മിനിലോറി നിയന്ത്രണംവിട്ട് മറിഞ്ഞ് കാറിലിടിച്ചു

ആലപ്പുഴ: ബൈപാസിൽ മിനിലോറി നിയന്ത്രണംവിട്ട് മറിഞ്ഞ് കാറിലിടിച്ചു. കാറിലുണ്ടായിരുന്ന രണ്ടുപേർക്കും ലോറി ഡ്രൈവർക്കും പരിക്കേറ്റു. ബൈപാസിൽ കുതിരപ്പന്തി ഭാഗത്ത് ബുധനാഴ്ച പുലര്‍ച്ച ആറോടെയായിരുന്നു അപകടം.

ഹരിപ്പാട് മഹാദേവികാടുനിന്ന് ഇടപ്പള്ളിയിലെ സ്വകാര്യ ആശുപത്രിയിലേക്ക് പോയവരാണ് കാറിലുണ്ടായിരുന്നത്. കൊച്ചിയിൽനിന്ന് സ്റ്റേഷനറി സാധനങ്ങളുമായി കൊല്ലത്തേക്ക് പോകുകയായിരുന്നു മിനിലോറി. മറിഞ്ഞ മിനിലോറി ക്രെയിൻ ഉപയോഗിച്ച് റോഡരികിലേക്ക് മാറ്റി.