ഉദ്ഘാടനം കഴിഞ്ഞിട്ട് വർഷങ്ങൾ തുറക്കാതെ ആധുനിക മത്സ്യമാർക്കറ്റ്

ചാ​രും​മൂ​ട്: ആ​ദി​ക്കാ​ട്ടു​കു​ള​ങ്ങ​ര​യി​ലെ ആ​ധു​നി​ക മ​ത്സ്യ​മാ​ർ​ക്ക​റ്റ് തു​റ​ക്ക​ണ​മെ​ന്ന ആ​വ​ശ്യം ശ​ക്തം. പാ​ല​മേ​ൽ പ​ഞ്ചാ​യ​ത്തി​ൽ കെ.​പി. റോ​ഡ​രി​കി​ൽ തീ​ര​ദേ​ശ വി​ക​സ​ന കോ​ർ​പ​റേ​ഷ​ൻ ഫ​ണ്ട് ഉ​പ​യോ​ഗി​ച്ച് നി​ർ​മി​ച്ച ആ​ധു​നി​ക മ​ത്സ്യ​ച്ച​ന്ത ആ​ഗ​സ്റ്റി​ൽ മ​ന്ത്രി ജെ. ​മേ​ഴ്സി​ക്കു​ട്ടി​യ​മ്മ​യാ​ണ്​ ഉ​ദ്ഘാ​ട​നം നി​ർ​വ​ഹി​ച്ച​ത്. കൊ​ട്ടി​ഗ്​​ഘോ​ഷി​ച്ച ഉ​ദ്ഘാ​ട​നം ക​ഴി​ഞ്ഞ് വ​ർ​ഷ​ങ്ങ​ൾ ക​ഴി​ഞ്ഞി​ട്ടും മാ​ർ​ക്ക​റ്റ് തു​റ​ക്കാ​നു​ള്ള ന​ട​പ​ടി അ​ധി​കാ​രി​ക​ളു​ടെ ഭാ​ഗ​ത്തു​നി​ന്നു​ണ്ടാ​യി​ല്ല. 2013 ന​വം​ബ​റി​ലാ​ണ് സം​സ്ഥാ​ന തീ​ര​ദേ​ശ വി​ക​സ​ന കോ​ർ​പ​റേ​ഷ​നും നാ​ഷ​ന​ൽ ഫി​ഷ​റീ​സ് ഡെ​വ​ല​പ്​​മെ​ന്റ് ബോ​ർ​ഡും ചേ​ർ​ന്ന് 1.78 കോ​ടി ചെ​ല​വ​ഴി​ച്ച് നി​ർ​മാ​ണം ആ​രം​ഭി​ച്ച​ത്‌. അ​ന്ന​ത്തെ ഫി​ഷ​റീ​സ് മ​ന്ത്രി കെ. ​ബാ​ബു​വാ​യി​രു​ന്നു നി​ർ​മാ​ണോ​ദ്ഘാ​ട​നം നി​ർ​വ​ഹി​ച്ച​ത്. ര​ണ്ട് നി​ല​യി​ലാ​യു​ള്ള കെ​ട്ടി​ട​ത്തി​ന്റെ പ​ണി പൂ​ർ​ത്തി​യാ​ക്കി​യെ​ങ്കി​ലും ഉ​ദ്ഘാ​ട​നം ന​ട​ത്താ​ത്ത​ത് വ​ൻ​പ്ര​തി​ഷേ​ധ​ത്തി​ന് ഇ​ട​യാ​ക്കി​യി​രു​ന്നു.

മൊ​ത്ത​വ്യാ​പാ​രി​ക​ൾ ക​ട​പ്പു​റ​ത്തു​നി​ന്ന്​ ശേ​ഖ​രി​ക്കു​ന്ന മ​ത്സ്യം സൂ​ക്ഷി​ക്കാ​നു​ള്ള വ​ലി​യ ഫ്രീ​സ​റു​ക​ൾ, ഐ​സ് പ്ലാ​ന്റ്, തൊ​ഴി​ലാ​ളി​ക​ൾ​ക്ക് വി​ശ്ര​മ​മു​റി​ക​ൾ, ആ​ധു​നി​ക മാ​ലി​ന്യ സം​സ്ക​ര​ണ യൂ​നി​റ്റ്, ശൗ​ചാ​ല​യ​ങ്ങ​ൾ, പാ​ർ​ക്കി​ങ് ഏ​രി​യ എ​ന്നി​വ​യെ​ല്ലാം സ​ജ്ജീ​ക​രി​ച്ച മ​ത്സ്യ​വി​പ​ണ​ന കേ​ന്ദ്ര​മാ​ണി​ത്.

എ​ന്നാ​ൽ, മ​ലി​ന​ജ​ല സം​സ്ക​ര​ണ കേ​ന്ദ്ര​വും ഐ​സ് പ്ലാ​ന്‍റും സ്ഥാ​പി​ച്ചാ​ൽ മാ​ത്ര​മേ മ​ത്സ്യ​വി​പ​ണ​ന കേ​ന്ദ്രം പൂ​ർ​ണ​മാ​യും പ്ര​വ​ർ​ത്ത​ന​സ​ജ്ജ​മാ​ക്കാ​ൻ ക​ഴി​യൂ. എ​ന്നാ​ൽ, ക​രാ​റു​കാ​ര​ൻ പ​ണി​നി​ർ​ത്തി പോ​യ​തി​നാ​ലും, പ​ണി നീ​ണ്ട​തി​നാ​ലും ഇ​തി​നു വേ​ണ്ട ഫ​ണ്ട് എ​വി​ടെ നി​ന്ന്​ ക​ണ്ടെ​ത്തു​മെ​ന്ന​റി​യാ​തെ ബു​ദ്ധി​മു​ട്ടി​ലാ​യി​രി​ക്കു​ക​യാ​ണ് പ​ഞ്ചാ​യ​ത്ത് അ​ധി​കൃ​ത​ർ.

കു​ഴ​ൽ കി​ണ​ർ നി​ർ​മി​ച്ചെ​ങ്കി​ലും മോ​ട്ടോ​ർ സ്ഥാ​പി​ക്കാ​ത്ത​തി​നാ​ൽ വെ​ള്ളം പ​മ്പ് ചെ​യ്യാ​ൻ ക​ഴി​യു​ന്നി​ല്ല. തു​ട​ക്കം മു​ത​ൽ അ​ഴി​മ​തി ആ​രോ​പ​ണ​ങ്ങ​ളും സ്വ​കാ​ര്യ വ്യ​ക്തി​യു​ടെ കോ​ട​തി ഇ​ട​പെ​ട​ലും കാ​ര​ണം ഇ​ഴ​ഞ്ഞു​നീ​ങ്ങി​യ നി​ർ​മാ​ണം വ​ർ​ഷ​ങ്ങ​ൾ ക​ഴി​ഞ്ഞാ​ണ് പൂ​ർ​ത്തി​യാ​യ​ത്.

ധി​റു​തി പി​ടി​ച്ചാ​ണ് ഉ​ദ്ഘാ​ട​നം ന​ട​ത്തി​യ​തെ​ന്ന ആ​രോ​പ​ണ​വും ശ​ക്ത​മാ​യി​രു​ന്നു. പാ​ല​മേ​ൽ പ​ഞ്ചാ​യ​ത്ത് ഭ​ര​ണ​ക്കാ​രു​ടെ ഭാ​ഗ​ത്തു​നി​ന്ന്​ അ​നു​കൂ​ല നി​ല​പാ​ട്​ ഉ​ണ്ടാ​ക​ണ​മെ​ന്നാ​ണ്​ മ​ത്സ്യ വി​ല്പ​ന ന​ട​ത്തി കു​ടും​ബം പു​ല​ർ​ത്തു​ന്ന ബ​ഹു​ഭൂ​രി​പ​ക്ഷം വ​രു​ന്ന ആ​ദി​ക്കാ​ട്ടു​കു​ള​ങ്ങ​ര​ക്കാ​രു​ടെ ആ​വ​ശ്യം.