മഴയും കടൽക്ഷോഭവും 30 കോടിയുടെ നഷ്​ടം

ആ​ല​പ്പു​ഴ: ടൗ​ട്ടെ ചു​ഴ​ലി​ക്കാ​റ്റി​നോ​ട് അ​നു​ബ​ന്ധി​ച്ച് ജി​ല്ല​യി​ലു​ണ്ടാ​യ ക​ന​ത്ത​മ​ഴ​യി​ലും കാ​റ്റി​ലും വെ​ള്ള​പ്പൊ​ക്ക​ത്തി​ലും ക​ട​ലാ​ക്ര​മ​ണ​ത്തി​ലും ജി​ല്ല​യി​ൽ വി​വി​ധ മേ​ഖ​ല​ക​ളി​ലാ​യി 30 കോ​ടി​യു​ടെ ന​ഷ്​​ട​മു​ണ്ടാ​യ​താ​യി പ്രാ​ഥ​മി​ക വി​ല​യി​രു​ത്ത​ൽ. ആ​റു താ​ലൂ​ക്കു​ക​ളി​ലാ​യി 30 വീ​ടു​ക​ൾ പൂ​ർ​ണ​മാ​യും 650 വീ​ടു​ക​ൾ ഭാ​ഗി​ക​മാ​യും ത​ക​ർ​ന്നു. വീ​ടു​ക​ൾ ന​ശി​ച്ച​തി​ൽ 4.48 കോ​ടി​യു​ടെ ന​ഷ്​​ടം ക​ണ​ക്കാ​ക്കു​ന്നു.

കാ​ർ​ഷി​ക​മേ​ഖ​ല​യി​ലാ​ണ് കൂ​ടു​ത​ൽ ന​ഷ്​​ടം. 14.89 കോ​ടി​യു​ടെ ന​ഷ്​​ട​മു​ണ്ടാ​യ​താ​യാ​ണ് റി​പ്പോ​ർ​ട്ട്. 477 ഹെ​ക്ട​റി​ലെ നെ​ൽ​കൃ​ഷി​യും 787.84 ഹെ​ക്ട​റി​ലെ പ​ച്ച​ക്ക​റി കൃ​ഷി​യും 12.1 ഹെ​ക്ട​റി​ലെ മ​റ്റു കൃ​ഷി​ക​ളും ന​ശി​ച്ചു. പ​ത്ത് പാ​ട​ശേ​ഖ​ര​ങ്ങ​ളി​ൽ മ​ട​വീ​ണു. തെ​ങ്ങ് അ​ട​ക്കം വൃ​ക്ഷ​ങ്ങ​ൾ ക​ട​പു​ഴ​കി​യും ന​ഷ്​​ട​മു​ണ്ടാ​യി. ക്ഷീ​ര​മേ​ഖ​ല​യി​ൽ 65.06 ല​ക്ഷം രൂ​പ​യു​ടെ ന​ഷ്​​ട​മാ​ണ് ക​ണ​ക്കാ​ക്കി​യി​ട്ടു​ള്ള​ത്. ഒ​മ്പ​തു ക​ന്നു​കാ​ലി​ക​ൾ ച​ത്തു. 17 ക​ന്നു​കാ​ലി ഷെ​ഡു​ക​ൾ പൂ​ർ​ണ​മാ​യും 203 എ​ണ്ണം ഭാ​ഗി​ക​മാ​യും ത​ക​ർ​ന്നു. മ​ത്സ്യ​ബ​ന്ധ​ന മേ​ഖ​ല​യി​ൽ ഒ​മ്പ​തു വ​ള്ള​ങ്ങ​ൾ പൂ​ർ​ണ​മാ​യും 29 എ​ണ്ണം ഭാ​ഗി​ക​മാ​യും ന​ശി​ച്ചു. 78 പേ​രു​ടെ വ​ല ന​ഷ്​​ട​പ്പെ​ട്ടു. 681.97 ഹെ​ക്ട​റി​ലെ മ​ത്സ്യ​കൃ​ഷി​യെ​യും ബാ​ധി​ച്ചു. മേ​ഖ​ല​യി​ൽ 4.26 കോ​ടി രൂ​പ​യു​ടെ ന​ഷ്​​ട​മാ​ണ്​ ക​ണ​ക്കാ​ക്കു​ന്ന​ത്.

പൊ​തു​മ​രാ​മ​ത്തു​വ​കു​പ്പി​െൻറ 22 കി​ലോ​മീ​റ്റ​ർ റോ​ഡ് ത​ക​ർ​ന്നു. 1.61 കോ​ടി രൂ​പ​യു​ടെ ന​ഷ്​​ട​മു​ണ്ടാ​യി. കെ.​എ​സ്.​ഇ.​ബി.​ക്ക് ആ​ല​പ്പു​ഴ സ​ർ​ക്കി​ളി​ൽ 2.46 കോ​ടി രൂ​പ​യു​ടെ​യും ഹ​രി​പ്പാ​ട് സ​ർ​ക്കി​ളി​ൽ 1.54 കോ​ടി രൂ​പ​യു​ടെ​യും ന​ഷ്​​ട​മു​ണ്ടാ​യി. 310.4 കി​ലോ​മീ​റ്റ​ർ നീ​ള​ത്തി​ൽ ഇ​ല​ക്ട്രി​ക് ലൈ​നു​ക​ൾ ന​ശി​ച്ചു. 672 പോ​സ്​​റ്റു​ക​ളും അ​ഞ്ചു ട്രാ​ൻ​സ്‌​ഫോ​മ​റു​ക​ളും ത​ക​രാ​റി​ലാ​യി.