ഡോ​ക്ട​ർ​മാ​രും ന​ഴ്സു​മാ​രും കു​റ​വ്​; വേണം ശസ്ത്രക്രിയ ആലപ്പുഴ മെഡിക്കൽ കോളജിനും

അ​മ്പ​ല​പ്പു​ഴ: സാ​ധാ​ര​ണ​ക്കാ​രാ​യ രോ​ഗി​ക​ൾ​ക്ക് ആ​ശ്ര​യ​മാ​യ ആ​ല​പ്പു​ഴ മെ​ഡി​ക്ക​ൽ കോ​ള​ജ് ആ​ശു​പ​ത്രി​ക്ക് പോ​രാ​യ്മ​ക​ൾ ഏ​റെ​യാ​ണ്. ഡോ​ക്ട​ർ​മാ​രു​ടെ​യും മ​റ്റ് ജീ​വ​ന​ക്കാ​രു​ടെ​യും കു​റ​വ് നി​ക​ത്താ​നാ​യി​ട്ടി​ല്ല. ഗ്യാ​സ്ട്രോ, ന്യൂ​റോ, മെ​ഡി​സി​ൻ, റേ​ഡി​യോ​ള​ജി, സ​ർ​ജ​റി, ഓ​ർ​ത്തോ, യൂ​റോ​ള​ജി, ഡ​ർ​മ​റ്റോ​ള​ജി തു​ട​ങ്ങി​യ പ​ല വി​ഭാ​ഗ​ങ്ങ​ളി​ലെ ഡോ​ക്ട​ർ​മാ​രു​ടെ​യും ന​ഴ്സു​മാ​രു​ടെ​യും ഒ​ഴി​വു​ക​ൾ ആ​ശു​പ​ത്രി​യു​ടെ സു​ഗ​മ​മാ​യ പ്ര​വ​ർ​ത്ത​ന​ങ്ങ​ളെ ബാ​ധി​ക്കു​ന്നു.

സ​ര്‍ജ​റി വി​ഭാ​ഗ​ത്തി​ല്‍ 16 അ​സി. പ്ര​ഫ​സ​ര്‍മാ​രു​ടെ ഒ​ഴി​വു​ണ്ട്. അ​തി​ല്‍ 11 എ​ണ്ണ​വും ഒ​ഴി​ഞ്ഞു കി​ട​ക്കു​ക​യാ​ണ്. റോ​ഡി​യോ​ള​ജി വ​കു​പ്പി​ൽ 13 ത​സ്ത​ക​യി​ല്‍ നാ​ലു​പേ​ർ മാ​ത്ര​മാ​ണ് ജോ​ലി​യി​ലു​ള്ള​ത്. ഇ​തു​പോ​ലെ വി​വി​ധ വ​കു​പ്പു​ക​ളി​ലാ​യി നി​ര​വ​ധി ഒ​ഴി​വു​ക​ളാ​ണ് നി​ക​ത്താ​നു​ള്ള​ത്.

ഇ​തി​നി​ടെ വ​ര്‍ക്കി​ങ്​ അ​റേ​ഞ്ച്‌​മെ​ന്റി​ന്റെ ഭാ​ഗ​മാ​യി സ്ഥ​ലം​മാ​റ്റം അ​നു​വ​ദി​ക്കു​ന്ന​ത് പ്ര​തി​സ​ന്ധി ഇ​ര​ട്ടി​യാ​ക്കി. സൂ​പ്പ​ര്‍ സ്‌​പെ​ഷാ​ലി​റ്റി സൗ​ക​ര്യം ഇ​തു​വ​രെ യാ​ഥാ​ര്‍ഥ്യ​മാ​ക്കി​യി​ല്ല. തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജി​ലെ പോ​രാ​യ്മ​ക​ൾ ഡോ​ക്ട​റു​ടെ വെ​ളി​പ്പെ​ടു​ത്ത​ലി​ലൂ​ടെ പു​റ​ത്തു​വ​ന്ന​തോ​ടെ ആ​ല​പ്പു​ഴ മെ​ഡി​ക്ക​ൽ കോ​ള​ജി​ന്‍റെ ദു​ര​വ​സ്ഥ​യും ച​ർ​ച്ച​യാ​കു​ക​യാ​ണ്.

ആ​ഴ്ച​യി​ൽ ര​ണ്ട് ബൈ​പാ​സ് ശ​സ്ത്ര​ക്രി​യ മാ​ത്രം

കാ​ർ​ഡി​യോ​ള​ജി​യി​ൽ ആ​ഴ്ച​യി​ൽ ര​ണ്ട് ബൈ​പാ​സ് ശ​സ്ത്ര​ക്രി​യ മാ​ത്ര​മാ​ണ് ന​ട​ക്കു​ന്ന​ത്. പ​ത്ത് ന​ഴ്സു​മാ​രെ​യും ഒ​രു പെ​ർ​ഫ്യൂ​ഷ​നി​സ്റ്റി​നെ​യും കൂ​ടി നി​യ​മി​ച്ചാ​ൽ കൂ​ടു​ത​ൽ ബൈ​പാ​സ് ശ​സ്ത്ര​ക്രി​യ ന​ട​ത്താ​ൻ ക​ഴി​യും. ജീ​വ​ന​ക്കാ​രു​ടെ​യും മ​റ്റ് സം​വി​ധാ​ന​ങ്ങ​ളു​ടെ​യും കു​റ​വു​മൂ​ലം ആ​റു​മാ​സ​ത്തി​ലേ​റെ​യാ​യി രോ​ഗി​ക​ൾ ശ​സ്ത്ര​ക്രി​യ പ്ര​തീ​ക്ഷി​ച്ച് ക​ഴി​യു​ക​യാ​ണ്. ചി​ല പാ​ക്കേ​ജു​ക​ൾ ഹെ​ൽ​ത്ത് കാ​ർ​ഡി​ൽ ഉ​ൾ​പ്പെ​ട്ടി​ട്ടി​ല്ലാ​ത്ത​തി​നാ​ൽ ഉ​പ​ക​ര​ണ​ങ്ങ​ൾ പു​റ​ത്തു​നി​ന്ന്​ വാ​ങ്ങേ​ണ്ടി​വ​രു​ന്നു. ഇ​ത് നി​ർ​ധ​ന രോ​ഗി​ക​ൾ​ക്ക് പ്ര​യാ​സ​മു​ള​വാ​ക്കു​ന്നു.

സ്കാ​നി​ങ്​ റി​പ്പോ​ർ​ട്ടി​ന്​ ഒ​രാ​ഴ്ച കാ​ത്തി​രി​ക്ക​ണം

ഡോ​ക്ട​ർ​മാ​രു​ടെ കു​റ​വ് റേ​ഡി​യോ​ള​ജി വി​ഭാ​ഗ​ത്തെ കാ​ര്യ​മാ​യി ബാ​ധി​ക്കു​ന്നു. എം.​ആ​ർ.​ഐ, സി.​ടി കോ​ൺ​ട്രാ​സ്റ്റ് എ​ന്നി​വ​യു​ടെ റി​പ്പോ​ർ​ട്ട് ല​ഭി​ക്ക​ണ​മെ​ങ്കി​ൽ ഒ​രാ​ഴ്ച​വ​രെ കാ​ത്തി​രി​ക്കേ​ണ്ട അ​വ​സ്ഥ​യാ​ണ്. റേ​ഡി​യോ​ള​ജി വി​ഭാ​ഗ​ത്തി​ൽ നി​ല​വി​ലെ ഒ​ഴി​വു​ക​ളി​ൽ നി​യ​മ​നം ന​ട​ത്താ​ത്ത സാ​ഹ​ച​ര്യം ഉ​ണ്ടാ​യാ​ൽ പി.​ജി അം​ഗീ​കാ​രം ന​ഷ്ട​പ്പെ​ടാ​നും സാ​ധ്യ​ത​യു​ണ്ട്.

എ​ക്സ്റേ വി​ഭാ​ഗ​ത്തി​ൽ പ​രി​ച​യ​സ​മ്പ​ന്ന​രാ​യ ടെ​ക്നീ​ഷ​ൻ​മാ​രു​ടെ കു​റ​വു​ണ്ട്. ഉ​ച്ച​വ​രെ മാ​ത്ര​മേ സ്റ്റാ​ഫി​ന്റെ സേ​വ​നം ല​ഭ്യ​മാ​കു​ന്നു​ള്ളൂ. മ​റ്റു സ​മ​യ​ങ്ങ​ളി​ൽ രാ​ത്രി​യി​ലു​ൾ​പ്പെ​ടെ ട്രെ​യി​നി, താ​ൽ​ക്കാ​ലി​ക ജീ​വ​ന​ക്കാ​ർ മാ​ത്ര​മാ​ണു​ള്ള​ത്. ഇ​ത് പ​ല​പ്പോ​ഴും എ​ക്സ്റേ വി​ഭാ​ഗ​ത്തി​ന്റെ സു​ഗ​മ​മാ​യ പ്ര​വ​ർ​ത്ത​ന​ത്തെ ബാ​ധി​ക്കു​ന്നു.