വ്യവസായ കേന്ദ്രത്തിലെ റോഡുകൾ തകർന്നു; തിരിഞ്ഞുനോക്കാൻ ആളില്ല

അ​രൂ​ർ: വ്യ​വ​സാ​യ കേ​ന്ദ്ര​ത്തി​ൽ ത​ല​ങ്ങും വി​ല​ങ്ങും കി​ട​ക്കു​ന്ന റോ​ഡു​ക​ളി​ൽ പ​ല​തും ത​ക​ർ​ന്നു ത​രി​പ്പ​ണ​മാ​യി​ട്ട് നാ​ളു​ക​ളേ​റെ​യാ​യി. ടാ​ർ റോ​ഡു​ക​ളാ​യി​രു​ന്ന ഇ​വ​യി​ൽ ടാ​റി​ന്‍റെ അം​ശം​പോ​ലും കാ​ണാ​നി​ല്ല.നൂ​റി​ലേ​റെ വ്യ​വ​സാ​യ സ്ഥാ​പ​ന​ങ്ങ​ൾ സ്ഥി​തി​ചെ​യ്യു​ന്ന വ്യ​വ​സാ​യ കേ​ന്ദ്ര​ത്തി​ൽ റോ​ഡ് നി​ർ​മി​ക്കു​വാ​നു​ള്ള ചു​മ​ത​ല ആ​ർ​ക്കു​മി​ല്ലാ​ത്ത സ്ഥി​തി​യാ​ണു​ള്ള​ത്. വ്യ​വ​സാ​യ വ​കു​പ്പാ​ണ് വ്യ​വ​സാ​യ​ങ്ങ​ൾ​ക്ക്​ ആ​വ​ശ്യ​മാ​യ അ​ടി​സ്ഥാ​ന സൗ​ക​ര്യം ചെ​യ്തു​കൊ​ടു​ക്കേ​ണ്ട​ത്.

എ​ന്നാ​ൽ, ഒ​രു സ​ഹാ​യ​വും വ്യ​വ​സാ​യ​വ​കു​പ്പ് ചെ​യ്തു​കൊ​ടു​ക്കു​ന്നി​ല്ലെ​ന്ന പ​രാ​തി വ്യ​വ​സാ​യി​ക​ൾ​ക്കു​ണ്ട്. വ്യ​വ​സാ​യി​ക​ൾ പി​രി​ച്ചെ​ടു​ത്ത ല​ക്ഷ​ങ്ങ​ൾ ഉ​പ​യോ​ഗി​ച്ചാ​ണ് വ​ർ​ഷ​ങ്ങ​ൾ​ക്കു​മു​മ്പ് വ്യ​വ​സാ​യ കേ​ന്ദ്ര​ത്തി​ലെ റോ​ഡു​ക​ൾ പു​ന​ർ​നി​ർ​മി​ച്ച​ത്. സ​മു​ദ്രോ​ൽ​പ​ന്ന ക​യ​റ്റു​മ​തി സ്ഥാ​പ​ന​ങ്ങ​ളാ​ണ് വ്യ​വ​സാ​യ​ങ്ങ​ളി​ല​ധി​ക​വും. ക​യ​റ്റു​മ​തി​യു​ടെ മി​ക​വി​ൽ കേ​ന്ദ്ര​സ​ർ​ക്കാ​ർ സ​മു​ദ്രോ​ൽ​പ​ന്ന ക​യ​റ്റു​മ​തി​യു​ടെ ‘മി​ക​വി​ന്റെ പ​ട്ട​ണ​മാ​യി’ അ​രൂ​രി​നെ അം​ഗീ​ക​രി​ച്ചി​ട്ടും ഗ​താ​ഗ​തം, കു​ടി​വെ​ള്ളം, മാ​ലി​ന്യ സം​സ്ക​ര​ണം എ​ന്നീ കാ​ര്യ​ങ്ങ​ളി​ൽ പ​രി​ഹാ​ര​മു​ണ്ടാ​ക്കാ​ൻ കേ​ന്ദ്ര​സ​ർ​ക്കാ​റും ശ്ര​മി​ച്ചി​ട്ടി​ല്ല. വ​ലി​യ​ഭാ​ര​മു​ള്ള ക​ണ്ടെ​യ്ന​ർ ലോ​റി​ക​ളാ​ണ് വ്യ​വ​സാ​യ കേ​ന്ദ്ര​ത്തി​ൽ വ​രു​ന്ന വാ​ഹ​ന​ങ്ങ​ളി​ല​ധി​ക​വും.