വിലയിൽ കുതിപ്പ്; കരിഞ്ചന്തയിൽ മണ്ണെണ്ണ, രൂക്ഷപ്രതിസന്ധിയിൽ മത്സ്യബന്ധന മേഖല

ആ​ല​പ്പു​ഴ: മ​ണ്ണെ​ണ്ണ​യു​ടെ​യും ഡീ​സ​ലി‍െൻറ​യും വി​ല അ​നു​ദി​നം കു​തി​ച്ചു​യ​രു​മ്പോ​ൾ ത​ക​ർ​ച്ച​യി​ലേ​ക്ക്​ കൂ​പ്പു​കു​ത്തു​ക​യാ​ണ്​ മ​ത്സ്യ​ബ​ന്ധ​ന​മേ​ഖ​ല. ചെ​ല​വി​നൊ​ത്ത്​ വ​രു​മാ​നം ല​ഭി​ക്കാ​ത്ത​തി​നാ​ൽ മു​റി​വ​ള്ള​ങ്ങ​ളി​ൽ പ​ണി​ക്കു​പോ​കു​ന്ന​വ​ര​ട​ക്കം പ​ര​മ്പ​രാ​ഗ​ത മീ​ൻ​പി​ടി​ത്ത തൊ​ഴി​ലാ​ളി​ക​ൾ പ​ല​രും​ വി​ട്ടു​നി​ൽ​ക്കു​ക​യാ​ണ്. മ​ത്സ്യ​ബ​ന്ധ​ന മേ​ഖ​ല​ക്ക്​ ആ​വ​ശ്യ​മു​ള്ള മ​ണ്ണെ​ണ്ണ​യു​ടെ ചെ​റി​യ അ​ള​വു​പോ​ലും സ​ർ​ക്കാ​ർ ല​ഭ്യ​മാ​ക്കു​ന്നി​ല്ലെ​ന്ന​ത്​​ രൂ​ക്ഷ​മാ​യ പ്ര​ശ്ന​മാ​ണ്. യാ​ന​ങ്ങ​ളി​ലെ ഔ​ട്ട്ബോ​ർ​ഡ് എ​ൻ​ജി​ൻ പ്ര​വ​ർ​ത്തി​പ്പി​ക്കാ​ൻ വേ​റെ വ​ഴി​യി​ല്ലാ​ത്ത​തി​നാ​ൽ മ​ത്സ്യ​ത്തൊ​ഴി​ലാ​ളി​ക​ളും യാ​നം ഉ​ട​മ​ക​ളും ക​രി​ഞ്ച​ന്ത​യി​ൽ​നി​ന്ന്​ കൂ​ടി​യ വി​ല​യി​ൽ മ​ണ്ണെ​ണ്ണ വാ​ങ്ങേ​ണ്ട സ്ഥി​തി​യാ​ണ്. വേ​ണ്ട​ത്ര മ​ണ്ണെ​ണ്ണ കി​ട്ടാ​ത്ത​തി​ന്​ പു​റ​മെ​യാ​ണ്​ വി​ല​വ​ർ‍ധ​ന​യും കേ​ന്ദ്ര​സ​ർ​ക്കാ​റി‍െൻറ വെ​ട്ടി​ക്കു​റ​ക്ക​ലും.

മ​ണ്ണെ​ണ്ണ ലി​റ്റ​റി​ന് 123.19 രൂ​പ​യാ​ണി​പ്പോ​ൾ. മാ​ർ​ച്ച്​ 17ന്​ ​മു​മ്പ്​ ലി​റ്റ​റി​ന് 104 രൂ​പ​യാ​യി​രു​ന്നു വി​ല. മ​ത്സ്യ​ഫെ​ഡി‍െൻറ പ​മ്പു​ക​ളി​ൽ​നി​ന്ന്​ പെ​ർ​മി​റ്റു​ള്ള ജ​ല​യാ​ന​ങ്ങ​ൾ​ക്ക് 25 രൂ​പ സ​ബ്‌​സി​ഡി നി​ര​ക്കി​ൽ മ​ണ്ണെ​ണ്ണ ല​ഭി​ക്കും. വി​ല കു​തി​ച്ചു​യ​ർ​ന്നി​ട്ടും സ​ബ്‌​സി​ഡി വ​ർ​ധി​പ്പി​ക്കാ​ത്ത​താ​ണ് ദു​രി​തം. 2016വ​രെ കേ​ര​ള​ത്തി​ൽ മ​ണ്ണെ​ണ്ണ ഉ​പ​യോ​ഗി​ച്ച്​ പ്ര​വ​ർ​ത്തി​ക്കു​ന്ന 9.9 എ​ച്ച്.​പി എ​ൻ​ജി​ന് 129 ലി​റ്റ​റും 15 എ​ച്ച്.​പി എ​ൻ​ജി​ന് 136 ലി​റ്റ​റും 25 എ​ച്ച്.​പി എ​ൻ​ജി​ന് 180 ലി​റ്റ​റും മ​ണ്ണെ​ണ്ണ ലി​റ്റ​റി​നു 13 രൂ​പ​ക്ക്​ സ​ബ്‌​സി​ഡി നി​ര​ക്കി​ൽ ല​ഭി​ച്ചി​രു​ന്നു. 1981-85 കാ​ല​ത്ത്​ പി.​എ​സ്. ശ്രീ​നി​വാ​സ​ൻ ഫി​ഷ​റീ​സ് മ​ന്ത്രി​യാ​യി​രി​ക്കെ​യാ​ണ്​ വി​ദേ​ശ​ത്തു​നി​ന്ന് ഔ​ട്ട്ബോ​ർ​ഡ് എ​ൻ​ജി​നു​ക​ൾ ഇ​റ​ക്കു​മ​തി ചെ​യ്ത് മ​ത്സ്യ​ത്തൊ​ഴി​ലാ​ളി​ക​ൾ​ക്കു ന​ൽ​കി​ത്തു​ട​ങ്ങി​യ​ത്. പെ​ട്രോ​ൾ ഉ​പ​യോ​ഗി​ച്ച് സ്റ്റാ​ർ​ട്ട് ചെ​യ്യു​ക​യും തു​ട​ർ​ന്ന് മ​ണ്ണെ​ണ്ണ​യി​ൽ പ്ര​വ​ർ​ത്തി​ക്കു​ക​യു​മാ​ണ് ഈ ​എ​ൻ​ജി​നു​ക​ളു​ടെ രീ​തി. അ​ന്ന് മാ​സം 420 ലി​റ്റ​ർ മ​ണ്ണെ​ണ്ണ റേ​ഷ​ൻ വി​ല​യി​ൽ ന​ൽ​കി​യി​രു​ന്നു. ലി​റ്റ​റി​ന് ഒ​മ്പ​ത്​ രൂ​പ​യാ​യി​രു​ന്നു വി​ല. അ​ക്കാ​ല​ത്ത്​ ത​ന്നെ ആ​വ​ശ്യ​മു​ള്ള​തി​ലും വ​ള​രെ കു​റ​ച്ച് മ​ണ്ണെ​ണ്ണ​യാ​ണ് സ​ർ​ക്കാ​ർ ന​ൽ​കി​യി​രു​ന്ന​ത്. ക​ഴി​ഞ്ഞ സ​ർ​ക്കാ​റി‍െൻറ കാ​ല​ത്ത് റേ​ഷ​ൻ വി​ല​യി​ൽ ല​ഭി​ക്കു​ന്ന മ​ണ്ണെ​ണ്ണ​യു​ടെ അ​ള​വ് 129 ലി​റ്റ​റാ​യി കു​റ​ച്ചു. ഒ​രു യാ​ന​ത്തി​ന് മാ​സം 600-700 ലി​റ്റ​ർ മ​ണ്ണെ​ണ്ണ വേ​ണ്ടി​വ​രു​മെ​ന്നാ​ണ് തൊ​ഴി​ലാ​ളി​ക​ൾ പ​റ​യു​ന്ന​ത്. 9.9 കു​തി​ര​ശ​ക്തി​യു​ള്ള എ​ൻ​ജി​ന് ദി​വ​സം ശ​രാ​ശ​രി 30 ലി​റ്റ​ർ മ​ണ്ണെ​ണ്ണ വേ​ണം.

ക​രി​ഞ്ച​ന്ത​യി​ൽ ഏ​ജ​ന്‍റു​മാ​രി​ൽ​നി​ന്ന്​ മ​ണ്ണെ​ണ്ണ വാ​ങ്ങാ​ൻ യ​ഥാ​ർ​ഥ വി​ല​യു​ടെ ഇ​ര​ട്ടി ന​ൽ​ക​ണം. ഇ​നി ലി​റ്റ​റി​ന് 100 രൂ​പ​യി​ലേ​റെ അധികം ന​ൽ​കേ​ണ്ടി​വ​രും. വ​രു​മാ​ന​ത്തി‍െൻറ വ​ലി​യ പ​ങ്ക് മ​ണ്ണെ​ണ്ണ​ക്ക്​ ചെ​ല​വാ​കു​മെ​ന്നാ​ണ്​​ യാ​നം ഉ​ട​മ​ക​ൾ പ​റ​യു​ന്ന​ത്.