തോട്ടപ്പള്ളിയിൽ പൊഴി മുറിക്കൽ തുടങ്ങി

ആ​ല​പ്പു​ഴ: കാ​ല​വ​ർ​ഷം ക​ടു​ക്കാ​നു​ള്ള സാ​ധ്യ​ത ക​ണ​ക്കാ​ക്കി തോ​ട്ട​പ്പ​ള്ളി സ്പി​ൽ​വേ പൊ​ഴി​മു​ഖം മു​റി​ക്കു​ന്ന ജോ​ലി​ക​ൾ ആ​രം​ഭി​ച്ചു. കി​ഴ​ക്ക​ൻ ​വെ​ള്ള​ത്തി​ന്‍റെ വ​ര​വി​ൽ കു​ട്ട​നാ​ട​ൻ മേ​ഖ​ല മു​ങ്ങാ​തി​രി​ക്കാ​നു​ള്ള മു​ൻ​ക​രു​ത​ൽ എ​ന്ന നി​ല​യി​ലാ​ണ്​ മ​ഴ​യു​ടെ തു​ട​ക്ക​ത്തി​ലേ​ തോ​ട്ട​പ്പ​ള്ളി​യി​ൽ പൊ​ഴി​മു​റി​ക്കു​ന്ന​ത്.

ജി​ല്ല​യി​ൽ ഞാ​യ​റാ​ഴ്ച ശ​ക്ത​മാ​യ മ​ഴ​യാ​ണു​ണ്ടാ​യ​ത്. കാ​റ്റ്​ ശ​ക്ത​മാ​യി വീ​ശാ​തി​രു​ന്ന​തി​നാ​ൽ വ​ലി​യ നാ​ശ​ന​ഷ്ട​ങ്ങ​ളു​ണ്ടാ​യി​ല്ല. ക​ട​ൽ​ക്ഷോ​ഭം തു​ട​രു​ന്നു​ണ്ട്. ഉ​ൾ​ക്ക​ട​ലി​ൽ മ​റി​ഞ്ഞ ക​പ്പ​ലി​ൽ​നി​ന്നു​ള്ള എ​ണ്ണ​യും ക​ണ്ടെ​യ്​​ന​റു​ക​ളും തീ​ര​ത്ത്​ എ​ത്തു​മോ എ​ന്ന ആ​ശ​ങ്ക നി​ല​നി​ൽ​കു​ന്നു.

ജി​ല്ല​യി​ൽ മി​ക്ക​യി​ട​ങ്ങ​ളി​ലും വെ​ള്ള​ക്കെ​ട്ടു​ക​ൾ രൂ​പ​പ്പെ​ട്ടു. ദേ​ശീ​യ​പാ​ത മു​ഴു​വ​ൻ ച​ളി​ക്കു​ള​മാ​യ നി​ല​യി​ലാ​ണ്. നി​ർ​മാ​ണ​ത്തി​ന്​ ഇ​റ​ക്കി​യി​ട്ട മ​ണ്ണും മെ​റ്റ​ലും കൂ​ടി​ക്കു​ഴ​ഞ്ഞ ​ച​ളി താ​ണ്ടി​യാ​ണ്​ വാ​ഹ​ന​ങ്ങ​ൾ സ​ഞ്ച​രി​ക്കു​ന്ന​ത്. ഞാ​യ​റാ​ഴ്ച എ​ൻ.​ജി.​ഒ യൂ​നി​യ​ന്‍ സ​മ്മേ​ള​നം ഉ​ദ്​​ഘാ​നം ചെ​യ്യാ​നെ​ത്തി​യ മു​ഖ്യ​മ​ന്ത്രി​യും ച​ളി നി​റ​ഞ്ഞ റോ​ഡി​ലൂ​ടെ​യാ​ണ്​ എ​ത്തി​യ​ത്.

ഞാ​യ​റാ​ഴ്ച രാ​വി​ലെ മു​ത​ലാ​ണ് മ​ണ്ണു​മാ​ന്തി യ​ന്ത്രം ഉ​പ​യോ​ഗി​ച്ച് തോ​ട്ട​പ്പ​ള്ളി പൊ​ഴി​മു​ഖം തു​റ​ക്കാ​നു​ള്ള ന​ട​പ​ടി​ക​ൾ ആ​രം​ഭി​ച്ച​ത്. മ​ഴ ക​ടു​ക്കു​ന്ന​തോ​ടെ കി​ഴ​ക്ക​ൻ വെ​ള്ള​ത്തി​ന്‍റെ വ​ര​വ് നി​യ​ന്ത്രി​ക്കാ​നാ​ണ് ഇ​റി​ഗേ​ഷ​ൻ വ​കു​പ്പി​ന്‍റെ നേ​തൃ​ത്വ​ത്തി​ൽ ജോ​ലി ആ​രം​ഭി​ച്ച​ത്. നി​ല​വി​ൽ 20 മീ​റ്റ​ർ വീ​തി​യി​ലും 2.5 മീ​റ്റ​ർ ആ​ഴ​ത്തി​ലു​മാ​ണ് മ​ണ്ണ‌് നീ​ക്കം ചെ​യ്യു​ന്ന​ത്.

തീ​ര​ത്തു​നി​ന്നും 200 മീ​റ്റ​ർ നീ​ള​ത്തി​ൽ മ​ണ്ണ‌് നീ​ക്കം ചെ​യ്യേ​ണ്ട​തു​ണ്ട്. തി​ങ്ക​ളാ​ഴ്ച രാ​വി​ലെ മു​ത​ൽ കൂ​ടു​ത​ൽ യ​ന്ത്ര​ങ്ങ​ൾ ഉ​പ​യോ​ഗി​ച്ച് മ​ണ്ണ‌് നീ​ക്കു​ന്ന ജോ​ലി​ക​ൾ തു​ട​രും. സ്പി​ൽ​വേ​ക്ക് കി​ഴ​ക്ക് ഭാ​ഗ​ത്താ​യി ജ​ല​നി​ര​പ്പ് 1.30 ഘ​ന അ​ടി​യാ​ണ്. ഇ​ത് 1.60 ഘ​ന അ​ടി​യാ​യി ഉ​യ​രു​മ്പോ​ഴാ​ണ് ഷ​ട്ട​റു​ക​ൾ തു​റ​ന്ന് വെ​ള്ളം ഒ​ഴു​ക്കി​വി​ടു​ന്ന​തെ​ന്ന് ഇ​റി​ഗേ​ഷ​ൻ വ​കു​പ്പ് ഇ.​ഇ എം.​സി. സ​ജീ​വ്കു​മാ​ര്‍ പ​റ​ഞ്ഞു. വെ​ള്ളം ഇ​റ​ങ്ങു​ന്ന​ത​നു​സ​രി​ച്ച് ചാ​ലി​ന്‍റെ ഇ​രു​വ​ശ​ത്തു​നി​ന്നും മ​ണ്ണ് നീ​ക്കി വീ​തി​കൂ​ട്ടും.

തീ​ര​ത്തു​നി​ന്നും 25 മീ​റ്റ​റോ​ളം കി​ഴ​ക്ക് മാ​റി​വ​രെ പൊ​ഴി​മു​റി​ക്കും. ക​ണ്ടെ​യ്ന​ർ മ​റി​ഞ്ഞ് ക​ട​ലി​ൽ മ​റൈ​ൻ ഓ​യി​ൽ പ​ര​ക്കു​ന്ന​താ​യ വി​വ​ര​ത്തെ തു​ട​ർ​ന്നു​ള്ള സം​ര​ക്ഷ​ണം ക​ണ​ക്കാ​ക്കി​യാ​ണ് തീ​ര​ത്തോ​ട് ചേ​ർ​ന്ന് പൊ​ഴി​മു​റി​ക്കാ​തി​രി​ക്കു​ന്ന​ത്. പൊ​ഴി​മു​ഖം പൂ​ർ​ണ​മാ​യും തു​റ​ന്നാ​ൽ ഓ​യി​ൽ വ്യാ​പി​ച്ച് ഉ​ൾ​നാ​ട​ൻ മ​ത്സ്യ​ങ്ങ​ൾ ന​ശി​ക്കാ​ൻ സാ​ധ്യ​ത​യു​ള്ള​തി​നാ​ലാ​ണ് മു​ന്‍ക​രു​ത​ല്‍.