തെരുവുവിളക്ക്‌ സ്ഥാപിക്കാൻ ടെൻഡർ; ആറാട്ടുപുഴ പഞ്ചായത്തിൽ ക്രമക്കേട്

ആ​റാ​ട്ടു​പു​ഴ: തെ​രു​വു​വി​ള​ക്ക്​ സ്ഥാ​പി​ക്കു​ന്ന​തി​ന്​ ടെ​ൻ​ഡ​ർ ന​ൽ​കി​യ​തി​ൽ ആ​റാ​ട്ടു​പു​ഴ പ​ഞ്ചാ​യ​ത്തി​ൽ ക്ര​മ​ക്കേ​ട്.

ആ​റാ​ട്ടു​പു​ഴ പ​ഞ്ചാ​യ​ത്ത്​ മു​ൻ സെ​ക്ര​ട്ട​റി​ക്കെ​തി​രെ ഉ​യ​ർ​ന്ന ആ​രോ​പ​ണ​ത്തി​ൽ പ​ഞ്ചാ​യ​ത്ത് ഡെ​പ്യൂ​ട്ടി ഡ​യ​റ​ക്ട​ർ അ​ന്വേ​ഷ​ണം തു​ട​ങ്ങി. ടെ​ൻ​ഡ​ർ ന​ട​പ​ടി​ക്ര​മ​ങ്ങ​ളി​ൽ വീ​ഴ്ച​വ​രു​ത്തി​യ​താ​യി ത​ദ്ദേ​ശ​വ​കു​പ്പി​ന്റെ കോ​ഓ​ഡി​നേ​ഷ​ൻ സ​മി​തി ക​ണ്ടെ​ത്തി​യ​തി​നെ​ത്തു​ട​ർ​ന്നാ​ണ് അ​ന്വേ​ഷ​ണം. പ​ഞ്ചാ​യ​ത്തി​ൽ എ​ൽ.​ഇ.​ഡി തെ​രു​വു​വി​ള​ക്ക്​ സ്ഥാ​പി​ക്കു​ന്ന​താ​യി​രു​ന്നു പ​ദ്ധ​തി.

ഇ​തി​നാ​യി ക​മ​ലാ​സ​ന​ൻ, പ്ര​തീ​ക്ഷ എ​ന്റ​ർ​പ്രൈ​സ​സ് എ​ന്ന​യാ​ളു​ടെ ടെ​ൻ​ഡ​ർ അം​ഗീ​ക​രി​ച്ചു. എ​ന്നാ​ൽ, പ​ണി പൂ​ർ​ത്തി​യാ​യി​ട്ടും ക​രാ​റു​കാ​ര​ന്​ ന​ൽ​കേ​ണ്ട 4,91,175 രൂ​പ ന​ൽ​കി​യി​ല്ല. തു​ട​ർ​ന്ന് പ​ദ്ധ​തി 2021-22ലേ​ക്കു​ള്ള തു​ട​ർ​പ​ദ്ധ​തി​യാ​യി ഉ​ൾ​പ്പെ​ടു​ത്തി പ​ണം​ന​ൽ​കാ​ൻ ഭ​ര​ണ​സ​മി​തി തീ​രു​മാ​നി​ച്ചു.

ക​രാ​ർ ന​ട​പ​ടി പാ​ലി​ച്ചി​ട്ടി​ല്ലെ​ന്ന്​ ചൂ​ണ്ടി​ക്കാ​ട്ടി പ​ണം ന​ൽ​കാ​ൻ നി​ല​വി​​ലെ സെ​ക്ര​ട്ട​റി​യും ത​യാ​റാ​യി​ല്ല. തു​ട​ർ​ന്നാ​ണ് കോ​ഓ​ഡി​നേ​ഷ​ൻ സ​മി​തി പ​രി​ശോ​ധ​ന ന​ട​ത്തി​യ​തും മു​ൻ സെ​ക്ര​ട്ട​റി​ക്കെ​തി​രെ അ​ന്വേ​ഷ​ണം പ്ര​ഖ്യാ​പി​ച്ച​തും. 20 വാ​ട്സി​ന്റെ ബ​ൾ​ബ് സ്ഥാ​പി​ക്കാ​നാ​ണ് ടെ​ൻ​ഡ​ർ ക്ഷ​ണി​ച്ച​ത്. ഇ​ത​നു​സ​രി​ച്ച് ക​രാ​ർ ഏ​റ്റെ​ടു​ത്ത​യാ​ളൊ​ഴി​കെ ബാ​ക്കി​യെ​ല്ലാ​വ​രും 20 വാ​ട്സി​ന്റെ ബ​ൾ​ബ് സ്ഥാ​പി​ക്കാ​ൻ നി​ര​ക്ക്​ ന​ൽ​കി.

ടെ​ൻ​ഡ​ർ ഏ​റ്റെ​ടു​ത്ത​യാ​ൾ 14 വാ​ട്സി​ന്റെ ബ​ൾ​ബി​ടാ​നു​ള്ള നി​ര​ക്കും ന​ൽ​കി. 14 വാ​ട്സ് ഇ​ടാ​ൻ ന​ൽ​കി​യ ടെ​ൻ​ഡ​റാ​ണ്​ ഭ​ര​ണ​സ​മി​തി അം​ഗീ​ക​രി​ച്ച​ത്. ടെ​ൻ​ഡ​ർ ഫോ​മി​ൽ അ​ട​ങ്ക​ൽ​നി​ര​ക്കോ കൃ​ത്യ​മാ​യ വി​വ​ര​ങ്ങ​ളോ ന​ൽ​കി​യി​ല്ല. നി​ര​ത​ദ്ര​വ്യം അ​ട​പ്പി​ച്ചി​ല്ല.

ക​രാ​റേ​റ്റെ​ടു​ത്ത വ്യ​ക്തി​യും പ​ഞ്ചാ​യ​ത്തു​മാ​യി ഔ​ദ്യോ​ഗി​ക ക​രാ​റി​ൽ ഏ​ർ​പ്പെ​ട്ടി​ട്ടു​മി​ല്ല. ബ​ൾ​ബി​ന്റെ ഗു​ണ​നി​ല​വാ​ര സാ​ക്ഷ്യ​പ​ത്രം ല​ഭ്യ​മ​ല്ല. മെ​യി​ന്റ​ന​ൻ​സ് ന​ട​ത്തി ബ​ൾ​ബ്‌ സ്ഥാ​പി​ച്ചെ​ന്ന് മെം​ബ​ർ​മാ​രു​ടെ സാ​ക്ഷ്യ​പ​ത്ര​വു​മി​ല്ല.