പു​റ​ക്കാ​ട്​ മീ​ൻ​പി​ടി​ത്ത വ​ള്ള​ങ്ങ​ളി​ൽ മോ​ഷ​ണം: പ്രൊപ്പല്ലറിനും രക്ഷയില്ല; പെട്രോളും അടിച്ചു മാറ്റി

അ​മ്പ​ല​പ്പു​ഴ: ന​ങ്കൂ​ര​മി​ട്ടി​രു​ന്ന നി​ര​വ​ധി മ​ത്സ്യ ബ​ന്ധ​ന വ​ള്ള​ങ്ങ​ളു​ടെ പ്രൊ​പ്പ​ല്ല​റു​ക​ളും പെ​ട്രോ​ളും ക​വ​ർ​ന്നു. പു​റ​ക്കാ​ട് ജം​ഗ്ഷ​ന് തെ​ക്ക് ഭാ​ഗ​ത്ത് ന​ങ്കൂ​ര​മി​ട്ടി​രു​ന്ന വേ​ദ​വ്യാ​സ​ൻ, ജ​പ​മാ​ല രാ​ജ്ഞി, ജോ​യ​ൽ, കൈ​ര​ളി എ​ന്നീ ഫൈ​ബ​ർ വ​ള്ള​ങ്ങ​ളു​ടെ പ്രൊ​പ്പ​ല്ല​റു​ക​ളാ​ണ് ക​വ​ർ​ന്ന​ത്. ഇ​തി​ൽ വേ​ദ​വ്യാ​സ​ൻ വ​ള​ള​ത്തി​ൽ മ​ത്സ്യ​ബ​ന്ധ​ന​ത്തി​നാ​യി സൂ​ക്ഷി​ച്ചി​രു​ന്ന 10 ലി​റ്റ​ർ പെ​ട്രോ​ളും ക​വ​ർ​ന്നു. മ​റ്റൊ​രു പ്രൊ​പ്പ​ല്ല​ർ അ​ഴി​ച്ചു മാ​റ്റാ​നും ശ്ര​മം ന​ട​ത്തി.

മ​ത്സ്യ ബ​ന്ധ​ന​ത്തി​നു ശേ​ഷം തി​ങ്ക​ളാ​ഴ്ച വൈ​കി​ട്ട് ന​ങ്കൂ​ര​മി​ട്ടി​രു​ന്ന വ​ള്ള​ങ്ങ​ളി​ലാ​ണ് മോ​ഷ​ണം ന​ട​ന്ന​ത്. ചൊ​വ്വാ​ഴ്ച രാ​വി​ലെ തൊ​ഴി​ലാ​ളി​ക​ൾ ജോ​ലി​ക്കു പോ​കാ​നാ​യി എ​ത്തി​യ​പ്പോ​ഴാ​ണ് ഇ​വ ന​ഷ്ട​പ്പെ​ട്ട വി​വ​ര​മ​റി​യു​ന്ന​ത്. അ​മ്പ​തി​നാ​യി​രം രൂ​പ​യു​ടെ ന​ഷ്ടം ക​ണ​ക്കാ​ക്കു​ന്നു.

20 ഓ​ളം തൊ​ഴി​ലാ​ളി​ക​ളാ​ണ് വ​ള്ള​ത്തി​ൽ മ​ത്സ്യ​ബ​ന്ധ​ന​ത്തി​നാ​യി പോ​കു​ന്ന​ത്. മ​ത്സ്യ ബ​ന്ധ​ന ഉ​പ​ക​ര​ണ​ങ്ങ​ൾ ന​ഷ്ട​പ്പെ​ട്ട​തോ​ടെ നാ​ല് വ​ള്ള​ങ്ങ​ളി​ൽ ജോ​ലി​ക്കു പോ​കു​ന്ന തൊ​ഴി​ലാ​ളി​ക​ളു​ടെ ഉ​പ​ജീ​വ​ന​മാ​ണ് നി​ല​ച്ച​ത്. പ്ര​ദേ​ശ​ത്ത് മ​ത്സ്യ ബ​ന്ധ​ന ഉ​പ​ക​ര​ണ​ങ്ങ​ൾ മോ​ഷ​ണം പോ​കു​ന്ന​ത് പ​തി​വാ​യി​രി​ക്കു​ക​യാ​ണെ​ന്നും ഇ​ത് ത​ട​യാ​ൻ പൊ​ലീ​സ് പ​രി​ശോ​ധ​ന ശ​ക്ത​മാ​ക്ക​ണ​മെ​ന്നു​മാ​ണ് മ​ത്സ്യ​ത്തൊ​ഴി​ലാ​ളി​ക​ളു​ടെ ആ​വ​ശ്യം.