കോടതി വിധി നടപ്പാക്കാനെത്തിയ ഉദ്യോഗസ്ഥർക്ക്​ മുന്നിൽ വീട്ടമ്മയുടെ ആത്മഹത്യാശ്രമം

ആ​ല​പ്പു​ഴ: കോ​ട​തി വി​ധി ന​ട​പ്പാ​ക്കാ​നെ​ത്തി​യ ഉ​ദ്യോ​ഗ​സ്ഥ​ർ​ക്കും പൊ​ലീ​സു​കാ​ർ​ക്കും മു​ന്നി​ൽ വീ​ട്ട​മ്മ​യു​ടെ ആ​ത്മ​ഹ​ത്യാ​ശ്ര​മം. ഇ​ര​വു​കാ​ട് കൊ​മ്പ​ത്താം​പ​റ​മ്പ് റ​സീ​ന മ​ൻ​സി​ലി​ൽ സ​ബൂ​റ ഹ​ബീ​ബാ​ണ് (65) മ​ണ്ണെ​ണ്ണ​ക്കു​പ്പി കൈ​യി​ലെ​ടു​ത്ത് ആ​ത്മ​ഹ​ത്യാ​ഭീ​ഷ​ണി മു​ഴ​ക്കി​യ​ത്. ഉ​ട​ൻ​ത​ന്നെ സൗ​ത്ത് പൊ​ലീ​സ് സ്റ്റേ​ഷ​നി​ലെ വ​നി​താ പൊ​ലീ​സ് കു​പ്പി പി​ടി​ച്ച് വാ​ങ്ങി​യ​തി​നാ​ൽ അ​പ​ക​ടം ഒ​ഴി​വാ​യി.

വെ​ള്ളി​യാ​ഴ്‌​ച വൈ​കീ​ട്ട് മൂ​ന്നി​നാ​യി​രു​ന്നു സം​ഭ​വം. 23 വ​ർ​ഷ​മാ​യി കോ​ട​തി​യു​ടെ പ​രി​ഗ​ണ​ന​യി​ലി​രി​ക്കു​ന്ന കേ​സി​ന്റെ വി​ധി ന​ട​പ്പാ​ക്കാ​നാ​ണ് പൊ​ലീ​സ് സം​ര​ക്ഷ​ണ​യി​ൽ ആ​മീ​ൻ എ​ത്തി​യ​ത്. വാ​ട​യ്ക്ക​ൽ കൊ​മ്പ​ത്താം​പ​റ​മ്പ് വീ​ട്ടി​ൽ ചാ​ക്കോ ജോ​സ​ഫും തി​രു​വ​മ്പാ​ടി സ്വ​ദേ​ശി​നി​യും ത​മ്മി​ൽ പ​ണ​മി​ട​പാ​ട് സം​ബ​ന്ധി​ച്ച കേ​സ് 2001 മു​ത​ൽ ആ​ല​പ്പു​ഴ മു​ൻ​സി​ഫ് കോ​ട​തി​യി​ൽ ന​ട​ന്നു​വ​രി​ക​യാ​ണ്.

ഇ​ര​വു​കാ​ട് വാ​ർ​ഡി​ൽ ചാ​ക്കോ​യു​ടെ പേ​രി​ലു​ള്ള വ​സ്തു ത​നി​ക്ക് വി​ൽ​ക്കാ​മെ​ന്ന് വാ​ക്ക് ന​ൽ​കി 50,000 രൂ​പ അ​ഡ്വാ​ൻ​സ് വാ​ങ്ങി ക​ബ​ളി​പ്പി​ച്ചെ​ന്നാ​ണ് കേ​സ്. തു​ട​ർ​ന്ന് കോ​ട​തി ഈ ​സ്ഥ​ലം അ​റ്റാ​ച്ച്മെ​ന്റ് ചെ​യ്തി​രു​ന്നു.

കേ​സ് നി​ല​നി​ൽ​ക്കു​ന്ന വേ​ള​യി​ൽ 2009ൽ ​ചാ​ക്കോ ഈ ​വ​സ്തു ഹ​ബീ​ബ് -സ​ബൂ​റ ദ​മ്പ​തി​ക​ൾ​ക്ക് മൂ​ന്ന് ല​ക്ഷം രൂ​പ​ക്ക്​ വി​റ്റു. ഭൂ​മി വാ​ങ്ങു​ന്ന വേ​ള​യി​ൽ കേ​സു​ണ്ടെ​ന്ന വി​വ​രം അ​റി​യി​ല്ലാ​യി​രു​ന്നു​വെ​ന്നും അ​തി​നാ​ലാ​ണ് അ​വി​ടെ പ​ഴ​യ വീ​ട് പൊ​ളി​ച്ച് പു​തി​യ​ത് നി​ർ​മി​ച്ച​തെ​ന്നും സ​ബൂ​റ പ​റ​യു​ന്നു.

വ​ർ​ഷ​ങ്ങ​ൾ​ക്ക് മു​മ്പ് ചാ​ക്കോ മ​രി​ച്ചു. 2017ൽ ​വ​സ്തു​വും കെ​ട്ടി​ട​വും കോ​ട​തി ലേ​ല​ത്തി​ൽ വെ​ച്ചു. പ​രാ​തി​ക്കാ​രി​യാ​യ തി​രു​വ​മ്പാ​ടി സ്വ​ദേ​ശി​നി​ത​ന്നെ ഭൂ​മി ലേ​ല​ത്തി​ൽ പി​ടി​ച്ചു. ഇ​തോ​ടെ താ​മ​സ​ക്കാ​രെ ഒ​ഴി​പ്പി​ച്ച് ത​ര​ണ​മെ​ന്നാ​വ​ശ്യ​പ്പെ​ട്ട് ഇ​വ​ർ വീ​ണ്ടും കോ​ട​തി​യെ സ​മീ​പി​ച്ചു.

2023 ജൂ​ലൈ​യി​ലാ​ണ് താ​മ​സ​ക്കാ​രെ ഒ​ഴി​പ്പി​ച്ച് ഭൂ​മി പ​രാ​തി​ക്കാ​രി​ക്ക് കൈ​മാ​റ​ണ​മെ​ന്ന ജി​ല്ലാ മു​ൻ​സി​ഫ് കോ​ട​തി ഉ​ത്ത​ര​വി​ടു​ന്ന​ത്. ഇ​തി​നെ​തി​രെ സ​ബൂ​റ ഹൈ​കോ​ട​തി​യെ സ​മീ​പി​ച്ചെ​ങ്കി​ലും വി​ധി അ​നു​കൂ​ല​മാ​യി​രു​ന്നി​ല്ല.

പോ​കാ​ൻ മ​റ്റൊ​രി​ട​മി​ല്ല -സ​ബൂ​റ

ആ​ല​പ്പു​ഴ: വി​ധ​വ​യാ​യ ത​നി​ക്ക് പോ​കാ​ൻ മ​റ്റൊ​രി​ട​മി​ല്ലെ​ന്നും ര​ണ്ടു സെ​ന്റി​നാ​ണ് ജ​പ്തി​യെ​ന്നും മൂ​ന്ന് സെ​ന്റ് സ്ഥ​ല​മു​ണ്ടെ​ന്നും നി​ർ​മ്മി​ച്ച വീ​ട് ത​ന്റേ​താ​ണെ​ന്നും സ​ബൂ​റ പ​റ​യു​ന്നു. വാ​ർ​ഡ് കൗ​ൺ​സി​ല​ർ സൗ​മ്യ​രാ​ജും സ്ഥ​ല​ത്തെ​ത്തി​യി​രു​ന്നു. വി​ല്ലേ​ജി​ൽ​നി​ന്ന് ഉ​ദ്യോ​ഗ​സ്ഥ​രെ​ത്തി സ്ഥ​ലം അ​ള​ന്ന് കോ​ട​തി വി​ധി​യി​ൽ പ​രാ​മ​ർ​ശി​ക്കു​ന്ന ര​ണ്ട് സെ​ന്റ് ക​ഴി​ഞ്ഞ് അ​ധി​കം വ​രു​ന്ന ഭൂ​മി സ​ബൂ​റ​ക്ക് ന​ൽ​കു​ന്ന​തി​നാ​ണ് ശ്ര​മി​ക്കേ​ണ്ട​തെ​ന്ന് അ​വ​ർ അ​ഭി​പ്രാ​യ​പ്പെ​ട്ടു.

രോ​ഗ​ബാ​ധി​ത​യും വ​യോ​ധി​ക​യു​മാ​യ സ​ബൂ​റ വീ​ട്ടി​ൽ നി​ന്ന് ഇ​റ​ങ്ങാ​ൻ ത​യാ​റാ​കാ​തി​രു​ന്ന​തി​നെ തു​ട​ർ​ന്ന് ആ​മീ​നും പൊ​ലീ​സും ന​ട​പ​ടി​യി​ൽ​നി​ന്ന് ത​ൽ​ക്കാ​ലം പി​ന്മാ​റി. കോ​ട​തി വി​ധി ന​ട​പ്പാ​ക്കു​ന്ന​ത് ത​ട​സ്സ​പ്പെ​ടു​ത്തി​യ​താ​യി ഇ​വ​ർ കോ​ട​തി​യി​ൽ റി​പ്പോ​ർ​ട്ട് ന​ൽ​കും. അ​നു​കൂ​ല വി​ധി ന​ട​പ്പാ​ക്കാ​ൻ വീ​ണ്ടും കോ​ട​തി​യെ സ​മീ​പി​ക്കു​മെ​ന്ന് വാ​ദി​യും പ​റ​ഞ്ഞു.