സ്റ്റോക്ക്​ പരിമിതം; സർക്കാർ ആശുപത്രികൾ മരുന്ന്​ ക്ഷാമത്തിലേക്ക്

ആ​ല​പ്പു​ഴ: സ​ർ​ക്കാ​ർ ആ​ശു​പ​ത്രി​ക​ളി​ൽ മ​രു​ന്ന്​ സ്റ്റോ​ക്ക്​ തീ​രു​ന്നു. ഒ​ന്നോ ര​ണ്ടോ മാ​സ​ത്തേ​ക്കു​ള്ള സ്റ്റോ​ക്കേ​യു​ള്ളൂ പ​ല​യി​ട​ത്തും. ആ​ശു​പ​ത്രി​ക​ൾ​ക്ക്​ മ​രു​ന്ന് ന​ൽ​കേ​ണ്ട കേ​ര​ള മെ​ഡി​ക്ക​ൽ സ​ർ​വി​സ​സ് കോ​ർ​പ​റേ​ഷ​നി​ലും മൂ​ന്ന്​ ആ​ഴ്ച​ത്തേ​ക്കു​ള്ള മ​രു​ന്നു​ക​ളേ​യു​ള്ളൂ. ആ​ല​പ്പു​ഴ മെ​ഡി​ക്ക​ൽ കോ​ള​ജി​ന്​ കീ​ഴി​ലെ അ​മ്പ​ല​പ്പു​ഴ അ​ർ​ബ​ൻ ഹെ​ൽ​ത്ത് ട്രെ​യി​നി​ങ് സെ​ന്‍റ​റി​ലും പു​റ​ക്കാ​ട്, അ​മ്പ​ല​പ്പു​ഴ വ​ട​ക്ക്, പു​ന്ന​പ്ര വ​ട​ക്ക്, പു​ന്ന​പ്ര തെ​ക്ക് പ്രാ​ഥ​മി​കാ​രോ​ഗ്യ കേ​ന്ദ്ര​ങ്ങ​ളി​ലും ജീ​വി​ത​ശൈ​ലീ രോ​ഗ​ങ്ങ​ൾ​ക്ക് ഉ​ൾ​പ്പെ​ടെ മ​രു​ന്ന് ഒ​രു മാ​സ​ത്തേ​ക്കാ​ണ്​ സ്റ്റോ​ക്കു​ള്ള​ത്. മ​ഴ​ക്കാ​ല രോ​ഗ​ങ്ങ​ൾ ക​ണ​ക്കി​ലെ​ടു​ത്ത് അ​ടു​ത്ത മാ​സ​ത്തേ​ക്കു​ള്ള മ​രു​ന്നി​ന് കേ​ര​ള മെ​ഡി​ക്ക​ൽ സെ​യി​ൽ​സ് കോ​ർ​പ​റേ​ഷ​നി​ലേ​ക്ക് മെ​ഡി​ക്ക​ൽ ഓ​ഫി​സ​ർ​മാ​ർ ഇ​ൻ​ഡ​ന്‍റ്​ അ​യ​ച്ച്​ കാ​ത്തി​രി​ക്കു​ക​യാ​ണ്.

ക്ഷാ​മ​ത്തി​ലേ​ക്ക്​ നീ​ങ്ങ​വെ ആ​ല​പ്പു​ഴ ജ​ന​റ​ൽ ആ​ശു​പ​ത്രി​യി​ൽ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ​നി​ന്നും സ​മീ​പ​ത്തെ ആ​ശു​പ​ത്രി​ക​ളി​ൽ​നി​ന്നും അ​വ​ശ്യ മ​രു​ന്നു​ക​ൾ വാ​ങ്ങി സ്റ്റോ​ക്ക് ചെ​യ്തു. ശ്വാ​സം​മു​ട്ട​ലി​ന് ഉ​പ​യോ​ഗി​ക്കു​ന്ന ഇ​ൻ​ഹെ​യ്‌​ല​ർ, ഡെ​രി​ഫി​ലി​ൻ എ​ന്നി​വ​ക്കും ചെ​റി​യ ക്ഷാ​മ​മു​ണ്ട്. മാ​വേ​ലി​ക്ക​ര ജി​ല്ല ആ​ശു​പ​ത്രി​യി​ൽ പേ​വി​ഷ പ്ര​തി​രോ​ധ​മ​രു​ന്നി​ന് ക്ഷാ​മ​മു​ണ്ട്. ഈ ​മ​രു​ന്നി​ന്​ വി​ല കൂ​ടു​ത​ലാ​യ​തി​നാ​ൽ പു​റ​ത്തു​നി​ന്ന്​ വാ​ങ്ങാ​റി​ല്ല. ക​ല​വൂ​ർ കു​ടും​ബാ​രോ​ഗ്യ കേ​ന്ദ്ര​ത്തി​ൽ ജീ​വി​ത​ശൈ​ലീ രോ​ഗ​ങ്ങ​ൾ​ക്കു​ള്ള ര​ണ്ടു​ത​രം മ​രു​ന്നു​ക​ളു​ടെ ക്ഷാ​മ​മു​ണ്ട്. ചെ​ട്ടി​കാ​ട് ഗ​വ. ആ​ശു​പ​ത്രി​യി​ലും ആ​ര്യാ​ട് പി.​എ​ച്ച്.​സി​യി​ലും ഇ​ത്ത​രം മ​രു​ന്നു​ക​ൾ കു​റ​വാ​ണ്. ആ​ര്യാ​ട് ബ്ലോ​ക്ക് പ​ഞ്ചാ​യ​ത്തി​ന്റെ 'ആ​ർ​ദ്ര​മീ ആ​ര്യാ​ട്' പ​ദ്ധ​തി​യി​ലും പ​ഞ്ചാ​യ​ത്തു​ക​ളു​ടെ ത​ന​ത് ഫ​ണ്ട് ഉ​പ​യോ​ഗി​ച്ചും അ​ത്യാ​വ​ശ്യ​മു​ള്ള​വ പു​റ​ത്തു​നി​ന്ന് നേ​രി​ട്ട് വാ​ങ്ങു​ക​യാ​ണ്. ടെ​റ്റ​ന​സ് കു​ത്തി​വെ​പ്പി​നു​ള്ള മ​രു​ന്നും കാ​രു​ണ്യ, നീ​തി തു​ട​ങ്ങി​യ മ​രു​ന്ന് ക​ട​ക​ളി​ൽ​നി​ന്ന്​ നേ​രി​ട്ടു​മാ​ണ് വാ​ങ്ങു​ന്ന​ത്. പാ​ണ്ട​നാ​ട് ഹെ​ൽ​ത്ത് ബ്ലോ​ക്കി​ന്​ കീ​ഴി​ലെ 10 പ്രാ​ഥ​മി​കാ​രോ​ഗ്യ കേ​ന്ദ്ര​ങ്ങ​ളി​ൽ ജീ​വി​ത​ശൈ​ലീ​രോ​ഗ​ങ്ങ​ൾ​ക്കു​ള്ള മ​രു​ന്നു​ക​ൾ കു​റ​വാ​ണ്. കു​ട്ടി​ക​ൾ​ക്കു​ള്ള സി​റ​പ്പു​ക​ളും നേ​രി​യ ശേഖരം മാ​ത്രം. പ്രാ​ഥ​മി​കാ​രോ​ഗ്യ കേ​ന്ദ്ര​ങ്ങ​ളി​ൽ പ​ര​സ്പ​രം ഇ​വ കൈ​മാ​റി​യാ​ണ്​ 'പി​ടി​ച്ചു​നി​ൽ​ക്കു​ന്ന​ത്'.

മു​തു​കു​ളം സാ​മൂ​ഹി​കാ​രോ​ഗ്യ കേ​ന്ദ്ര​ത്തി​ൽ എ​ലി​പ്പ​നി പ്ര​തി​രോ​ധ മ​രു​ന്നാ​യ ഡോ​ക്സി​സൈ​ക്ലി​നും ഒ.​ആ​ർ.​എ​സ് ലാ​യ​നി​ക്കു​ള്ള പൊ​ടി​യും ഒ​രാ​ഴ്ച​ത്തേ​ക്കേ​യു​ള്ളൂ. മ​ഴ​ക്കാ​ല രോ​ഗ​പ്ര​തി​രോ​ധ​ത്തി​നു​ള്ള മ​രു​ന്നു​ക​ൾ ഇ​വി​ടെ ആ​വ​ശ്യ​ത്തി​നു​ണ്ട്. ത​ണ്ണീ​ർ​മു​ക്കം സി.​എ​ച്ച്.​സി​യി​ൽ എ​ലി​പ്പ​നി​ക്കു​ള്ള മ​രു​ന്ന് ഫീ​ൽ​ഡി​ൽ കൊ​ടു​ക്കു​ന്ന​തു​കൊ​ണ്ട് സ്റ്റോ​ക്ക് കു​റ​വാ​ണ്. നൂ​റ​നാ​ട് ലെ​പ്ര​സി സാ​ന​റ്റോ​റി​യ​ത്തി​ൽ പേ​വി​ഷ പ്ര​തി​രോ​ധ മ​രു​ന്നി​ന്​ ക്ഷാ​മ​മു​ണ്ട്.

ചു​ന​ക്ക​ര സാ​മൂ​ഹി​കാ​രോ​ഗ്യ കേ​ന്ദ്ര​ത്തി​ൽ പ്ര​മേ​ഹ​ത്തി​നു​ള്ള മ​രു​ന്ന് ഒ​രാ​ഴ്ച​ത്തേ​ക്കേ ഉ​ള്ളൂ. ചു​ന​ക്ക​ര പ​ഞ്ചാ​യ​ത്ത് 30 ല​ക്ഷ​ത്തോ​ളം രൂ​പ​യു​ടെ മ​രു​ന്ന് വാ​ങ്ങി ന​ൽ​കി​യി​രു​ന്നു.