വയോധികനായ പിതാവിനെ മർദിച്ച മകൻ പിടിയിൽ

ചാ​രും​മൂ​ട്: വ​യോ​ധി​ക​നാ​യ പി​താ​വി​നെ ക്രൂ​ര​മാ​യി മ​ർ​ദി​ച്ച മ​ക​ൻ പി​ടി​യി​ൽ. നൂ​റ​നാ​ട് പ​ഞ്ചാ​യ​ത്തി​ൽ നെ​ടു​കു​ള​ഞ്ഞി മു​റി​യി​ൽ മാ​ധ​വം വീ​ട്ടി​ൽ രാ​മ​കൃ​ഷ്ണ​പി​ള്ള​ക്കാ​ണ്​ (80) മ​ർ​ദ​ന​മേ​റ്റ​ത്. സം​ഭ​വ​ത്തി​ൽ സ​മീ​പ​ത്ത് താ​മ​സി​ക്കു​ന്ന മ​ക​ൻ അ​ജീ​ഷി​നെ (43) പ​ട​നി​ലം ഭാ​ഗ​ത്തു​നി​ന്നാ​ണ്​ അ​ജീ​ഷി​നെ നൂ​റ​നാ​ട് പൊ​ലീ​സ് പി​ടി​കൂ​ടി.

സ്വ​ത്തി​നെ ചൊ​ല്ലി​യു​ള്ള ത​ർ​ക്ക​ത്തി​നി​ടെ വി​റ​ക് ക​ഷ​ണം കൊ​ണ്ട് പി​താ​വി​നെ ക്രൂ​ര​മാ​യി മ​ർ​ദി​ക്കു​ക​യും നി​ല​ത്തി​ട്ട് ച​വി​ട്ടു​ക​യും ചെ​യ്ത ശേ​ഷം പ്ര​തി ഒ​ളി​വി​ൽ പോ​കു​ക​യാ​യി​രു​ന്നു. നാ​ട്ടു​കാ​രു​ടെ സ​ഹാ​യ​ത്തോ​ടെ ആ​ശു​പ​ത്രി​യി​ൽ എ​ത്തി​ച്ച രാ​മ​കൃ​ഷ്ണ​പി​ള്ള​യു​ടെ മൂ​ക്കി​നു പൊ​ട്ട​ലു​ണ്ടാ​വു​ക​യും തീ​വ്ര​പ​രി​ച​ര​ണ വി​ഭാ​ഗ​ത്തി​ൽ പ്ര​വേ​ശി​പ്പി​ക്കു​ക​യും ചെ​യ്തു.

പ്ര​തി​ക്കാ​യി അ​ന്വേ​ഷ​ണം ന​ട​ത്തി​യെ​ങ്കി​ലും മൊ​ബൈ​ൽ സ്വി​ച്ച് ഓ​ഫ് ചെ​യ്ത്​ മു​ങ്ങി​യ പ്ര​തി​യെ ക​ണ്ടെ​ത്താ​ൻ ക​ഴി​ഞ്ഞി​രു​ന്നി​ല്ല. എ​സ്.​എ​ച്ച്.​ഒ ശ്രീ​കു​മാ​റി​ന്‍റെ നി​ർ​ദേ​ശ പ്ര​കാ​രം എ​സ്.​ഐ എ​സ്. നി​തീ​ഷ്, സി.​പി.​ഒ​മാ​രാ​യ ര​ജീ​ഷ്, സു​ന്ദ​രേ​ശ​ൻ, ക​ലേ​ഷ്, ഷി​ബു, ജം​ഷാ​ദ്,ഷ​മീ​ർ, ശ​ര​ത് എ​ന്നി​വ​ര​ട​ങ്ങി​യ സം​ഘ​മാ​ണ് പ്ര​തി​യെ പി​ടി​കൂ​ടി​യ​ത്.