ഉദ്​ഘാടനം കഴിഞ്ഞിട്ട്​ ഒരു വർഷം; മാനവീയം പാർക്കിലെ കളിയുപകരണങ്ങൾ നശിക്കുന്നു

അ​രൂ​ർ: അ​രൂ​ർ ഗ്രാ​മ​പ​ഞ്ചാ​യ​ത്തി​ന്റെ മാ​ന​വീ​യം വേ​ദി​യി​ൽ സ്ഥാ​പി​ച്ച കു​ട്ടി​ക​ളു​ടെ ക​ളി​യു​പ​ക​ര​ണ​ങ്ങ​ൾ തു​രു​മ്പെ​ടു​ത്ത്​ ന​ശി​ക്കു​ന്നു. കു​ട്ടി​ക​ൾ ക​യ​റി​യാ​ൽ വീ​ണു കാ​ലി​ന് പ​രി​ക്ക് പ​റ്റാ​ൻ സാ​ധ്യ​ത​യു​ള്ള​താ​ണ്​ പ​ല ഉ​പ​ക​ര​ണ​ങ്ങ​ളും. ഉ​ദ്ഘാ​ട​നം ക​ഴി​ഞ്ഞ് ഒ​രു​വ​ർ​ഷ​മാ​കു​മ്പോ​ഴേ​ക്കും പാ​ർ​ക്കി​ലെ ക​ളി ഉ​പ​ക​ര​ണ​ങ്ങ​ൾ ന​ശി​ക്കു​ന്ന​ത് ഗു​ണ​നി​ല​വാ​ര​മി​ല്ലാ​ത്ത​തു​കൊ​ണ്ടാ​ണെ​ന്ന് നാ​ട്ടു​കാ​ർ പ​റ​യു​ന്നു.

സ്ഥാ​പി​ച്ച ക​രാ​റു​കാ​ര​നെ കൊ​ണ്ട് ത​ന്നെ ഉ​പ​ക​ര​ണ​ങ്ങ​ൾ ന​ന്നാ​ക്കു​വാ​ൻ പ​ഞ്ചാ​യ​ത്ത് ന​ട​പ​ടി​യെ​ടു​ക്ക​ണ​മെ​ന്നാ​ണ് ആ​വ​ശ്യം. നി​ബ​ന്ധ​ന​ക​ൾ പാ​ലി​ക്കാ​ൻ പാ​ർ​ക്കി​ൽ സൂ​ക്ഷി​പ്പു​കാ​ര​നെ നി​യോ​ഗി​ക്ക​ണ​മെ​ന്നും ആ​വ​ശ്യ​മു​ണ്ട്. അ​റ്റ​കു​റ്റ​പ്പ​ണി ന​ട​ത്തു​ന്ന​തു​വ​രെ പ്ര​വേ​ശ​നം ത​ട​യ​ണ​മെ​ന്ന് മാ​ന​വീ​യം വേ​ദി​യി​ലെ​ത്തു​ന്ന​വ​ർ പ​റ​യു​ന്നു.

ഒ​രു കോ​ടി​യി​ല​ധി​കം രൂ​പ ചെ​ല​വ​ഴി​ച്ചാ​ണ് എ​രി​യ​കു​ള​ത്തി​ന്റെ ന​വീ​ക​ര​ണ​ത്തോ​ടൊ​പ്പം മാ​ന​വീ​യം വേ​ദി​യും പാ​ർ​ക്കും നി​ർ​മിച്ച​ത്. നി​ർ​മ്മാ​ണ​ത്തി​ൽ അ​പാ​ക​ത​യും അ​ഴി​മ​തി​യു​മു​ണ്ടെ​ന്ന്​ നി​ർ​മ്മാ​ണാ​വ​സ്ഥ​യി​ൽ ത​ന്നെ ആ​രോ​പ​ണ​മു​യ​ർ​ന്നി​രു​ന്നു. പാ​ർ​ക്കി​ലെ ഉ​പ​ക​ര​ണ​ങ്ങ​ൾ അ​ധി​ക​കാ​ല​മാ​കു​ന്ന​തി​നു മു​മ്പ് ന​ശി​ച്ചു തു​ട​ങ്ങി​യ​തി​നെ​തി​രെ ബ്ലോ​ക്ക് പ​ഞ്ചാ​യ​ത്ത് മു​ൻ അം​ഗം വി.​കെ. ഗൗ​രീ​ശ​ൻ പ​രാ​തി ന​ൽ​കി​യി​ട്ടു​ണ്ട്.