'പൊന്നാനി മഷി'യിൽ താജ് ബക്കറിെൻറ ചിത്രങ്ങൾ
text_fieldsആലപ്പുഴ: അന്യംനിന്നുപോകുന്ന തീർത്തും പ്രകൃതിദത്തമായ 'പൊന്നാനി മഷി'യിൽ ചിത്രകാരനായ താജ് ബക്കർ വരച്ച ചിത്രങ്ങൾ ശ്രദ്ധേയമാകുന്നു.
'അറബിക് ഇങ്ക്' പേരിൽ ഏറെ പേരുകേട്ട ഈ നാടൻമഷി മാധ്യമമാക്കി കൊച്ചി ബിനാെല ഫൗണ്ടേഷൻ സംഘടിപ്പിക്കുന്ന 'ലോകമേ തറവാട്' പ്രദർശനത്തിൽ താജിെൻറ 27 സൃഷ്ടിയാണുള്ളത്.
ബുധനാഴ്ച ആലപ്പുഴയിലെത്തിയ തുറമുഖ-പുരാവസ്തു മന്ത്രി അഹമ്മദ് ദേവർകോവിൽ പോർട്ട് മ്യൂസിയത്തിലെ പ്രദർശനത്തിലെ താജിെൻറ ചിത്രങ്ങളെ ശ്ലാഘിച്ചു. ഖുർആനിെൻറ കൈയെഴുത്തുപ്രതികളിൽ ഈ മഷിയാണ് പഴയകാലത്ത് അധികവും ഉപയോഗിച്ചുപോന്നിരുന്നത്. ഗതകാല സ്മരണകൾ ഉയർത്തുന്ന ഈ രീതിയെ ചിത്രകലയിലേക്ക് സന്നിവേശിപ്പിക്കുകയായിരുന്നു അറിയപ്പെടുന്ന നാടകപ്രവർത്തകൻകൂടിയായ ഈ പൊന്നാനി സ്വദേശി. 36കാരനായ താജ് ബക്കറിെൻറ ചിത്രപ്രദർശനം കഴിഞ്ഞ ഡിസംബറിൽ ബംഗ്ലാദേശിലെ ധാക്കയിൽ യു.എസ് എംബസിയുടെ സഹായത്തോടെ ജോൺ എഫ്. കെന്നഡി ഫൗണ്ടേഷൻ സംഘടിപ്പിച്ചിരുന്നു.
കടലുമായി ബന്ധപ്പെട്ട 11 ചിത്രവും മലയാളമരങ്ങൾ എന്ന പേരിൽ മറ്റൊരു പരമ്പരയുമാണ് 'ലോകമേ തറവാട്' പ്രദർശനത്തിലുള്ളത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.