‘മത്സ്യകന്യക’ ഓർമയാകും

ആ​ല​പ്പു​ഴ: ആ​ല​പ്പു​ഴ ക​നാ​ൽ​തീ​ര​ത്ത്​ കാ​ഴ്ച​വി​സ്മ​യ​മൊ​രു​ക്കി​യ ‘മ​ത്സ്യ​ക​ന്യ​ക’ ശി​ൽ​പം ഇ​നി ഓ​ർ​മ​യാ​കും. ജി​ല്ല കോ​ട​തി പാ​ലം ന​വീ​ക​ര​ണ​ത്തി​ന്​ ത​ട​സ്സ​മാ​കു​മെ​ന്ന​തി​നാ​ലാ​ണ്​ പൊ​ളി​ച്ചു​മാ​റ്റാ​നു​ള്ള തീ​രു​മാ​നം. മാ​റ്റി സ്ഥാ​പി​ക്ക​ണ​മെ​ങ്കി​ൽ പു​തി​യ​ത്​ ഉ​ണ്ടാ​ക്കു​ന്ന​തി​നേ​ക്കാ​ൾ ചെ​ല​വ്​ വ​രു​മെ​ന്നാ​ണ്​ ക​ണ​ക്കാ​ക്കി​യി​രി​ക്കു​ന്ന​ത്.

പൊ​ളി​ച്ചു​മാ​റ്റി പു​തി​യ​ത്​ നി​ർ​മി​ക്കാ​ൻ കേ​ര​ള റോ​ഡ് ഫ​ണ്ട് ബോ​ർ​ഡും (കെ.​ആ​ർ.​എ​ഫ്.​ബി) നി​ർ​ദേ​ശി​ച്ചി​ട്ടു​ണ്ട്. നി​ല​വി​ലെ രൂ​പ​ത്തി​ൽ പൊ​ട്ടാ​തെ ശി​ൽ​പം മ​റ്റൊ​രി​ട​ത്തേ​ക്ക്​ മാ​റ്റാ​ൻ ​വ​ലി​യ ക്രെ​യി​ൻ ഉ​പ​യോ​ഗി​ക്കു​ന്ന​തി​നൊ​പ്പം​ വ​ൻ​തു​ക​യും ചെ​ല​വ​ഴി​ക്ക​ണം. ഇ​തി​നു​വേ​ണ്ടി മാ​ത്രം 36ല​ക്ഷം രൂ​പ​യാ​ണ്​ ക​ണ​ക്കു​ന്ന​ത്.പ​ഴ​യ​ശി​ൽ​പ​ത്തി​ന്‍റെ മാ​തൃ​ക​യി​ൽ പു​തി​യ​ത്​ നി​ർ​മി​ക്കാ​ൻ 20ല​ക്ഷം രൂ​പ​ മതി. ഈ ​സാ​ഹ​ച​ര്യ​ത്തി​ലാ​ണ്​ പ​ഴ​യ​ത്​ പൊ​ളി​ച്ച്​ പു​തി​യ​തി​ലേ​ക്ക്​ മാ​റാ​ൻ അ​ധി​കൃ​ത​ർ തീ​രു​മാ​നി​ച്ച​ത്.

ജി​ല്ല കോ​ട​തി പാ​ല​ത്തി​ന്‍റെ പൈ​ലി​ങ്​ പൂ​ർ​ത്തി​യാ​ക്കാ​ൻ പ്ര​ധാ​ന​ത​ട​സ്സം മ​ത്സ്യ​ക​ന്യ​ക​യാ​ണ്. പാ​ല​ത്തി​നു​വേ​ണ്ടി 168 പൈ​ലി​ങ്ങാ​ണ്​ വേ​ണ്ട​ത്.ഇ​തി​ൽ ഏ​റെ​യും പൂ​ർ​ത്തി​യാ​യെ​ങ്കി​ലും ശി​ൽ​പം നി​ൽ​ക്കു​ന്നി​ട​ത്തെ ര​ണ്ട്​​ പൈ​ലി​ങ്​ ബാ​ക്കി​യു​ണ്ട്. മെ​ഗാ​ടൂ​റി​സം പ​ദ്ധ​തി​യു​ടെ ഭാ​ഗ​മാ​യി ന​ഗ​ര​ത്തി​ലെ ക​നാ​ൽ​ത്തീ​ര​ങ്ങ​ളി​ൽ സ്ഥാ​പി​ച്ച 11 ശി​ൽ​പ​ങ്ങ​ളി​ൽ പ്ര​ധാ​നി​യാ​ണ് മ​ത്സ്യ​ക​ന്യ​ക.