സ്കൂൾ തുറക്കൽ മു​ന്നൊരുക്കം; പാഠം ഒന്ന്​ സുരക്ഷ

ആ​ല​പ്പു​ഴ: പു​തി​യ അ​ധ്യ​യ​ന​വ​ർ​ഷ​ത്തി​ൽ സ്കൂ​ൾ തു​റ​ക്ക​ലു​മാ​യി ബ​ന്ധ​പ്പെ​ട്ട്​ വി​വി​ധ​ങ്ങ​ളാ​യ ​മു​ന്നൊ​രു​ക്കം പൊ​തു​വി​ദ്യാ​ഭ്യാ​സ വ​കു​പ്പ്​ സ്വീ​ക​രി​ച്ച​താ​യി വി​ദ്യാ​ഭ്യാ​സ മ​ന്ത്രി വി. ​ശി​വ​ൻ​കു​ട്ടി. ആ​ല​പ്പു​ഴ​യി​ൽ വാ​ർ​ത്ത​സ​മ്മേ​ള​ന​ത്തി​ൽ സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം. സ്കൂ​ൾ പ്ര​വേ​ശ​നോ​ത്സ​വ​ത്തി​ന്‍റെ സം​സ്ഥാ​ന​ത​ല ഉ​ദ്​​ഘാ​ട​നം ജൂ​ൺ ര​ണ്ടി​ന്​ ആ​ല​പ്പു​ഴ​യി​ൽ ന​ട​ക്കും.

രാ​വി​ലെ 9.30ന്​ ​ക​ല​വൂ​ർ ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ളി​ൽ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ഉ​ദ്​​ഘാ​ട​നം ചെ​യ്യും. അ​​ന്നേ​ദി​വ​സം എ​ല്ലാ സ്കൂ​ളി​ലും സം​സ്ഥാ​ന​ത​ല ഉ​ദ്ഘാ​ട​ന​ത്തി​ന്‍റെ പ്ര​ക്ഷേ​പ​ണം ത​ത്സ​മ​യ​മു​ണ്ടാ​കും. ഇ​തി​നു​ശേ​ഷം ജി​ല്ല​ക​ളി​ൽ സ്കൂ​ൾ​ത​ല പ്ര​വേ​ശ​നോ​ത്സ​വ​വും ജി​ല്ല​ത​ല പ്ര​വേ​ശ​നോ​ത്സ​വ​വും ന​ട​ത്തും.

സ്കൂ​ളു​ക​ളി​ൽ ല​ഹ​രി​വി​രു​ദ്ധ പ്ര​വ​ർ​ത്ത​ന​ങ്ങ​ൾ ഊ​ർ​ജി​ത​മാ​ക്കും. ക്ലാ​സ്​ പ്ര​വ​ർ​ത്ത​ന​സ​മ​യം ആ​വ​ശ്യ​മി​ല്ലാ​ത്ത ആ​രും സ്കൂ​ളി​ൽ പ്ര​വേ​ശി​ക്ക​രു​ത്. ആ​വ​ശ്യ​മെ​ന്ന്​ ക​ണ്ടാ​ൽ അ​ധ്യാ​പ​ക​രു​ടെ സാ​ന്നി​ധ്യ​ത്തി​ൽ കു​ട്ടി​യു​ടെ ബാ​ഗ്​ പ​രി​ശോ​ധി​ക്കാം. കു​ട്ടി​ക​ളു​ടെ സു​ര​ക്ഷ​യെ മു​ൻ​നി​ർ​ത്തി സ്കൂ​ൾ കെ​ട്ടി​ട​ത്തി​ന്റെ ഫി​റ്റ്ന​സ് നി​ർ​ബ​ന്ധ​മാ​ണ്. ഇ​തി​ന്​ ബ​ന്ധ​പ്പെ​ട്ട ത​ദ്ദേ​ശ സ്ഥാ​പ​ന​ത്തി​ൽ​നി​ന്ന് സ​ർ​ട്ടി​ഫി​ക്ക​റ്റ് ഉ​ണ്ടെ​ങ്കി​ൽ മാ​ത്ര​മേ ക്ലാ​സു​ക​ൾ ന​ട​ത്താ​ൻ ക​ഴി​യൂ. സ്കൂ​ൾ പ​രി​സ​രം വൃ​ത്തി​യാ​ക്കി അ​പ​ക​ട​ക​ര​മാ​യ സാ​ഹ​ച​ര്യ​ങ്ങ​ൾ ഒ​ഴി​വാ​ക്ക​ണം.

വ്യ​ത്യ​സ്ത പ​ഠ​നാ​നു​ഭ​വ​ങ്ങ​ൾ കു​ട്ടി​ക​ൾ​ക്ക് ന​ൽ​കാ​ൻ​ ഓ​രോ കു​ട്ടി​ക്കും ഉ​പ​കാ​ര​പ്പെ​ടു​ന്ന ത​ര​ത്തി​ൽ പ​ഠ​ന​വി​ഭ​വ​ങ്ങ​ളും അ​ടി​സ്ഥാ​ന സൗ​ക​ര്യ​ങ്ങ​ളും ഒ​രു​ക്ക​ണം. ഭി​ന്ന​ശേ​ഷി കു​ട്ടി​ക​ൾ​ക്ക് പ്ര​ത്യേ​ക പ​രി​ഗ​ണ​ന​യു​ണ്ടാ​കും.സ്കൂ​ളു​ക​ളു​ടെ അ​റ്റ​കു​റ്റ​പ്പ​ണി ഈ​മാ​സം​ 27ന​കം പൂ​ർ​ത്തി​യാ​ക്ക​ണം. പെ​യ​ന്‍റ്​ ചെ​യ്ത്​​ മ​നോ​ഹ​ര​മാ​ക്കി കു​ട്ടി​ക​ളെ സ്വീ​ക​രി​ക്ക​ണം.

വീ​ട്ടി​ൽ​നി​ന്ന്​ സ്കൂ​ളി​ലേ​ക്കും തി​രി​ച്ചും കു​ട്ടി​ക​ള്‍ സ​ഞ്ച​രി​ക്കു​മ്പോ​ള്‍ ഉ​ണ്ടാ​വേ​ണ്ട യാ​ത്രാ​സു​ര​ക്ഷ, സ്വ​കാ​ര്യ വാ​ഹ​ന​ങ്ങ​ൾ, പൊ​തു​വാ​ഹ​ന​ങ്ങ​ള്‍, സ്കൂ​ൾ ബ​സ് തു​ട​ങ്ങി​യ​വ ഉ​പ​യോ​ഗി​ക്കു​മ്പോ​ൾ കു​ട്ടി​ക​ളു​ടെ സു​ര​ക്ഷ മു​ൻ​നി​ർ​ത്തി പാ​ലി​ക്കേ​ണ്ട മു​ൻ​ക​രു​ത​ലു​ക​ൾ, റോ​ഡ്, റെ​യി​ൽ​വേ ലൈ​ൻ എ​ന്നി​വ ക്രോ​സ് ചെ​യ്യു​മ്പോ​ൾ സൂ​ക്ഷി​ക്കേ​ണ്ട കാ​ര്യ​ങ്ങ​ൾ, ജ​ല​ഗ​താ​ഗ​തം ഉ​പ​യോ​ഗി​ക്കു​ന്ന കു​ട്ടി​ക​ളു​ടെ സു​ര​ക്ഷ സം​ബ​ന്ധി​ച്ച കാ​ര്യ​ങ്ങ​ൾ സ്കൂ​ൾ​ത​ല​ത്തി​ൽ അ​വ​ലോ​ക​നം ന​ട​ത്തി വേ​ണ്ട​ത്ര സു​ര​ക്ഷാ​മാ​ന​ദ​ണ്ഡ​ങ്ങ​ൾ പാ​ലി​ക്ക​പ്പെ​ടു​മെ​ന്ന്​ ഉ​റ​പ്പു​വ​രു​ത്ത​ണം. പി.​ടി.​എ പ്ര​സി​ഡ​ന്‍റി​ന്‍റെ കാ​ലാ​വ​ധി മൂ​ന്നു​വ​ർ​ഷ​മാ​ക്കി. പി.​ടി.​എ ക​മ്മി​റ്റി​ക​ളു​ടെ പ്ര​സി​ഡ​ന്റാ​യി ഒ​രാ​ൾ​ക്ക് തു​ട​രാ​നു​ള്ള തു​ട​ർ​ച്ച​യാ​യ കാ​ലാ​വ​ധി സം​ബ​ന്ധി​ച്ച് ത​ർ​ക്ക​ങ്ങ​ൾ ഉ​യ​ർ​ന്ന സാ​ഹ​ച​ര്യ​ത്തി​ലാ​ണി​ത്.

പ​രി​സ​രം വൃ​ത്തി​യാ​വ​ണം

സ്കൂ​ൾ തു​റ​ക്കു​ന്ന​തി​ന് മു​ന്നോ​ടി​യാ​യി സ്കൂ​ളും പ​രി​സ​ര​വും വൃ​ത്തി​യാ​ക്ക​ണം. പി.​ടി.​എ, ത​ദ്ദേ​ശ സ്ഥാ​പ​ന​ങ്ങ​ൾ, സ​ന്ന​ദ്ധ സം​ഘ​ട​ന​ക​ൾ, പൂ​ർ​വ വി​ദ്യാ​ർ​ഥി സം​ഘ​ട​ന തു​ട​ങ്ങി​യ ജ​ന​കീ​യ​ഘ​ട​ക​ങ്ങ​ളെ മു​ൻ​നി​ർ​ത്തി ക്ലാ​സ്​ മു​റി​ക​ളും സ്കൂ​ളും പ​രി​സ​ര​വും വൃ​ത്തി​യാ​ക്കാ​ൻ മു​ൻ​കൈ​യെ​ടു​ക്ക​ണം.

ക്ലാ​സ് മു​റി​ക​ൾ, ശു​ചി​മു​റി​ക​ൾ, കു​ട്ടി​ക​ൾ പെ​രു​മാ​റു​ന്ന മ​റ്റ്​ സ്ഥ​ല​ങ്ങ​ൾ, സ്കൂ​ൾ ശു​ചീ​ക​ര​ണം, മ​ഴ​ക്കാ​ല​പൂ​ർ​വ ശു​ചീ​ക​ര​ണം എ​ന്നി​വ സ​ന്ന​ദ്ധ സം​ഘ​ട​ന​ക​ൾ, കു​ടും​ബ​ശ്രീ, റെ​സി​ഡ​ന്റ്സ്​ അ​സോ​സി​യേ​ഷ​നു​ക​ൾ, അ​ധ്യാ​പ​ക-​വി​ദ്യാ​ർ​ഥി-​ബ​ഹു​ജ​ന സം​ഘ​ട​ന​ക​ൾ എ​ന്നി​വ​രു​ടെ സ​ഹ​ക​ര​ണ​ത്തോ​ടെ ന​ട​ത്ത​ണം. കു​ടി​വെ​ള്ള ടാ​ങ്ക്, കി​ണ​റു​ക​ൾ, മ​റ്റ് ജ​ല​സ്രോ​ത​സ്സു​ക​ൾ എ​ന്നി​വ അ​ണു​മു​ക്ത​മാ​ക്ക​ണം. കു​ടി​വെ​ള്ള സാ​മ്പി​ൾ ല​ബോ​റ​ട്ട​റി പ​രി​ശോ​ധ​ന​ക്ക്​ വി​ധേ​യ​മാ​ക്ക​ണം.

പാ​ച​ക​ത്തി​ന്​ ഹെ​ൽ​ത്ത്​ കാ​ർ​ഡ്​

സ്കൂ​ളി​ൽ ഉ​ച്ച​ഭ​ക്ഷ​ണം ത​യാ​റാ​ക്കു​ന്ന പാ​ച​ക​ത്തൊ​ഴി​ലാ​ളി​ക​ൾ​ക്ക്​ ഹെ​ൽ​ത്ത്​ കാ​ർ​ഡ്​ നി​ർ​ബ​ന്ധം. സ്‍കൂ​ൾ അ​ടു​ക്ക​ള, പാ​ച​കം ചെ​യ്യു​ന്ന പാ​ത്ര​ങ്ങ​ൾ തു​ട​ങ്ങി​യ​വ നി​ർ​ബ​ന്ധ​മാ​യും ശു​ചീ​ക​രി​ച്ച്​ അ​ണു​മു​ക്ത​മാ​ക്ക​ണം. കാ​ലാ​വ​ധി ക​ഴി​ഞ്ഞ ഭ​ക്ഷ​ണ വ​സ്തു​ക്ക​ൾ ഉ​ൾ​പ്പെ​ടെ ഉ​പ​യോ​ഗി​ക്കു​ന്നി​ല്ലെ​ന്ന് പ്ര​ധാ​നാ​ധ്യാ​പ​ക​ൻ ഉ​റ​പ്പു​വ​രു​ത്ത​ണം. സ്കൂ​ൾ തു​റ​ക്കു​ന്ന ദി​വ​സം ഉ​ച്ച​ഭ​ക്ഷ​ണ വി​ത​ര​ണം ന​ട​ത്ത​ണം.

യാ​ത്രാ​സു​ര​ക്ഷ ഉ​റ​പ്പാ​ക്ക​ണം

സ്കൂ​ൾ ബ​സു​ക​ളി​ൽ ക​യ​റ്റാ​വു​ന്ന കു​ട്ടി​ക​ളു​ടെ എ​ണ്ണം, വാ​ഹ​ന​ത്തി​ന്റെ ഫി​റ്റ്ന​സ് തു​ട​ങ്ങി​യവ സം​ബ​ന്ധി​ച്ച് മോ​ട്ടോ​ർ വാ​ഹ​ന വ​കു​പ്പ് നി​ഷ്ക​ർ​ഷി​ച്ച മാ​ന​ദ​ണ്ഡ​ങ്ങ​ൾ പാ​ലി​ക്ക​ണം. കൂ​ടാ​തെ ഓ​ട്ടോ, ടാ​ക്സി, വാ​ൻ, പ്രൈ​വ​റ്റ് ബ​സ് എ​ന്നി​വ​യി​ൽ സു​ര​ക്ഷാ​മാ​ന​ദ​ണ്ഡ​ങ്ങ​ൾ പാ​ലി​ച്ച്​ യാ​ത്ര ഉ​റ​പ്പാ​ക്കാ​ൻ ബ​ന്ധ​പ്പെ​ട്ട​വ​ർ അ​സോ​സി​യേ​ഷ​നു​മാ​യി ബ​ന്ധ​പ്പെ​ട്ട് ച​ർ​ച്ച ന​ട​ത്തി ആ​വ​ശ്യ​മാ​യ ന​ട​പ​ടി​ക​ൾ സ്വീ​ക​രി​ക്ക​ണം.

ബ​സി​ന്റെ ച​വി​ട്ടു​പ​ടി​യി​ൽ നി​ന്ന് കു​ട്ടി​ക​ൾ യാ​ത്ര ചെ​യ്യു​ന്നു​ണ്ടെ​ങ്കി​ൽ അ​ത്​ ശ്ര​ദ്ധ​യി​ൽ​പെ​ടു​ത്തി തു​ട​ർ​ന​ട​പ​ടി​യെ​ടു​ക്ക​ണം. കു​ട്ടി​ക​ൾ സ​ഞ്ച​രി​ക്കു​ന്ന വാ​ഹ​ന​ങ്ങ​ളി​ലെ ജീ​വ​ന​ക്കാ​രു​ടെ സ്വ​ഭാ​വം വി​ല​യി​രു​ത്തി പൊ​ലീ​സ്​ ക്ലി​യ​റ​ൻ​സ് സ​ർ​ട്ടി​ഫി​ക്ക​റ്റ് ബ​ന്ധ​പ്പെ​ട്ട സ്റ്റേ​ഷ​നി​ൽ​നി​ന്ന്​ വാ​ങ്ങ​ണം.