മോഷണം; അന്തർസംസ്ഥാന ആറംഗ സംഘം പിടിയിൽ

മു​ഹ​മ്മ: ആ​ൾ​താ​മ​സം ഇ​ല്ലാ​ത്ത വീ​ടു​ക​ളും ചെ​റി​യ കു​ടും​ബ ക്ഷേ​ത്ര​ങ്ങ​ളും കാ​വു​ക​ളും കേ​ന്ദ്രീ​ക​രി​ച്ച് മോ​ഷ​ണം ന​ട​ത്തി​യി​രു​ന്ന അ​ന്ത​ർ സം​സ്ഥാ​ന തൊ​ഴി​ലാ​ളി​ക​ളാ​യ ആ​റം​ഗ സം​ഘ​ത്തെ മു​ഹ​മ്മ പൊ​ലീ​സ് അ​റ​സ്റ്റ് ചെ​യ്തു. മു​ഹ​മ്മ, ത​ണ്ണീ​ർ​മു​ക്കം ഭാ​ഗ​ങ്ങ​ളി​ലെ വീ​ടു​ക​ളി​ൽ മോ​ഷ​ണം ന​ട​ത്തി​യ കേ​സി​ലാ​ണ് അ​റ​സ്റ്റ്.

ഡ​ൽ​ഹി തൈ​മൂ​ർ ന​ഗ​ർ ന്യൂ ​ഫ്ര​ണ്ട്സ് കോ​ള​നി ഐ.​ജി ക്യാ​മ്പ്​ ഹൗ​സ് ന​മ്പ​ർ 124 ൽ ​മു​ഹ​മ്മ​ദ് ഫാ​റൂ​ഖ്(45), ന്യൂ ​ഫ്ര​ണ്ട്സ് കോ​ള​നി ബി-24​ൽ മു​ഹ​മ്മ​ദ് അ​ഖി​ൽ(36),തൈ​മൂ​ർ ന​ഗ​ർ ഐ.​ജി ക്യാ​മ്പ് -2 സ​ബാ​ൻ(36), കൊ​ൽ​ക്ക​ത്ത ഗ​ള്ളി ബാ​രാ​യി​പു​ർ റോ​ബി​യു​ൾ (20), ഐ.​ജി ക്യാ​മ്പ് എ​സ്-73​ൽ ബി​സ്മി​ല്ല (27), പ​ശ്ചി​മ​ബം​ഗാ​ൾ നാ​ഡി​യ ജി​ല്ല​യി​ൽ ഗോ​പി​നാ​ഥ്പു​ർ വീ​ട്ടി​ൽ ബ​ഹ​ദൂ​ർ (29) എ​ന്നി​വ​രെ​യാ​ണ് അ​റ​സ്റ്റ് ചെ​യ്ത​ത്.

ത​ണ്ണീ​ർ​മു​ക്കം പ​ഞ്ചാ​യ​ത്ത് 12ാം വാ​ർ​ഡ് തോ​പ്പി​ൽ ബാ​ബു​വി​ന്റെ വീ​ട്ടി​ൽ നി​ന്ന് നി​ല​വി​ള​ക്കു​ക​ളും ചെ​മ്പ് ക​ല​വും ഉ​രു​ളി​ക​ളും ആ​യു​ർ​വേ​ദ ചി​കി​ത്സ​ക്ക് ഉ​പ​യോ​ഗി​ക്കു​ന്ന വ​സ്തി​ക്കു​ഴ​ലും മോ​ഷ്ടി​ച്ച കേ​സി​ലും മു​ഹ​മ്മ ജ​ങ്​​ഷ​ന് സ​മീ​പം പു​ളി​ക്ക​ൽ ആ​ശ ദി​നേ​ശി​ന്റെ വീ​ട്ടി​ൽ​നി​ന്ന് നി​ല​വി​ള​ക്കു​ക​ളും ഉ​രു​ളി​ക​ളും കി​ണ്ടി​യും മോ​ഷ്ടി​ച്ച കേ​സി​ലു​മാ​ണ് അ​റ​സ്റ്റ്. ര​ണ്ട് വീ​ടു​ക​ളി​ലും ആ​ളി​ല്ലാ​തി​രു​ന്ന സ​മ​യ​ത്ത് ജ​ന​ൽ ക​മ്പി ത​ക​ർ​ത്ത് അ​ക​ത്തു​ക​യ​റി​യാ​ണ് മോ​ഷ​ണം ന​ട​ത്തി​യ​ത്.

മ​ണ്ണ​ഞ്ചേ​രി പെ​രു​മ​ന​യി​ൽ വീ​ട് വാ​ട​ക​ക്കെ​ടു​ത്ത് താ​മ​സി​ച്ചാ​ണ് ഇ​വ​ർ മോ​ഷ​ണം ന​ട​ത്തി​യി​രു​ന്ന​ത്. പ്ര​തി​ക​ളി​ൽ ഒ​രാ​ളാ​യ റോ​ബി​യു​ളി​നെ​തി​രെ ചേ​ർ​ത്ത​ല പൊ​ലീ​സ് സ്റ്റേ​ഷ​നി​ൽ സ​മാ​ന കേ​സു​ണ്ട്. മു​ഹ​മ്മ​ദ് അ​ഖി​ൽ മാ​രാ​രി​ക്കു​ളം പൊ​ലീ​സ് സ്റ്റേ​ഷ​ൻ പ​രി​ധി​യി​ൽ വീ​ട് ആ​ക്ര​മി​ച്ച കേ​സി​ലെ പ്ര​തി​യാ​ണ്. ചേ​ർ​ത്ത​ല ജു​ഡീ​ഷ്യ​ൽ ഫ​സ്റ്റ് ക്ലാ​സ് മ​ജി​സ്ട്രേ​റ്റ് കോ​ട​തി​യി​ൽ ഹാ​ജ​രാ​ക്കി​യ പ്ര​തി​ക​ളെ റി​മാ​ൻ​ഡ് ചെ​യ്തു.