തടസ്സങ്ങൾ നീങ്ങി; പള്ളാത്തുരുത്തിയിൽ പുതിയപാലം നിർമാണം വേഗത്തിലായി

ആ​ല​പ്പു​ഴ: നി​ർ​മാ​ണ​ത്തി​നു​ള്ള ത​ട​സ്സ​ങ്ങ​ൾ നീ​ങ്ങി​യ​തോ​ടെ എ.​സി റോ​ഡി​ലെ പ​ള്ളാ​ത്തു​രു​ത്തി​യി​ൽ പു​തി​യ​പാ​ലം നി​ർ​മാ​ണം​ വേ​ഗ​ത​യി​ലാ​യി. തൂ​ണു​ക​ൾ സ്ഥാ​പി​ക്കു​ന്ന​തി​ന്​ പ​മ്പാ​ന​ദി​യി​ൽ പൈ​ലി​ങ് തു​ട​ങ്ങി. ദേ​ശീ​യ ജ​ല​പാ​ത അ​തോ​റി​റ്റി ഉ​ന്ന​യി​ച്ച ത​ട​സ​വാ​ദം, കെ.​എ​സ്.​ഇ.​ബി ലൈ​നി​ന്‍റെ ഉ​യ​രം​കൂ​ട്ട​ൽ തു​ട​ങ്ങി​യ​വ​യി​ൽ കു​രു​ങ്ങി പ​ള്ളാ​തു​രു​ത്തി പാ​ലം നി​ർ​മാ​ണം വൈ​കു​ക​യാ​യി​രു​ന്നു.

ദേ​ശീ​യ ജ​ല​പാ​ത അ​തോ​റി​റ്റി നി​ർ​ദേ​ശി​ച്ച​ത​നു​സ​രി​ച്ച്​ പാ​ലം ഉ​യ​രം കൂ​ട്ടി​യാ​ണ്​ നി​ർ​മി​ക്കു​ന്ന​ത്. അ​പ്പോ​ഴാ​ണ്​ കെ.​എ​സ്.​ഇ.​ബി​യു​ടെ 110 കെ.​വി ലൈ​ൻ ത​ട​സ​മാ​യ​ത്. ​ലൈ​ൻ ഉ​യ​രം​കൂ​ട്ടാ​ൻ കെ.​എ​സ്.​ഇ.​ബി സ​മ്മ​തി​ച്ചെ​ങ്കി​ലും ട​വ​റു​ക​ളു​ടെ നി​ർ​മാ​ണ​ത്തി​ന്​ നെ​ൽ​പാ​ട​ത്തെ കൃ​ഷി ത​ട​സ​മാ​യി. ഇ​പ്പോ​ൾ കൊ​യ്ത്ത്​ ക​ഴി​ഞ്ഞ​തോ​ടെ ട​വ​ർ ഉ​യ​രം​കൂ​ട്ടു​ന്ന​തി​നു​ള്ള ജോ​ലി​ക​ൾ കെ.​എ​സ്.​ഇ.​ബി തു​ട​ങ്ങി. അ​തി​നൊ​പ്പ​മാ​ണ്​ പാ​ലം നി​ർ​മാ​ണ​ത്തി​നാ​യി പൈ​ലി​ങും വേ​ഗ​ത്തി​ലാ​ക്കി​യ​ത്.

വ​ലി​യ​ഴീ​ക്ക​ൽ മാ​തൃ​ക​യി​ൽ വി​ല്ലി​ന്റെ ആ​കൃ​തി​യി​ലു​ള്ള ‘ബോ - ​സ്​​ട്രി​ങ്​’ പാ​ല​മാ​ണ് പ​ള്ളാ​ത്തു​രു​ത്തി​യി​ൽ നി​ർ​മി​ക്കു​ന്ന​ത്. പ​ണി​പൂ​ർ​ത്തി​യാ​കു​മ്പോ​ൾ പു​തി​യ പാ​ലം മു​ക​ളി​ലും പ​ഴ​യ​ത് താ​ഴെ​യും ആ​കും. പാ​ല​ങ്ങ​ളി​ലൂ​ടെ ഒ​രു വ​ശ​ത്തേ​ക്ക് മാ​ത്ര​മാ​യി​രി​ക്കും ഗ​താ​ഗ​തം അ​നു​വ​ദി​ക്കു​ക. റോ​ഡി​ന്‍റെ നി​ർ​മാ​ണ​വേ​ള​യി​ൽ നി​ല​വി​ലു​ള്ള പാ​ല​ത്തി​നു സ​മാ​ന്ത​ര​മാ​യി അ​തേ അ​ള​വി​ൽ പാ​ലം നി​ർ​മ്മി​ക്കാ​ൻ ആ​ണ് ഉ​ദ്ദേ​ശി​ച്ചി​രു​ന്ന​ത്. പ​ണി തു​ട​ങ്ങു​ക​യും ചെ​യ്തി​രു​ന്നു. ദേ​ശീ​യ ജ​ല​പാ​ത ആ​യ​തി​നാ​ൽ നി​ർ​ദി​ഷ്ട ഉ​യ​രം ഇ​ല്ലാ​ത്ത​തി​നാ​ൽ ദേ​ശീ​യ ജ​ല​പാ​ത അ​തോ​റി​റ്റി പ​ണി നി​ർ​ത്തി​വെ​പ്പി​ക്കു​ക​യാ​യി​രു​ന്നു. രൂ​പ​രേ​ഖ പു​തു​ക്കി ന​ൽ​കി​യ​തോ​ടെ​യാ​ണ്​ അം​ഗീ​കാ​രം ല​ഭി​ച്ച​ത്. ഇ​ത​നു​സ​രി​ച്ച്​ നി​ർ​മാ​ണം ന​ട​ത്തു​ന്ന​തി​ന്​ എ​സ്റ്റി​മേ​റ്റി​ൽ 30 കോ​ടി രൂ​പ​യു​ടെ വ​ർ​ധ​ന വേ​ണ്ടി​വ​ന്നി​ട്ടു​ണ്ട്.