ടേബിള് ടെന്നിസ്; ആലപ്പുഴ ഓവറോള് ചാമ്പ്യൻമാർ
text_fields
ഡ്യുറോഫ്ലെക്സ്-കേരള സ്റ്റേറ്റ് ആന്ഡ് ഇന്റര് ഡിസ്ട്രിക്റ്റ് ടേബിള് ടെന്നിസ് ചാമ്പ്യന്ഷിപ്പില്
ഓവറോള് ചാമ്പ്യന്മാരായ ആലപ്പുഴ ടീം
ആലപ്പുഴ: അഞ്ചുദിവസം നീണ്ട ഡ്യുറോഫ്ലക്സ്-കേരള സ്റ്റേറ്റ് ആന്ഡ് ഇന്റര് ഡിസ്ട്രിക്റ്റ് ടേബിള് ടെന്നിസ് ചാമ്പ്യന്ഷിപ്പില് ആലപ്പുഴ ഓവറോള് ചാമ്പ്യന്മാരായി. 71 പോയന്റ് നേടി.
രണ്ടാംസ്ഥാനം തിരുവനന്തപുരത്തിനാണ്. ഇവർക്ക് 35 പോയന്റുണ്ട്. ആലപ്പുഴയുടെ അമീര് അഫ്ത്താബ് ആൺകുട്ടികളുടെ വിഭാഗത്തിലും റീവ അന്ന മൈക്കിള് പെൺകുട്ടികളുടെ വിഭാഗത്തിലും സംസ്ഥാന ചാമ്പ്യന്മാരായി.വൈ.എം.സി.എ എന്.സി. ജോണ് മെമ്മോറിയല് ടേബിള് ടെന്നിസ് അരീനയില് നടന്ന സമാപന സമ്മേളനത്തിൽ ഡ്യുറോഫ്ലക്സ് മാനേജിങ് ഡയറക്ടര് ജോര്ജ് എല്. മാത്യു സമ്മാനം നൽകി.
ടേബിള് ടെന്നിസ് ഫെഡറേഷന് ഓഫ് ഇന്ത്യ (ടി.ടി.എഫ്.ഐ) സീനിയര് വൈസ് പ്രസിഡന്റ് പത്മജ എസ്. മേനോന് അധ്യക്ഷത വഹിച്ചു. ടി.ടി.എ.കെ ഓണററി സെക്രട്ടറി മൈക്കിള് മത്തായി, എ.ഡി.ടി.ടി.എ പ്രസിഡന്റ് ഡോ. ബിച്ചു എക്സ്. മലയില്, സെക്രട്ടറി കൃഷ്ണന് വേണുഗോപാല്, ജനറല് കണ്വീനര് സുനില് മാത്യു എബ്രഹാം, ഡയറക്ടര് റോണി മാത്യു തുടങ്ങിയവര് സംബന്ധിച്ചു. ടേബിള് ടെന്നിസ് അസോസിയേഷന് ഓഫ് കേരള (ടി.ടി.എ.കെ), ആലപ്പുഴ ഡിസ്ട്രിക്റ്റ് ടേബിള് ടെന്നിസ് അസോസിയേഷന് (എ.ഡി.ടി.ടി.എ), ആലപ്പുഴ വൈ.എം.സി.എ എന്നിവരായിരുന്നു സംഘാടകര്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.