി​യ​ത്. ഉ​യ​ര​ങ്ങ​ളി​ലേ​ക്ക് നി​ർ​മാ​ണ പ്ര​വ​ർ​ത്ത​ന​ങ്ങ​ൾ പു​രോ​ഗ​മി​ക്കു​മ്പോ​ൾ ഉ​യ​ര​മു​ള്ള വാ​ഹ​ന​ങ്ങ​ളു​ടെ ഗ​താ​ഗ​തം എ​ങ്ങ​നെ സു​ഗ​മ​മാ​ക്കാം എ​ന്ന്​ ഉ​ദ്യോ​ഗ​സ്ഥ​ർ പ​രി​ശോ​ധി​ച്ചു. വാ​ഹ​ന​ങ്ങ​ൾ ദേ​ശീ​യ​പാ​ത​യി​ൽ ഇ​രു​വ​ശ​ങ്ങ​ളി​ലും യാ​ത്ര​ചെ​യ്യു​ന്ന​തി​ന് അ​ഞ്ച​ര മീ​റ്റ​ർ വീ​തം സ്ഥ​ല​മാ​ണ് ഇ​പ്പോ​ൾ അ​നു​വ​ദി​ക്ക​പ്പെ​ട്ടി​രി​ക്കു​ന്ന​ത്. ആ ​സ്ഥ​ല​ത്തി​ൽ കൂ​ടു​ത​ൽ റോ​ഡ് ഗ​താ​ഗ​ത​ത്തി​ന് അ​നു​വ​ദി​ക്കേ​ണ്ട​തു​ണ്ടോ എ​ന്നും പ​രി​ശോ​ധി​ക്കു​ന്നു​ണ്ട്.

അ​രൂ​ക്കു​റ്റി വ​ഴി വ​ട​ക്കു​നി​ന്നു​ള്ള വാ​ഹ​ന​ങ്ങ​ൾ ചേ​ർ​ത്ത​ല​യി​ലേ​ക്കും തു​റ​വൂ​രി​ലേ​ക്കും തി​രി​ച്ചു​വി​ടു​വാ​ൻ ആ​ദ്യം ആ​ലോ​ച​ന ന​ട​ത്തി​യി​രു​ന്നു. തെ​ക്കു​നി​ന്നു​ള്ള വാ​ഹ​ന​ങ്ങ​ൾ കു​മ്പ​ള​ങ്ങി റോ​ഡ് വ​ഴി പ​ടി​ഞ്ഞാ​റോ​ട്ടും തി​രി​ച്ചു​വി​ടു​വാ​ൻ ആ​ലോ​ചി​ച്ചി​രു​ന്നു. ഇ​ക്കാ​ര്യം ഇ​നി​യും പ​രി​ശോ​ധി​ക്കാ​ൻ സാ​ധ്യ​ത​യു​ണ്ടെ​ന്നാ​ണ് ഉ​ദ്യോ​ഗ​സ്ഥ​ർ പ​റ​യു​ന്ന​ത്.