തിരയിൽപ്പെട്ട് വള്ളം മറിഞ്ഞ്​ നിരവധി പേർക്ക് പരിക്ക്

മാരാരിക്കുളം: മത്സ്യ ബന്ധനത്തിടെ തിരയിൽപ്പെട്ട് വള്ളം മറിഞ്ഞ് നിരവധി പേർക്ക് പരിക്ക്. വള്ളത്തിനും എൻഞ്ചിനും വലയ്ക്കും സാരമായ കേടുപാടുകൾ സംഭവിച്ചു.

അർത്തുങ്കൽ തീരദേശ പോലീസ് സ്റ്റേഷന് പടിഞ്ഞാറ് തിങ്കളാഴ്ച രാവിലെ എഴിനായിരുന്നു സംഭവം.

അർത്തുങ്കൽ തുരുത്തേൽ ടി.എസ്.സേവ്യറിൻ്റെ ഉടമസ്ഥതയിലുള്ള തുരുത്തേൽ വള്ളമാണ് അപകടത്തിൽപ്പെട്ടത്. പരിക്കുപറ്റിയ തൊഴിലാളികളെ സ്വകാര്യ ആശുപത്രിയിൽ പ്രവേശിപ്പിച്ചു. അർത്തുങ്കൽ കോസ്റ്റൽ പോലീസ് മേൽനടപടികൾ സ്വീകരിച്ചു.