വഴിതെറ്റിയ അമ്മക്ക് വഴികാട്ടിയായി പൊലീസ്

ആലപ്പുഴ: ക്ഷേത്ര ദർശനത്തിന്​ ​േപായി തിരികെ വരു​േമ്പാൾ വഴിതെറ്റിയ വയോധികക്ക്​ പൊലീസ്​ തുണയായി. കൊട്ടാരക്കര നടുവത്തൂരിലെ അഭിലാഷ് ഭവനത്തിൽ ചന്ദ്രശേഖരന്‍റെ ഭാര്യ ശൈലജകുമാരിക്കാണ് (76) ആലപ്പുഴ നോർത്ത് പോലിസ് സർക്കിൾ ഇൻസ്‌പെക്ടർ കെ.പി. വിനോദും സംഘവും സഹായവുമായെത്തിയത്​.

മകൻ അനീഷിനോടൊപ്പം ചേർത്തല വാരനാട് ക്ഷേത്രത്തിൽ പോയി തിരികെവരു​േമ്പാൾ വഴിതെറ്റി ശൈലജകുമാരി ആലപ്പുഴ ശവക്കോട്ട പാലം ജങ്​ക്ഷനിൽ ഇറങ്ങുകയായിരുന്നു. ഇതറിയാതെ മകൻ യാത്ര തുടരുകയും ചെയ്തു.

എങ്ങോട്ട്​ പോകണമെന്നറിയാതെ ശൈലജകുമാരി പരിഭ്രമിച്ചുനിൽക്കു​േ​മ്പാഴാണ്​ സി.ഐയും സംഘവും അതുവഴി വന്നത്. കാര്യങ്ങൾ തിരക്കിയപ്പോൾ മകന്‍റെ ഫോൺ നമ്പറോ മറ്റോ കൈയിലില്ലെന്ന്​ പറഞ്ഞു. തുടർന്ന് പൊലീസ് നടുവത്തൂർ പഞ്ചായത്തുമായി ബന്ധപ്പെട്ട്​ മകൻ അനീഷിന്‍റെ നമ്പർ വാങ്ങി വിവരം അറിയിച്ചു. വണ്ടാനത്ത് ഇറങ്ങിയ അനീഷിന്‍റെ അരികിലേക്ക്​ പിങ്ക് പട്രോളിന്‍റെ വണ്ടിയിൽ ശൈലജയെ എത്തിച്ചാണ്​ പൊലീസ്​ മടങ്ങിയത്​.