തുറക്കൽ വീണ്ടും തെറ്റി; മാലിന്യം അടിഞ്ഞ്​ തണ്ണീർമുക്കം ബണ്ട്

ആ​ല​പ്പു​ഴ: ത​ണ്ണീ​ർ​മു​ക്കം ബ​ണ്ട് സ​മ​യ​ക്ര​മം പാ​ലി​ച്ച്​ തു​റ​ക്കാ​ൻ ക​ഴി​യാ​ത്ത​തി​നാ​ൽ ​നീ​രൊ​ഴു​ക്ക്​ നി​ല​ച്ച്​ മ​ലി​ന്യം അ​ടി​ഞ്ഞു. പാ​യ​ലും പോ​ള​യും കെ​ട്ടി​ക്കി​ട​ന്ന് അ​ഴു​കി. മ​റ്റു മാ​ലി​ന്യ​വും കാ​യ​ലി​ൽ നി​റ​ഞ്ഞി​ട്ടു​ണ്ട്.

മൂ​ന്നു​മാ​സ​മാ​യി അ​ട​ഞ്ഞു​കി​ട​ക്കു​ന്ന ബ​ണ്ടി​ന്റെ തെ​ക്ക​ൻ പ്ര​ദേ​ശ​ങ്ങ​ളി​ൽ മ​ലി​ന​ജ​ലം കെ​ട്ടി​ക്കി​ട​ക്കു​ക​യാ​ണ്. വേ​ന​ൽ ക​ടു​ത്ത​തോ​ടെ ബ​ണ്ടി​ന്റെ തെ​ക്കു​ഭാ​ഗ​ത്ത് ജ​ല​നി​ര​പ്പ് വ​ള​രെ താ​ഴ്​​ന്ന നി​ല​യി​ലാ​ണ്. ബ​ണ്ട് അ​ട​ച്ച​തി​നാ​ൽ നീ​രൊ​ഴു​ക്കി​ല്ലെ​ങ്കി​ലും മാ​ലി​ന്യ​ങ്ങ​ളു​ടെ ഒ​ഴു​ക്ക്​ കു​റ​യു​ന്നി​ല്ല. രാ​ത്രി​ക​ളി​ൽ ശു​ചി​മു​റി മാ​ലി​ന്യം ഉ​ൾ​പ്പെ​ടെ​യാ​ണ്​ കാ​യ​ലി​ൽ ത​ള്ളു​ന്ന​ത്. മാം​സാ​വ​ശി​ഷ്ട​ങ്ങ​ൾ അ​ഴു​കി കാ​യ​ലി​ൽ ഒ​ഴു​കു​ക​യാ​ണ്. മ​ലി​നീ​ക​രി​ക്ക​പ്പെ​ട്ട വെ​ള്ള​ത്തി​ൽ ഓ​ക്സി​ജ​ന്‍റെ അ​ള​വ്​ കു​റ​ഞ്ഞ​തോ​ടെ മ​ത്സ്യ​സ​മ്പ​ത്തി​നും നാ​ശ​മു​ണ്ടാ​കു​ന്നു.

മാ​ർ​ച്ച്​ 15ന്​ ​തു​റ​ക്കാ​നാ​യി​രു​ന്നു മ​​ന്ത്രി​ത​ല ച​ർ​ച്ച​യി​​ലെ തീ​രു​മാ​നം. ഇ​താ​ണ്​ ന​ട​ക്കാ​തെ​പോ​യ​ത്. ആ​ല​പ്പു​ഴ, കോ​ട്ട​യം ക​ല​ക്ട​ർ​മാ​ർ, ക​ർ​ഷ​ക പ്ര​തി​നി​ധി​ക​ൾ, ജ​ല​സേ​ച​ന ഉ​ദ്യോ​ഗ​സ്ഥ​ർ, ജ​ന​പ്ര​തി​നി​ധി​ക​ൾ തു​ട​ങ്ങി​യ​വ​രു​ടെ യോ​ഗ​ത്തി​ലാ​ണ് ബ​ണ്ട് തു​റ​ക്കു​ന്ന​തി​ന്‍റെ സ​മ​യ​ക്ര​മം തീ​രു​മാ​നി​ക്കു​ന്ന​ത്. ഈ ​യോ​ഗം എ​ന്നു​ചേ​ര​ണ​മെ​ന്നു​പോ​ലും ഇ​തു​വ​രെ തീ​രു​മാ​നി​ച്ചി​ട്ടി​ല്ല. ഡി​സം​ബ​ർ 15ന് ​അ​ട​ക്കു​ക​യും മാ​ർ​ച്ച് 15ന്​ ​തു​റ​ക്കു​ക​യും ചെ​യ്യ​ണ​മെ​ന്ന​മെ​ന്നാ​ണ്​ വി​ദ​ഗ്​​ധ നി​ർ​ദേ​ശം. മാ​ർ​ച്ച് 15ന്​ ​തു​റ​ക്കു​ക എ​ന്ന​ത് ബ​ണ്ട് ക​മീ​ഷ​ൻ ചെ​യ്ത കാ​ല​ത്തെ​ടു​ത്ത തീ​രു​മാ​ന​മാ​ണ്.

നെ​ൽ​കൃ​ഷി വി​ള​വെ​ടു​പ്പ് യ​ഥാ​സ​മ​യം പൂ​ർ​ത്തി​യാ​കാ​ത്ത​താ​ണ് ഷ​ട്ട​റു​ക​ൾ തു​റ​ക്കു​ന്ന​തി​ന്റെ താ​ളം​തെ​റ്റി​ക്കു​ന്ന​ത്. ഇ​ത്ത​വ​ണ ഇ​തു​വ​രെ വി​ള​വെ​ടു​പ്പ് പൂ​ർ​ത്തി​യാ​യി​ട്ടി​ല്ല.

കാ​ർ​ഷി​ക ക​ല​ണ്ട​ർ പ്ര​കാ​ര​മാ​ക​ണം കു​ട്ട​നാ​ട്ടി​ലെ കൃ​ഷി​യെ​ന്ന് വ​ർ​ഷ​ങ്ങ​ളാ​യി സ​ർ​ക്കാ​റും വി​ദ​ഗ്ധ​രും പ​റ​യു​ന്നു​ണ്ടെ​ങ്കി​ലും ഇ​തു​വ​രെ സാ​ധ്യ​മാ​യി​ട്ടി​ല്ല. നി​ല​മൊ​രു​ക്ക​ൽ മു​ത​ൽ എ​ല്ലാ കൃ​ഷി​ജോ​ലി​ക​ളും കു​ട്ട​നാ​ട്ടി​ൽ സ​മ​യ​ക്ര​മം പാ​ലി​ച്ച്​ ന​ട​ന്നാ​ലെ ഇ​ത്​ ന​ട​പ്പാ​കൂ. പാ​ട​ശേ​ഖ​ര സ​മി​തി​ക​ൾ ത​മ്മി​ൽ ഏ​കോ​പ​ന​മി​ല്ലാ​ത്ത​തി​നാ​ൽ വി​ത​യും വി​ള​വെ​ടു​പ്പു​മെ​ല്ലാം പ​ല സ​മ​യ​ത്താ​ണ്.

സ​മ​യ​ത്ത്​ ബ​ണ്ട്​ തു​റ​ക്കാ​ത്ത​തി​നാ​ൽ മ​ത്സ്യ​സ​മ്പ​ത്ത് ന​ശി​ക്കു​ന്നു​ണ്ടെ​ന്ന്​ മ​ത്സ്യ​ത്തൊ​ഴി​ലാ​ളി​ക​ളും ചൂ​ണ്ടി​ക്കാ​ട്ടു​ന്നു. മു​മ്പ്​ ഇ​വി​ടെ വ​ർ​ഷ​ത്തി​ൽ 400 ട​ൺ ആ​റ്റു​കൊ​ഞ്ച് വ​രെ ല​ഭി​ച്ചി​രു​ന്നു. ഇ​പ്പോ​ൾ 50 കി​ലോ പോ​ലും ല​ഭി​ക്കു​ന്നി​ല്ല.